ايش علاقة الالوان بالتسويق؟ ليش فيسبوك لونه ازرق وكوكاكولا احمر؟ طيب تدري انه شي مره بسيط مثل تغيير لون زر في موقع راح يغير تصرف المستخدم تماماً؟
نصيحة إذا مشغول فضلها و تابع الثريد
نصيحة إذا مشغول فضلها و تابع الثريد
في مقابلة مع صحيفة نيويوركر السبب اللي خلى mark zuckerberg يخلي لون شعار فيسبوك ازرق هو انه كان عنده عمى الوان وما يقدر يشوف اللون الاخضر واللون الاحمر ، الا اللون الازرق هو افضل لون يقدر يشوفه بعيونه وبالتالي اختار اللون الازرق لفيس بوك.
مارك اختار اللون الازرق لانه اكثر لون يشده ومميز بعيونه طيب ايش علاقة العيون باختيار لون شعار الشركة ليش ما اختار عشوائي لانه اي لون بيكون مناسب.
عشان نتكلم في الموضوع هذا لازم نفهم الحواس الخمسة للمستهلك (الشم، الذوق، اللمس، الرؤية، السمع) وبنركز على الرؤية لانها اقوى حاسة عند الانسان، صحيفة fast company تقول المستهلك يتخذ قراره على تبني المنتج باستخدام ٩٠٪ من حاسة الرؤية
طيب هل هذي فلسفة مسوقين ولا صدق في اثباتات وتجارب؟ راح اوريكم اثباتات على الكلام هذا وراح اعلمكم ايش علاقة كل لون بالبراند وايش الي يفكر فيه المستهلك اذا شاف الالوان هذي.
كوكاكولا ماخذين حماية فكرية على درجة اللون الاحمر وممنوع اي شركة منافسة تصنع منتج بنفس درجة لون الاحمر لعلبة كوكاكولا و برضو شركة تيفاني ماخذه ملكية فكرية على درجة من اللون الازرق يشوفونها خاصه فيهم وتمثل الفخامه في منتجاتهم وهذي صورة توريك كم شركة معروفة والالوان اللي يملكونها
طيب ليش الشركات هذي تدفع مبالغ كبيرة بس عشان تمتلك لون ، ايش يستفيدون منه هاللون ؟ وايش تمثل الالوان بالنسبة لهم ؟
الاسباب كثير اهم سبب فيهم هو التمييز ، تخيل انك دخلت سوبرماركت وانت متجه للثلاجات بتشوف المنتجات من بعيد على رف الثلاجة لاكن ما يمديك تعرف المنتج هذا ايش الا اذا قربت منه وقريت ، لاكن لو شفت علبة كوكاكولا الحمراء المميزة من بعيد على طول بيجي ببالك كوكاكولا وهذا بالضبط هدفهم
يتبع.
يتبع.
بغض النظر انت بتشتري او لا بس يكفي انه عيونك صارت تميز منتجاتهم من بين الاصناف العديدة اللي على الرف
طيب وش معنى اللون الاحمر ؟ صحيفة the logo company تقول ان مجرد النظر الى اللون الاحمر ممكن انه يرفع معدل دقات القلب ، يعتبر لون قوي ويعبر عن الدفئ و الاثارة والسرعة وهذي صورة توضح الالوان للشركات وتعبيرها لهم
هذا شرح دقيق اكثر عن ثلاث الوان وايش افضل قطاع مناسب لها
واخيراً مثال عن شركة تسويق معروفة اسمها hubspot اجرت اختبار تبغى تعرف هل لو غيرت لون زر في موقع اللكتروني راح يفرق كثير ؟ فا سوو اختبار A/B لنفس الاعلان لاكن لون الزر فقط مختلف وش تتوقعون اللي جاب نتائج اكثر ؟
الجواب هو اللون الاحمر تفوق على اللون الاخضر بنسبة 21% ، تذكرون يوم قلتلكم اللون الاحمر يعبر عن السرعة؟ هنا اللي اكتشفوه انه اللون الاحمر يعطي شعور بالسرعة والاستعجال كانه يصرخ اضغط الان !! على عكس اللون الاخضر تحسه هادئ.
- واخيراً هذا اول ثريد لي في مجال تخصصي وان شاء الله راح استمر في كتابة الثريدات لاني انسان احب تخصصي واحب أقرا عنه.
- اذا عجبك المحتوى وتبغى تقرأ اكثر تابعني راح انزل تغريدات وثريدات اكثر عن مجال التسويق 🤍
- اذا عجبك المحتوى وتبغى تقرأ اكثر تابعني راح انزل تغريدات وثريدات اكثر عن مجال التسويق 🤍
@rattibha رتبها
جاري تحميل الاقتراحات...