حاحكى ليكم عن شخصية رائعة جدا التقيت بها قبل شهرين تقريبا رحالة الماني اسمه سيمون بدات صداقتنا في جزيرة توتي ووفي صباح اليوم التاني كنت في رحلة معاه زرنا فيها عدة من مناطق السودان المختلفة . في الثريد دا احكي ليكم عن الاماكن الزرناها ...🙃#السودان #traveling #sudan
التقينا في موقف شندي بدينا باهرامات البجراوية وركبنا حافلات عطبرة نزلتنا في الشارع السريع قصاد الاهرامات كملنا مشي اليوم داك مشينا حوالى 15 كيلو 😅
بعد ما قعدنا في البجراوية عدة ساعات رجعنا تاني للشارع السفري عشان نمشي عطبرة وقفنا لينا بتاع شاحنة قال لينا انه ماشي عطبرة .
لكن للاسف وقفونا في تفتيش الدامر ناس الامن والمخبارات العسكرية قعدو يحققوا معانا قريب ثلاث ساعات من العصر الى قريب العشاء وفوتنا بتاع الشاحنة , وشالو بطاقتي وجوازه قالوا لينا تجو تستلموهم من قسم الشرطة في عطبرة . وبعدها واحد من ناس الامن وصلنا عطبرة .
بعد ما خلصنا امورنا مع ناس شرطة السياحة وقابلنا عقيد من الشرطة ووضح لينا انهم وقفونا ليه ورجعوا لينا حاجتانا اتجهنا للولاية الشمالية نزلنا في كريمة , وهناك التقينا بالراجل الطيب الاصر انه يوصلنا للوكندة
كريمة كانت عندها طابعها الخاص مدينة هادية جدا .
تاني يوم مشينا حضرنا الشروق في جبل البركل كان منظر جميل النيل امامك والاهرامات خلفك
ومنها مشينا ركبنا مواصلات الكاسنجر نزلنا في الشارع ودخلنا عبر الجناين مسافة 2-3 كيلو تقريبا لحدي ما وصلنا لي جزر الكاسنجر
بعدها تاني رجعنا كريمة ريحنا شوية ومنها مشينا لمنطقة الكرو
وهناك التقينا بي عقيد في الجمارك معاها اولادا جاين زيارة برضو للمنطقة , فسالنهم اذا ممكن يرجعونا معاهم كريمة فوافقوا لكن قالوا لينا انهم عندهم زيارات تانية اول . فكنا محظوظين مشينا معاهم اماكن اول مرة نسمع بوجوداا .
مناطق زي الغابة الحجرية في وسط الصحراء ,دي عبارة اشجار استوائية عملاقة اتحولت مع مرور الزمن الا صخور
ومناجم الحجر الجيري سلسلة من الانفاق لا يرى اخرها داخل الجبال
ومن هناك مشينا الى سد مروى وبحيرة السد
بعدها رجعونا لي كريمة ومنها كان مفروض نمشي على كرمة ودنقلا لكن غيرنا الخطة لانه نتجه للشرق فمشينا على بورت سودان , في الطريق نزلنا في الشارع كالعادة😅 عند مدخل سواكن قلنا نمشي الميناء الاثري
ومن الميناء اتمشينا لحدي الموقف عشان نركب الحافلات البتمشي بورت سودان
في بورت سودان مشينا الكورنيش والسقالة واهم حاجة مشينا الغطس الحر
في بورت سودان لاقينا طلابي الكانو في رحلة علمية لبورت سودان فنزلنا معاهم وبرمجنا معاهم , وبعدها سيمون رجع الخرطوم عشان يتم رحلتو حول افريقيا من السودان مشي اثيوبيا ويوغندا وحاليا في تنزانيا .
وانا واصلت مع الطلاب الطريق ومشينا بعدها بيوم للقاعد البحرية فلامنغو وطلعنا معاهم في رحلة بحرية .
بعد ما خلصنا الزيارات الرسمية والترفيهية من موانئ واكواريوم ومنتجعات كالكيلو و عروس , مشينا سكواكن لزيارة الميناء الاثري وبعداها الى منطقة اركويت . اركويت وحدة من اجمل المناطق في السودان عبارة عن منطقة جبلية الجو فيها معتدل طوال العام
في نهاية الثريد حابي اقوليكم "سافر انت لست شجرة " والعايز يعرف السودان يطلع براا الخرطوم ...
سؤال اتخيل الرحلة دي كلفت معااي كم 🤷♂️😅😅😆
جاري تحميل الاقتراحات...