لو انت مش متابع اللي بيحصل تعالى اقولك ايه هو، في الشهر ده اكتر من شركة عملت layoff#
ايوة زي ما انت متخيل بالظبط ، تصحى تاني يوم تلاقي نفسك في الشارع بدون شغل ، اللي بقى كان واخد اجازة جواز و رجع اتصدم و اللي عنده اسرة و بيت و اللي عنده ديون بيسددها ، كل ده ملهمش علاقة بيه، مش هنتكلم في جزئية الغلط و كل ده قد ما هتكلم عن كام نقطة مهمين جداً :
- مفيش حاجة اسمها ابن الشركة و شغل دايم ، انت في اي وقت ممكن تصحى تلاقي نفسك اتكلت على الله زيك زي غيرك حتى لو في شركة من ال #FAANG زي Netflix مثلاً ، متريحش و كمل شغل على نفسك عشان شغلك هو اللي هيخليك تلاقي شغل تاني على طول ( بعد كرم ربنا طبعاً )
٢- ربنا مبيضيعش مجهود حد و لا تعبه و طول ما انت بتشقى عشان تخلص حاجات من اللي عليك او التزاماتك او اياً كان ربنا هيكرمك اضعاف مضاعفة و هتلاقي بدل الشغل اتنين و تلاتة و ده عن تجربة شخصية و الله
٣- حاول قدر الامكان تخلي مبلغ على جنب للزنقات اللي زي ديه ( مفيش حاجة مضمونة )
٤- ماركت لنفسك قدر الامكان و خلي ليك اسم و خلي شغلك يتكلم عنك و طول ما عندك فرصة تساعد حد ساعده عشان اما يحصلك حاجة زي كده تلاقي ناس في ضهرك و بتساعدك
٤- ماركت لنفسك قدر الامكان و خلي ليك اسم و خلي شغلك يتكلم عنك و طول ما عندك فرصة تساعد حد ساعده عشان اما يحصلك حاجة زي كده تلاقي ناس في ضهرك و بتساعدك
٥- بيحصل عظمة على Linkedin و الله و قد ايه فعلاً في ناس محترمة في ال community و بيحاولوا يساعدوا الناس اللي مشيوا من شغلهم انهم يلاقوا فرص تانية في شركات تانية و فعلاً الموضوع له أثر ايجابي حلو زي ما له اثر سلبي ضايقنا كلنا
جاري تحميل الاقتراحات...