سنة ستة وخمسين كانت مصر بتتعرض للعدوان الثلاثي من بريطانيا وفرنسا وإسرائيل، وفي نفس السنة كان فيلم شباب امرأة من إخراج صلاح ابو سيف رائد الواقعية المصرية مشارك في مهرجان كان، وكانت بطلة الفيلم الفنانة تحية كاريوكا هتدخل على السجادة الحمراء للمهرجان 👇
قبل ما تطلع بدقايق راحت غيرت هدومها ولبست ملاية لف والخلاخيل والشبشب ابو وردة، وطبعا دخلتها خطفت الأضواء كلها لدرجة انها اثارت غيرة نجمات كبار كانوا حاضرين واستفزتهم وكان من ضمنهم النجمة سوزان هيوارد اللي كانت قاعدة على ترابيزة جنب الترابيزة اللي قاعدة عليها تحية كاريوكا 👇
الست اتفتحت في الكلام في السياسة ولأنها متعاطفة مع الصهاينة قعدت تشكر في إسرائيل وتقول على العرب حيوانات وهمج.. الست تحية معجبهاش الكلام فقامت وفرشت الملاية فعليا للأخت سوزان هيوارد، وسمعتها من المنقي خيار، كان موجود ساعتها النجم الأمريكي داني كاي اللي تعصب لسوزان هيوارد 👇
ودخل على تحية كاريوكا بيحاول يسكتها، وأول ما دخل في دايرة الرماية بتاعة الست تحية قلعت الشبشب ابو وردة وطرقعتله على راسه، ورغم ان فيلم شباب امرأة كان مرشح بقوة انه ياخد جايزة على الاقل لبطلته تحية كاريوكا اللي عملت فيه دور عالمي الا ان موقفها ده خلا اللجنة تحرم الفيلم من أي جايزة
بس تحية كاريوكا رجعت من مهرجان كان بشهادة تاريخية ان اللي يتكلم عن مصر كلمة غلط هيتعمل معاه الصح.. شبشب الست تحية كاريوكا سيظل علامة خالدة في الحفاظ على كرامة وطن ستاته أرجل من أي رجالة في العالم
الست تحيه ست الستات
الست تحيه ست الستات
جاري تحميل الاقتراحات...