رتبها

برشلونه 💙
مدينه حيه وحلوه وجوها يجيب العافيه وماينمل منها ..
اذا ناوي تروح هذا ثريد كامل لزيارتي لها قبل اسبوعين 👍
خلها في مفضلتك يمكن تحتاج لها ✅

بالبداية الفيزا الاسبانية سهلة جدا ومكانهم منفصل عن باقي فيزا الشنقن ،
كل اللي عليك تحجز موعد بموقعهم وتكمل المتلطبات وتجيبها معك ..
وعندهم ميزة انك تاخذ موعد vip بنفس اليوم وزيادة وتزيد ٣٥٠ تقريبا ،
جلست ثلاث ايام وطلعت لي
وهذي المتطلبات

السكن خيارات برشلونه كثيرة بالفنادق ،
بس انا اعتمدت على تطبيق Airbnb ،
بحكم ان معي سياره ومايفرق معي المشاوير ومسافتها ،
اللي مامعه سيارة انصحه يكون بالداون تاون او بمنطقة الرامبلا قريب منها

السكن اعتمدت على هالفلة اول اربع ايام ،
كان خيار حلو ،
مكانهم يبعد عن الرامبلا والاماكن السياحية بالسياره ربع ساعه ..
ميزتها شرحه وكبيره وكل شي فيها حتى ادوات الطبخ وحاطين اكل فيها للي يبي يطبخ وفيها مسبح وجلسة خارجية وموقف سياره ،
سعرها تقريبا باليوم طلع لي بـ الف ريال سعودي

السكن الثاني شقة حلوه وملمومه وقريبه من الرامبلا مشي عشر دقائق باليوم تقريبا ٦٥٠ ريال ،

واللي يبي فنادق مناسبة وحلوه وقريبه من كل شي انصحه في هالخيارات ،

الفعاليات كثيره في برشلونه ومتنوعه ،
اعتمدت على تطبيق Airbnb في بعضها ،

واذا ودك تاخذ جولة في اغلب الاماكن السياحيه انصحكم تركبون الباص حقهم ياخذ فيك جولة على اغلب واهم معالم برشلونة

شارع الرامبلا في برشلونه هو اشهر شارع عندهم ومسافه طويله للمشي فيه ،
اهم شي لا تجونه بالليل متاخر 👍

هالشارع لازم تخصص له يوم كامل خاصة اذا تحب التسوق ،
كله ماركات واسعارها اقل من عندنا بكثير + ترى اليورو طايح استغل الوضع 👍

Port Olîmbic
منطقة ميناء بحري وفيها مطاعم وقهاوي ..
اغلب مطاعمها اسماك وكل واحد يقول الزين عندي 👍

فندق W ،
الجلسه فيه قدام المسبح و البحر رايقه وتقدر تحجز لك جلسه فيه + عندهم مطاعم حلوه تستاهل تخليه من خياراتك

وهذا اوت لات عندهم حلو ويبعد عن برشلونه ٢٥ دقيقه تقريبا في اغلب الماركات العالمية اسمه La Roca

Park Gûell
حديقة وسيعة صدر ومكانها في اعلى قمة في برشلونة ،
تشوف اغلب برشلونه من اطلاله عاليه واهم شي البس شوز مريح وحق مشي لانك بتمتر الدنيا كلها

كنيسة
La Sagrada Família
لهم اكثر من ١٠٠ سنه يبنونها وللحين ماخلصت لاسباب كثيره ،
ويقولون هالسنتين بيخلصون منها
مريت عليها بالسياره تصميمها غريب وعجيب وتستاهل الزياره بس لازم حجز قبل

سوق شعبي كنه سوق الشمال اسمه mercat de sant حلو تاخذ فره وتشتري زعفران

المطاعم كثير حلوه والتجارب مافيها ماتقدر تكملها كلها من كثرها ،
هالمطعم مره مميز وجوه حلو وعندهم بيتزا الترافل والمارجريتا لذيذذذه جدا
اسمه Parking pizza

البايلا الاسبانية طبق عظيم جدا ولذيذ وما ودك يخلص خاصة اذا عصرت عليه ليمون ،
هالمطعم اعتبره الذ مطعم جربته عنده وميزته اطلالته على البحر وجوه رايق
اسمه pez vela

مطعم مازه لبناني وحلو اذا اشتهيت اكل عربي ،

وهذي افضل ثلاث مطاعم برجر بالنسبه لي واعجبتني
1 : Bacoa
2 : Timesburg Sant Joan
3 : Goiko

وهذا مطعم فطور وقهوة عجبني اعتمدت عليه من تقرير @_waseem24
اسمه Billy Brunch
الفطور والقهوة وكل شي جميل 👍

وهذي اضافه زياده لمطاعم الفطور ومعها قهوة حلوه 👍
Federal Cafe

وهذي خيارات محلات قهوة مختصه في برشلونة 👍
1 : Nomad Coffee Lab & Shop
2 : sky coffee
3 : cafés el magnífico

مطعم El Asador ،
عندهم لحم خروف رضيع طعمه ما ودك توقف من كثر ماهو لذيذ 👍
كنه طعم مفطح محمى من عقب عزيمة ،

وهالخيارات كنت حاطها بالقائمه وناوي اجيها بس ما اسعفني الوقت ،
عليها مدح كبير ✅

وهالمطعم ضروري يكون من خياراتك اذا تحب الاكل البحري ،
عندهم الذ سي باس وكالمري على وجه الكرة الارضية ،

boldú ..
مخبز صغير وعندهم دونات رهيبة ✅

اغلب شوارع برشلونه جايه ملمومه كذا ،
والاشجار من كل مكان تغطيها وبكل شارع مجموعة مطاعم وقهاوي حلو الواحد يستكشف فيها ،
وميزتها اغلبها مقفله للسيارات ومناسبه للمشي 🏃🏻 ✅

اعتمدت بالسفره على بطاقة الراجحي سفر بلس ،
ميزتها مجانيه وسعر اليورو فيها ثابت ٤ ريال ..
وريحتني كثير من غثى الرسوم 👍
انصحكم فيها

ساحة كاتالونيا ،
ساحة مليانه ناس وفيها عروض مسرحيه وحلوه للمشي والحمام فيها كثير 🕊 وجنبها محلات وقهاوي كثير ،
وقريب منها فرع لمحل زارا ضروري تروحون له الاشياء اللي عندهم حلوه وجديده + اسعارها ارخص من عندنا بكثير 👍
الافضل لزيارتها وقت النهار تكون حيه اكثر واوسع صدر ،

الحي القوطي لازم تتمشى فيه ،
ميزته بممراته الضيقه ومبانيه القديمه من مئات السنين مبنيه ،
وفيه محلات ومتاحف ومناظر حلوه 👍

وهذي مدينة العاب وللاسف الوقت ما اسعفنا نروح لها ،
عليها مدح كبير والعابها واجد وحلوه
تقدر تروح لها بالقطار مشكلتها بعيده شوي عن برشلونه ابو ساعه ونص ،
اسمها PortAventura World

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد