في فترة ما من حياتي كنت فبطولة مؤهلة لمنتخب القوس والسهم المصري. أول ٤ هيدخلوا المنتخب
اتدربت كتير جدا بس كنت هلاعب ناس اتقل مني بمراحل
وصلت لدور قبل النهائي..مدربي قالي ساعتها متبصيش عالtarget بتاع حد. ركزي مع نفسك و بس عشان لو اللي قدامك عملت كويس هتحبطي و لو شدت هتتغري

خلصت لقيت سبقتها ب٢٠ نقطة الحمدلله الكوتش بتاعي و بتاعها كانوا مش مصدقين نفسهم. البنت كانت داخلة ضامنة البطولة.
اكتر مرة اتحدت فيها مع نفسي تماما و عزلت كل حواسي عن أي حاجة غير اني اقفل كل مجموعة.
و ده إلى حد كبير ينفع يتطبق باشكال مختلفه فالحياة
Just focus & get shit done

المقارنات و التوتر و الخوف بيشلوا تفكير الواحد اكتر ما بيساعدوا.
و دايما ممكن يبقى في حد مش عاجبه شغلك و كلامك و دايما في ناس هتطبلك و شايفينك نجم.
بس هو قرارك في الآخر تفضل باصص من الشباك عالرايح و الجي و لا تركز طريقك.