بحكي لكم حكاية واحد يقول
قدر الله وفتحت حساب بتويتر وسميته توصيل طلبات ويكلمني واحد من الرياض يقول انا طالب من جماعة غنم و ابغاك توصلها لي الرجل حق التوصيل من ينبع واتفق معه يوصلها بألف يقول ما عندي ولا ريال رحت وتسلفت ٢٠٠ اعبي بنزين و اكل منها لين اوصل توكل على الله ومشى
قدر الله وفتحت حساب بتويتر وسميته توصيل طلبات ويكلمني واحد من الرياض يقول انا طالب من جماعة غنم و ابغاك توصلها لي الرجل حق التوصيل من ينبع واتفق معه يوصلها بألف يقول ما عندي ولا ريال رحت وتسلفت ٢٠٠ اعبي بنزين و اكل منها لين اوصل توكل على الله ومشى
ولما وصل للرياض كلم صاحب الطلب ووصف له البيت ولما وصل للبيت الا هو قصر ما شاء الله قال الحمد لله بأخذ ألف وزيادة عشاء أكيد بيعشيني هالتاجر 🫢 طلع له صاحب البيت وقال نزل الغنم داخل و اطلع قال في نفسه مب لازم عشاء من الالف بنتعشاء ونعين خير نزلها وطلع قال له صاحب البيت الحين انا
مشغول واذا خلصت من الضيوف حاسبتك قال صاحبنا ما يخالف وقعد بسيارته لين اخلصوا الضيوف واطلعوا طق الباب عليه وطلع له وقال وش تبي قال ابي فلوسي وراي مشوار قال كم قال اتفقنا على ١٠٠٠ قال وش ١٠٠٠ كثير ما اك الا ١٠٠ تبيها و الا مع السلامة🫢🥺 قال لا نحن متفقين على ١٠٠٠ قال هذا اللي عندي
ضاق صدره ورجع لسيارته منقهر ويقلبها يمين يسار قال ما اعرف احد بالرياض و الجو برد و انا جوعان و ماعندي و لا ريال واللي اعرفهم بالرياض كلهم يطلبوني 🤦🏼♀️ وقعدله ساعة يفكر ورجع وقال مالي غير ال ١٠٠ اقلها اشبع واعبي بنزين وارجع لديرتي طق الباب ثانية وطلع له وقال انت لما الحين ما رحت قال
أبي حقي قال ما لك الا اللي قلت قال خلاص عطني قال لا صارت ٥٠ تبيها و الا مع السلامة انقهر مررره ورجع لسيارته وهو جوعاااان مره وبرداان حرك بالسيارة وهو يبيكي ومنقهر ويدعي عليه وصل للمحطه الا خلص البنزين و هو ما عاد يتحمل الجوع قال مالي الا امثل انه مغمى علي ويودوني المستشفى والقى
مكان انام فيه واكل 🫢 ويطيح عليهم ويتصلون على الاسعاف ويروح للمستشفى و يأخذون منه دم وبيسوون له اشعه قال ما ابي شيء بس عطوني اكل 😅🤦🏼♀️ سأله واحد من الممرضين علمني وش سالفتك بالضبط وقال له سالفته راح الممرض واستأذن من مديره واخذ صاحبنا معه للصرافة واعطاه ١٢٠٠ وقال هذه لك توكل
ووداه عند سيارته بالمحطه قال صاحبنا الا تعطيني رقمك وحسابك واصر عليه ما يمشي الا يعطيه قال هذا رقمي وحسابي بعدين ومشى صاحبنا لديرته وهو كل الطريق يدعي على صاحب الطلب ويبيكي من قلب لين وصل لديرته
للحديث بقية بكملها بعدين الحين انشغلت 👋🏻
للحديث بقية بكملها بعدين الحين انشغلت 👋🏻
يله بكمل
ومر عليه كم سنه وتوظف وزانت أموره وتزوج وزاد رزقه و الحمد لله يقول بعد تقريباً ٦ سنوات او ازود صار عندي شغل بالرياض و اروح لها اخلص شغلي ويأذن المغرب و الا أنا في حارة من حواريها وادخل المسجدتوضيت وتوجهت لصفوف الصلاة الا فيه واحد يدور بين الناس عنده أوراقه يطلب المساعدة
ومر عليه كم سنه وتوظف وزانت أموره وتزوج وزاد رزقه و الحمد لله يقول بعد تقريباً ٦ سنوات او ازود صار عندي شغل بالرياض و اروح لها اخلص شغلي ويأذن المغرب و الا أنا في حارة من حواريها وادخل المسجدتوضيت وتوجهت لصفوف الصلاة الا فيه واحد يدور بين الناس عنده أوراقه يطلب المساعدة
ويطالع كأنه يعرفه هو لا مب هو قال بتأكد بتصل واتصل الا جواله يرن وعطاه مشغول صار التاجر أللي ما عطاه حقه شافه في حاله يرثى لها وعلى طاري الاتصال صار الممرض العنزي ما عطاه الرقم كامل وما يدري هل هو كان متعمد او من غير قصد غلط بالرقم وصاحبنا عجز يوصل له
المهم اقامة الصلاة وصلى
المهم اقامة الصلاة وصلى
وبعد الصلاة راح بيذكر التاجر باللي سواه فيه بس شافه في حالة يرثى لها وما قدر يقول له او يذكره لان حالته تصعب على الكافر وقال له وش فيك قال و الله ما عندي اكل لنا يومين ما اكلنا انا وعيالي والله كنت غني بس الدنيا دارة علي والله اني محتاج وصاحبنا قال جاء في بالي الممرض العنزي
قال للتاجر الفقران بعطيك أللي يعشيك و اهلك فرح التاجر .. قال بروح للصرافه اصرف و ارجع لك كان الجو نفس الجو ذاك اليوم لما جاب له الطلبيه برد مرره توجه صاحبنا للصرافة يقول انا ما اعرف الحارة ورحت ادور صرافه قريبه وكل الطريق يتذكر ذيك الليله جوع وبرد و لا عنده ولا ريال وذكر
دموعة على خده كل الطريق من القهر يقول كل وقتي هواجيس لين لقيت الصرافة ويا طول الطريق من المسجد للصرافة وصل وصرف وجاء يرجع الا الحواري تتشابه وضيع طريق الرجعة للمسجد أذن العشاء وصلى بمسجد ثاني وطلع يدور المسجد الأول ويدور ويدور قربت الساعة على ١٠وهو يدور لين طاح فيه وفي قلبه يقول
عساه يحتريني ما راح ويقول لقيته جالس بالبرد خارج المسجدلانهم قفلوا وطلعوا كل اللي بالمسجد يقول ذكرت نفسي ذيك الليله وأنا عند بابه بردان وجوعان وهو نفس وضعي يقول وقربت منه وقلت ما رحت قال لا احتريك لانك وعدتني بمبلغ ما مسكته من ٦ سنوات كيف ما احتريك وعطاه ١٢٠٠ وقال جعله اجر للعنزي
قال كنت بذكره بس وضعه اللي هو فيه كأني أتشفى منه و انا ما أبي أتشفى بس كنت بذكره بظلمه لي بس سكت و قلت ربي منتقم جبار أخذ حقي من بعدي وبس و الله 😁 أنتهت
جاري تحميل الاقتراحات...