سبب مهم جداً وأساسي في أي علاقة عمل toxic تجمع مابين الموظف وشركته، لما الشركة تبقى شايفة الموظف بتاعها مجرد رقم.
ودا بيظهر ف تصرفات وقرارات من المديرين في الشركة مع موظفينهم، بيبقى اسلوب متكرر بين المديرين، لحد ما يبقى جزء من ثقافة - Culture الشركة ومبادئها من غير ماتحس.

لما تلاقي انك بتتحاسب ع كل رقم علطول بشكل دوري، لما تلاقي ان الي ارقامهم حلوة بس هما الي بيتكرموا وباينين وظاهرين في الشركة، لما تترقى بسبب أرقامك مش بسبب شغلك.
دي علاقة toxic ومديرين مش بيتعاملوا مع موظفينهم ع انهم بشر، هما عايزين كمبيوترات معاهم دائماً يبقوا high performers.

انا عايز اقولك يا صديقي ان لو هنشبهك فعلاً بالكمبيوتر ف الـ High Performer Processor الي ف الموبايلات او الكمبيوترات بيبقى ليه عمر افتراضي، بيموت بسرعة كل ما بيتحط تحت ضغط انه يفضل ي Perform في ظروف قاسية عليه فبيسخن وممكن يولع.

تخيل لو دا حصلك بعد الشر عليك، عمرك شفت واحد موبايله باظ وزعل عليه؟
ولا بيجري بسرعة يشتري واحد بداله ويرمي القديم ف الزبالة، لمجرد انه مش قادر يستحمل خسائر وعايز يفضل يكسب طول الوقت.
لو انت تحت ايد بني آدم مش مقدرك ومش حاسس بيك، سيبه بسرعة لانه ميستاهلش انك تتحرق عشانه.