عارف ليه أنت بتكره صلاح و بتطلع تنتقده بعيد عن مستواه الفني؟! عشان بيفكرك قد ايه أنت إنسان فاشل و عشوائي بيكسر الحجج اللي أنت نايم في البيت علي السرير بتضحك بيها علي نفسك أياً كان مجالك ايه أصل فلان نجح عشان أبوه مش عارف ماسك ايه و ده ناجح عشان فلوس و نفوذ عيلته و ده مش عارف ايه
فسبحان الله يجيلك شخص طالع من مستوي أسوأ من أسوأ مستوي خيالك يجيبه و يكون ماشي يومه بشوية جنيهات لو صرف جنيه زيادة بتكون كارثة لأنه غالبًا مش هيعرف يرجع بيتهم تانى بس هو مكانش في باله كل ده هو فضل مكمل و أكيد كان بيشوف حد بيوصل بالفلوس و النفوذ برضه زيه زيك بس أنت اخترت تكون
جبان و تقعد مكانك خايف تواجه و هو اختار يكون بطل الناس كلها قاعدة و دافعة فلوس عشان تتفرج عليه مع ان معظم الناس اللي بتتكلم عليه مستواها أحسن منه و النجاح عندها متيسر علي الأقل شوية بس طبعًا هو الفاشل كده
الواحد أصل مستني ايه من شعب رفض أحمد زويل و ضيع فرصة إن جايزة نوبل تكون باسم بلده و اتهموه بالجنون و مجدي يعقوب الحاصل علي لقب السير اللي دكتوره مسخره و لا صلاح نفسه اللي واحد من القطبين عندك نفسه رفضه يراجل صباح الفل ده احنا شعب ربنا يصلح حاله
في النهاية أنا مش بتكلم عن الناس اللي بنتناقش و تتكلم عن صلاح فنيا حقك عادي ده إذا كان ميسي نفسه أحد أعظم لاعيبة كوكب الارض بيتقيم بس ابقي يسطا اتكلم كلام زي الناس و متقعدش تهلفط و أنت أكبر إنجازاتك في الحياة الكنبة اللي انت قاعد مأنتخ عليها و كارت الفكة اللي أبوك دافع تمنه 😘
جاري تحميل الاقتراحات...