لما تبدأ تتعلم المشي بطفولتك، حتكون مركز في التحكم بعضلاتك وتوازنك لحدي ما تبقى العملية آلية بتتم على مستوى النخاع الشوكي؛ وحتكون بصمة المجهود العملتو قاعدة في طريقتك المميزة في المشي المختلفة زي بصمة الاصبع واحد
#خواطر_أنمي
#خواطر_قرشية
#خواطر_أنمي
#خواطر_قرشية
رغم تحولها لآلية انت ما محتاج تنتبه ليها، وبتقدر تغيرها بس لما تبذل مجهود إنتباه مستمر عشان تمشي بطريقة مختلفة عن الطريقة القديمة الما حتروح ابدا وحتعود للسيطرة بمجرد يتحول انتباهك
نفس الكلام ده بنطبق على كل حاجه تانية: سواء ردود أفعالنا الانفعالية أو طرق تفكيرنا العقلانية
نفس الكلام ده بنطبق على كل حاجه تانية: سواء ردود أفعالنا الانفعالية أو طرق تفكيرنا العقلانية
ألدوس هكسلي قال
The price of freedom is eternal vigilance
ثمن الحرية هو الانتباه الأبدي
لما نكون مجهدين جدا أو طاقتنا النفسية في الحضيض، حنفاجأ بأن طرق تربيتنا القديمة وردود أفعالنا الطفولية حتطفو بسهولة للسطح
The price of freedom is eternal vigilance
ثمن الحرية هو الانتباه الأبدي
لما نكون مجهدين جدا أو طاقتنا النفسية في الحضيض، حنفاجأ بأن طرق تربيتنا القديمة وردود أفعالنا الطفولية حتطفو بسهولة للسطح
بحيث فجأة يكورك الاب الهاديء بتاع نظريات التربية الحديثة في اطفالو لما يغلطوا بنفس الطريقة اللي كانوا بكوركوا ليهو بيها في طفولتو، وحيلقى الملحد الجديد ذو الخلفية السلفية المتشددة في ماضيهو بأنو بمارس في نفس طرق التفكير المحدودة بالتفسير الأوحد بدون مرونة قبول المختلف من تفكير
نحن شايلين جوانا برامج كامنة كتيرة، وتغييرها في غاية الصعوبة، ما بتم إلا بممارسة طويلة وشاقة من مراقبة النفس والتعديل المستمر للأفكار والسلوك، وبرضو ما حنسلم منها إذا كانت متجذرة فينا بصدمات وآلام في ماضينا ونحن بنكبر
في حلقة من Demon Slayer بيدلف قاتل لللاوعي بتاع تانجيرو، عشان يدمر جوهره الروحي، وبيفاجأ بإنو لاوعي صاف تماما يماثل شخصية تانجيرو الظاهرية، بحيث يهبشو ده بطريقة تخليهو يتخلى عن مهمتو
ده ذكرني بحادثة شق الصدر للرسول الكريم في طفولتو، فحظ الشيطان مننا كلنا هو العلقة الكامنة من ميراث الانسانية والحيوانية اللي معشعشة في لاوعينا عبر تربيتنا وأخطائنا اللاحقة وكسلنا عن ترقية نفوسنا
بحيث يكون ثمن أن نكون كما نريد هو بمثابة صعوبة ان ننتبه لمشينا دوما حتى لا ننزلق لعادتنا المريحة القديمة في المشي، وقس ذلك على كل كياننا النفسي ولا عزاء
جاري تحميل الاقتراحات...