طيارة إماراتية جاية من دبي للخرطوم و لأنها جاية الخرطوم الإماراتيين ما اهتمو يعملو ليها صيانة المهم الكابتن لمن قرر يعمل الهبوط غلبو فقعد يلف و يدور لحدي مالركاب لاحظو و بدو يسألو و صوتهم يعلا فالنهاية الكابتن زهج و قاليهم انو ما قادر يعمل هبوط ناعم فلو في زول بيعرف يجي يساعد ١/٦
أحد الركاب كان ماشي الإمارات بالدس لمهمة سرية (وعشان يزور خالو الساعدو انو يهرب من التهم الموجهة ليهو في السودان) الراكب دا باشمهندس أقنع الركاب انو أخصائي هبوط ناعم و اشترط قبل ما يدخل الكابينة لازم يقفل الباب لأنو بيحب يشتغل وراء الأبواب المغلقة
والكابتن كان مبسوط منو لأنو ٢/٦
والكابتن كان مبسوط منو لأنو ٢/٦
الكابتن لمن كان بيحوص ويلوص ويلف ويدور في الجو الباشمهندس دا نهّر الركاب فهمهم انهم ما بيعرفو حاجة و انو حيجيب ليهم حقوقهم كاملة مكتملة و أول ما دخل الكابينة و قفل الباب وراهو طلع لابعرف هبوط ناعم لا غيرو و بتاع لف ودوران أكتر من الكابتن بس أدى الكابتن فرصة يتملص من المسؤلية ٣/٦
بدل ما يتواصل مع برج المراقبة والسلطات في مطار الخرطوم يوروهو ينزل الطيارة كيف و مازال حايص لايص لافي في الجو و اتهم الباشمهندس أخصائي الهبوط الناعم انو هو البوظ الشغلة أكتر بدل ما يساعد في الهبوط و طردو من كابينة القيادة و بعض الركاب لسة شايفين انو الباشمهندس هو المخلص البطل ٤/٦
(إلا في ستة من الطيارة قالو تعبكم خارم بارم يذهب كابتن خلف الكابتن والطيارة تظل في حالا طيارة حياتا تسر الظالم) الركاب قالو ليهم قفلو ميتيشكم ياخ دا ما وقتو
ظهر في النهاية مهندسين صغار قالو: الحل في البل
الركاب قالو ليهم عيب عليكم ياخ
قالو للركاب قصدنا يبلو المدرج ونتوكل ننزل ٥/٦
ظهر في النهاية مهندسين صغار قالو: الحل في البل
الركاب قالو ليهم عيب عليكم ياخ
قالو للركاب قصدنا يبلو المدرج ونتوكل ننزل ٥/٦
و قدام راكبين جماعة درجة أولى أبوهم كان كابتن طيران مشهور في السودان هو مخترع الهبوط الناعم فالركاب مجاملنهم وعاملين ليهم احترام مع انهم بليدين و أبوهم زاتو دقش طيارات السودان كلها بالهبوط الناعم.. المهم الطيارة لحدي هسي حايصة لايصة لافة في الجو
في رايكم حل الطيارة في شنو؟ ٦/٦
في رايكم حل الطيارة في شنو؟ ٦/٦
جاري تحميل الاقتراحات...