نصائح متواضعة من شخص معتاد إنه يخوض اختباراته بمزاج رايق:
"خذوا اللي يعجبكم يا جماعة، واللي ما يعجبكم فكروا فيه ما يمنع 😉"
١- التوقيت! التوقيت يلعب دور ، تذاكر بوقت كافي! استيعابك بيكون أعلى لأن توترك أقل، تذاكر بوقت ضيق! توترك أعلى مما يعني نسبة تركيزك أقل! (خيارك واحسبها صح)
"خذوا اللي يعجبكم يا جماعة، واللي ما يعجبكم فكروا فيه ما يمنع 😉"
١- التوقيت! التوقيت يلعب دور ، تذاكر بوقت كافي! استيعابك بيكون أعلى لأن توترك أقل، تذاكر بوقت ضيق! توترك أعلى مما يعني نسبة تركيزك أقل! (خيارك واحسبها صح)
٢- كيف تذاكر ؟ تحفظ أو تفهم ! ولا الاثنين مع بعض.. خنقولكم سر .. مافيه طريقة واحده مثبتة انك بتجيب فيها درجات أعلى ! فيه مواد ! تنفهم فقط مستحيل تحفظها ؟ وفيه مواد تنحفظ لأن لو حاولت تفهمها راح تُحبط وتستاء! وفيه مواد لو مافهمت وحفظت فيها بتطير درجاتك.. اللي يحدد كيف كان الميد 😉
٣- اللي محد جالس يقوله! الدوافير بطبيعتهم عندهم سستم ! فيه آلية معينة عندهم بس لأيام الاختبارات هالآلية تساعدهم ينجزون أفضل من غيرهم ؟ طيب ايش السر فيها ! السر في الروتين ! ايش قبل المذاكرة.. ايش فيه اثناءها .. ايش في بعدها .. كلهم بدون استثناء عندهم هالآلية! وترا لا مش متفقين 😂
وجود روتين معين (شاء من شاء وأبى من أبى 😂) يعزز من الاعتيادية اللي تخليك مرتاح ! الأريحية هذه مطلوبة أيام الاختبارات لخفض مستويات التوتر .. لا تستهينون بالروتين اللي تتضمنه أنشطة تمنحك ايجابية ! لا تخلي روتينك فقط دراسة ! دراسة وأشياء أخرى بس انتبهوا ..لـ (التوقيت)
٤- لا تاكلون فاست فود لا تشربون مشروبات طاقة وتجنبوا الافراط بالكافيين! الأكل يأثر على مستويات التركيز والمزاج ! وجود تنوع في المصادر اللي تغذي أجسادكم وأذهانكم ينعكس بشكل مباشر على الأداء في المذاكرة والاختبارات .. هالنقطة أنا أحب أقولكم إنها تفرق وتفرق بشكل كبير جدا جدا جدا
٥- لا تشخصن المواد اللي يرضى عليك .. المواد ما تكرهك! لا تبني علاقة شعورية بطابع سلبي مع المواد ! المواد الهدف منها التحصيل العلمي ! (كيف نظرتك لتحصيل العلم) .. ما أقول صيروا مثاليين وايجابيين بزيادة .. بس ذكروا أنفسكم إنها طريق للجنة ! وإنكم تؤجرون.. واستشعروا هالشيء قدر الإمكان
٦- لما تذاكرون ! استحضروا المنطق ! كيف تمنطق هالمادة ؟ 😔.. ومرات يا جماعة فيه معلومات تحتاج تربطها بحياتك ! وفيه مواد مضطر انك تتخيلها ! ومواد معلوماتها تجي بالرسم والتصورات ! فكّر كم حاسه عندك ! سخر حواسك لتعلّم العلم .. واستمتع برحلتك في الفهم .. مش بعيده عليك ! تقدر ونص..
٧- لو عطوك فرصه تألف بالمادة هذه تقدر تغطي مواضيعها ؟ هالمرحلة من الثقة لو وصلت لها صدقني ضمنت الـ A .. كنا حنا الدوافير (نضحك) نقول مستعدين نألف كتاب جديد بهالمادة ! وهالشيء ضحك بس فعلا هذا كان يعني قدرتنا على بناء المعرفة ! نقدها ! تحليلها والاستنتاج منها .. (ركز على هالمهارات)
٨-ساعدوا بعض.. ساعدوا بعض .. ساعدوا بعض.. التنافسية حلوة بس كثر ما تساعد الناس توصل أنت راح توصل .. اشرح للي مب فاهم ..عندك ملخصات! ملاحظات! شاركها ! كلكم مسجلين المادة .. التعلّم يتحسن بالمشاركة .. وترا محد ماخذ رزق أحد بس هاه نرجع نقول (انتبهوا للتوقيت) .. وقتك ثمين لا تلعب فيه
٩- حط هدف هالاختبارات ! تكتسب مهارة جديدة ! أو تتعلم شيء جديد عن نفسك ! خذها تحدي، خذها شغف.. خذها متعة إضافية .. قرّب خطوة من فهم نفسك .. ادمج هالشعور الايجابي مع هالفترة ! خلق روابط ايجابية يحسن الأداء الأكاديمي 👍🏻
١٠- تذكروا يا جماعة الصحة راس مال .. صحتك الجسدية والنفسية مهمة جدا ! عندك مشاكل قلق، توتر، هلع.. الخ! اطلب المساعدة أو ثقف نفسك بالحلول ! عندك مصادر موثوقة متوفره ! لا تخجل بالاعتراف ومساعدة نفسك .. فيه حلول تخفف ! فيه حلول تساعدك تؤدي أفضل 👍🏻
ختاما أحب أقول لكم ! التعليم فرصة ممتازة لتحسين جودة حياتك ! استثمر بنفسك وبتعليمك.. مافيه شيء يعيقك ! لطالما هالفرصة عندك تأكد من جاهزيتك لها ! .. إذا أنتم تعتقدون إنكم تستحقون الأفضل ! بيدكم تصنعونه بعد توفيق الله .. واسألوا الله من فضله .. 🙏🏻
مع تمنياتي لكم بالتوفيق والسداد..
مع تمنياتي لكم بالتوفيق والسداد..
جاري تحميل الاقتراحات...