كنت راح أنخطف؟؟😱
سلام عليكم اسمي طلال قبل ست سنوات كنت دائما اروح مع أبوي بيت عمي عشان كل عمامي وعيال عماني يجون هناك وأروح مع أبوي عشان اجلس مع عيال عمي وكذا جيت على يوم أنا وأبوي
وما لقيت احد الا ولد عمي الصغير وكان وقتها 9:00 في الليل وأبوي كان يجلس عادل إلى 1:00 بالليل وكنت
جالس أنا ولد عمي الصغير وسألته وين عيال عمي قال لي ما حد جا قلت ممكن انه راح يجون بعدين رحت أنا وياه المجلس اللي بحديقة البيت المكشوفة يعني عادي أي واحد يقدر يدخلها شغلنا السوني وقاعدين نلعب قلت حق
ولد عمي صغير ايش رأيك نروح البقالة نشتري أكل وكذا ونرجع نكمل لعب قال تمام وروحنا مع أنه كان دائم يحذرون ما نطلع بره البيت في الليل بس أنا كنت وقتها كنت جوعان مره ولد عمي
بعد رحنا البقالة شرينا لنبيه ورجعنا قلنا بنطلع من طريق مختصر وكانت منطقة عمي البيوت كلها لاصقة في بعض وعادي لما تبي تدخل حديقة بيتك تدخل بالغلط بحديقة جيرانك وهذا الشيء
اللي صار معنا فجأة طلع لنا شاب في العشرينات من عمرها وقال انتو إيش تسوون هنا قلنا بنروح الحديقة اللي جنبكم قال روحوا لا تطلعون #يتبع
تطلعون من البيت لانه في أطفال ضايعين واهلهم مو لاقينهم وأنا الحين بلغت الشرطة طبعا أنا ما اهتميت بكلامه لإني كنت شايف نفسي كبير كنت وقتها أول متوسط وكنت احسب إني كبرت
خلاص عادي أسوي اللي أبيه جاء احد عمامي المجلس اللي في الحديقة وقال اسمعوا روحوا دوروا عيالي الصغار بالحديقه العامة اللي قدام المنطقة وكانت قريبة مرة من البيت
رحت أنا ويا ولد عمي ندور عليهم بالحديقه العامة دخلنا وكان في اثنين كبار جالسين بال مرجيحة طبعا نحسب أنهم يسولفون مع بعض وهم ما انتبهوا لنا بدينا ندور عادي وكنا نقول ممكن
يلعبون شرطه حرامي الا فجأة ولد عمي الصغير يبدأ يصرخ باسمهم إلى الأشخاص الغربيين اسكت وما صار يتكلمون وأحد منهم قال حق خويه اسكت اسكت أنا انتبهت وأصلا كنت شاك #يتبع
فيهم من البداية تذكرت كلام الرجال لما قال لا تطلعون من بيوتكم وأنا رحت وهربت وحتى ما نبهت ولد عمي الا وأنا اركض أسمع ولد عمي يصرخ و يناديني
رحت مسكت أقرب صخرة وضربتها براس الرجال وجلس يصرخ قام فلت ولد عمي وركضت أنا وياه والشيء المرعب أنهم كانوا يلحقون ويضحكون بشكل هستيري
وغريب وكان احدهم مصاب بمرض البهاق وكان شكله مرة يخوف واحنا من الخوف حتى ما قلنا للكبار عن اللي صار وبعدها أبوي قال يالله مشينا البيت واحنا
بالطريق العام اشوف السيارة اللي قاعد تمر جنبنا وفجأة اشوف الشخص اللي كان مصاب بالبهاق ومن الخوف قلت حق أبوي أنا بروح انام با المقاعد الخلفية وما رضيت اقوم حتى نوصل للبيت
جاري تحميل الاقتراحات...