كيف أكون #وسيط_عقاري ناجح؟
وهل الوساطة العقارية فيها فلوس؟
وهل أقدر اعتمد عليها -بعدالتوكّل على الله- في الدخل؟
وأسئلة مُشابهة دائمًا تجيني، وصراحة قلت ما أبي أكتب إلا ذهني صافي ومافيه شيء يشتّته وأنا الآن في الطيارة ومشغل وضع الطياران لقيتها فرصة لعلي أكتب شيء يفيد السائل:
﷽
وهل الوساطة العقارية فيها فلوس؟
وهل أقدر اعتمد عليها -بعدالتوكّل على الله- في الدخل؟
وأسئلة مُشابهة دائمًا تجيني، وصراحة قلت ما أبي أكتب إلا ذهني صافي ومافيه شيء يشتّته وأنا الآن في الطيارة ومشغل وضع الطياران لقيتها فرصة لعلي أكتب شيء يفيد السائل:
﷽
أول شيء وقبل كل شيء لازم نتذكّر دائمًا أن التوفيق بيد الله،وأن حسن الظّنّ بالله والتوكل عليه ﷻ هي مفتاح كل خير؛ فقد قال ﷻ في الحديث القدسي :"أنا عند ظن عبدي بي" وقال ﷺ:"لو أنكم تتوكلون على الله حق توكله لرزقكم كما يرزق الطير" فألحّ على الله ﷻ بالدعاء في أوقات الإجابة ولن تخيب
معلومة مهمة جدًا جدًا حط تحتها مية خط
العقار تعطيه كلك يعطيك بعضه، يعني نظام دوام خفيف أو غيابات كثير أو دوام عن بُعد بالنسبة لي أشوف هذا كله مضيعة وقت دور شغل ثاني أحسن لك؛ لأن الشغلة يبيلها كفاح وصبر صبر صبر، أنت تحاول تفهم مميزات عقارات.
والعقار سلعة أبدًا مو سهلة ولا بسيطة!
العقار تعطيه كلك يعطيك بعضه، يعني نظام دوام خفيف أو غيابات كثير أو دوام عن بُعد بالنسبة لي أشوف هذا كله مضيعة وقت دور شغل ثاني أحسن لك؛ لأن الشغلة يبيلها كفاح وصبر صبر صبر، أنت تحاول تفهم مميزات عقارات.
والعقار سلعة أبدًا مو سهلة ولا بسيطة!
فلازم تفهم مميزات المواقع بتفاصيلها ولازم تفهم تفاصيل العقار نفسه ومتى يكون مميز ومتى يكون غير مميز،ومتى يكون سعره منطقي فتسوقه ومتى يكون مُبالَغ فيه فما تسوقه أصلًا
وتفاصيل كثيييير غير هذي عشان فِعلًا تكون مُلِم وتقدر تقنع العميل عن فهم وإدراك كامل.
طيب ننتقل لأشهر نوعين يسألون:
وتفاصيل كثيييير غير هذي عشان فِعلًا تكون مُلِم وتقدر تقنع العميل عن فهم وإدراك كامل.
طيب ننتقل لأشهر نوعين يسألون:
اللي بيشتغل في الوساطة في نظري شقّين رئيسيين:
الأول: يبي دَخل الآن وبس ومافيه عنده اهتمام أو فكرة يكون عقاري ناجح وتكون هذي مهنته الرئيسية ويتعب على نفسه سنوات ويتمكن من الشغلة؛ هذا باختصار أقول له رح اشتغل مع شركة عندها عقارات حصرية وتوظف عندهم وبع مشاريعهم وحسب جهدك بيجيك.
الأول: يبي دَخل الآن وبس ومافيه عنده اهتمام أو فكرة يكون عقاري ناجح وتكون هذي مهنته الرئيسية ويتعب على نفسه سنوات ويتمكن من الشغلة؛ هذا باختصار أقول له رح اشتغل مع شركة عندها عقارات حصرية وتوظف عندهم وبع مشاريعهم وحسب جهدك بيجيك.
طبعًا هذا النوع عادة يكون متزوج وعنده وظيفة ويحاول يزيد دخله لفترة معينة عشان يسدد قرض أو يجمع مبلغ معين ويترك الشغلة، يعني قضاء حاجة وليس هدف وطموح العقار عنده، وهذا موضوعه بسيط ولا يحتاج نطول فيه؛ لكن ذكرته لأن كثير يكلموني من هالنوع.
النوع الثاني وهو الزبدة:
اللي يقول أنا -بعد توفيق الله- أبي أكون عقاري فاهم وهذي شغلتي الرئيسية اللي أطمح لها وبأتفرّغ وأقاتل من أجل هذا الهدف، هذا يُفضّل يبدأ بدري في وقت مايكون فيه محتاج كاش ولا عليه مسؤوليات زواج وبيت وغيره، يعني يبدأ من الثانوي مثًلا أو الجامعة؛ ليش قلت كذا؟!
اللي يقول أنا -بعد توفيق الله- أبي أكون عقاري فاهم وهذي شغلتي الرئيسية اللي أطمح لها وبأتفرّغ وأقاتل من أجل هذا الهدف، هذا يُفضّل يبدأ بدري في وقت مايكون فيه محتاج كاش ولا عليه مسؤوليات زواج وبيت وغيره، يعني يبدأ من الثانوي مثًلا أو الجامعة؛ ليش قلت كذا؟!
لأنه غالبًا الفترة الأولى بل السنوات الأولى الدخل يكون ضعيف يعني معقول لشخص ماعليه مسؤوليات إيجار بيت وإعالة أُسرة، يمكن هذا الكلام مايعجب ناس كثير؛ لكن هذا اللي شفته على أكثر الناس في السوق من خلال ممارسة طويلة وأنا ماطلعت من السوق نهائيًا طوال الفترة الماضية حتى في نزول السوق.
طيب هالحين جا وقت السؤال المهم كيف أشتغل؟ من وين أبدأ؟ كيف أسوق؟ كيف أكسب خبرة؟ كيف أعرف الصحّ من الخطأ؟
أقولك الميدان ياحميدان؛ يعني نظام عن بُعد بتويتر وغيره تشوف عروض وترسّل حتى لى لقحت معك مرة مرتين بيجيك قرشين؛ لكن ماراح تتعلم عن العقار شيء، راح تتعلم من أخطاء التفاوض فقط.
أقولك الميدان ياحميدان؛ يعني نظام عن بُعد بتويتر وغيره تشوف عروض وترسّل حتى لى لقحت معك مرة مرتين بيجيك قرشين؛ لكن ماراح تتعلم عن العقار شيء، راح تتعلم من أخطاء التفاوض فقط.
يعني لازم تنزل للميدان يوميًا تشوف العقارات بنفسك وتداوم مع أحد فاهم تتعلم منه! حاول تشتغل مع أحد كويس لو بدون راتب إذا شافك تداوم كويس وتنجز بديهي بيحافظ عليك ويعطيك راتب أنت قاعد تنجز وبالتالي أنت وصلت مرحلة ماراح يفرّط فيك ولو فرّط عادي البيئة المحيطة فيك بيعرضون عليك وظيفة.
🛑
لااااااااازم لااااااااازم تداوم هذا رأيي ياجماعة؛ لأن أشوف كثير مو مهتم لهذي النقطة، ولو فرضنا جدلًا محد وظفك داوم يوميًا أنت بسيارتك ومرّ على المكاتب وتعرف عليهم وعرفهم عليك، مع الوقت بتكون علاقات كويسة مع العقاريين وبتلقاهم يعرضون عليك تتوظف معهم؛ بالعربي بتكون سوقت لنفسك.
لااااااااازم لااااااااازم تداوم هذا رأيي ياجماعة؛ لأن أشوف كثير مو مهتم لهذي النقطة، ولو فرضنا جدلًا محد وظفك داوم يوميًا أنت بسيارتك ومرّ على المكاتب وتعرف عليهم وعرفهم عليك، مع الوقت بتكون علاقات كويسة مع العقاريين وبتلقاهم يعرضون عليك تتوظف معهم؛ بالعربي بتكون سوقت لنفسك.
أقصد بتداوم بسيارتك يعني كل يوم عندك دوام من بعد العصر للساعة 9 الليل هذا كله للعقار، وش تسوي فيها بأعطيك وش تسوي فيها بس أهم شيء استوعبت كلامي زين؛ يعني أبيك تركب السيارة بعد العصر وتطلع شغل عقاري ماتوقف شغل قبل 9 يوميًّا بعد فترة بتلقاك تعرفت على مكاتب عقارية كثير وتفاوضت كثير.
طيب وش اسوي فالدوام؟
بأقول لك شيء أهم من هذي النقطة بدونه تعبك بيكون هباء:
🛑(ركّز)
تكفون ياشباب ركزوا يعني مايصير لك سنة في #الوساطة_العقارية وترسل أرض خام في الشمال وأرض صناعية في الجنوب وفلل وسط الرياض وشقق غرب الرياض وعروض بمليار بالآجل؛ تراك كذا تضيع وقتك ورى الوهم صدقني!
بأقول لك شيء أهم من هذي النقطة بدونه تعبك بيكون هباء:
🛑(ركّز)
تكفون ياشباب ركزوا يعني مايصير لك سنة في #الوساطة_العقارية وترسل أرض خام في الشمال وأرض صناعية في الجنوب وفلل وسط الرياض وشقق غرب الرياض وعروض بمليار بالآجل؛ تراك كذا تضيع وقتك ورى الوهم صدقني!
حدّد هدف منطقي وسهل وواضح ومركّز وقريب، يعني مثلًا خلال سنة لازم مكاتب شمال الرياض كلها تعرفني وأعرفها وأطبع الخريطة وحط لك جدولة لكل حي وكم تحتاج له وقت وتشطبه كامل أسبوع مثلًا وبعض الأحياء يكفيها يوم إذا مكاتبها قليلة وأمش على الخطة.
هذا من جهة العلاقات العقارية.
هذا من جهة العلاقات العقارية.
🎯 من جهة العقار اللي بتركز عليه أنصح تركز على السكني يعني:
الأراضي السكنية والتجاري سكني(شقق)
والوحدات:(شقق، أدوار، فلل)
لأنهم أقل قيمة وأكثر طلب
وضرورة في كل وقت للناس.
هذا ترى بينبني عليه أنك ماراح تلتفت للعمائر ولا الخام ولا الصّناعي ولا الآجل ولا الإيجار؛لأن الإيجار مُختلف.
الأراضي السكنية والتجاري سكني(شقق)
والوحدات:(شقق، أدوار، فلل)
لأنهم أقل قيمة وأكثر طلب
وضرورة في كل وقت للناس.
هذا ترى بينبني عليه أنك ماراح تلتفت للعمائر ولا الخام ولا الصّناعي ولا الآجل ولا الإيجار؛لأن الإيجار مُختلف.
طيب بتقولي المكاتب ماتتفاعل معي التفاعل الجيد ولا أعرف أجيب عروض كيف أجيب عروض، عشان تحيب عروض فيه طُرق كثيرة منها المكاتب ومنها تطبيقات العقار ومنها أنك تدور في الأحياء وتدخل المشاريع اللي تُبنى وتاخذ رقم المسؤول وتسأل إذا للبيع تاخذ المواصفات وتعرض بالطريقة المناسبة للعرض.
الدخول للمشاريع وهي تُبنى يعطيك عروض مباشرة مع المالك أو الوكيل وهذي ورقة رابحة تدخل بها على المكاتب ويتفاعلون معك إذا شافوا عندك عرض مباشر،وكذلك الطريقة الأخرى تحط لك خريطة وجدولة لتمشيط شوارع الأحياء وأي لوحة توقف عندها تكلم الرقم وتاخذ المعلومات وتستأذن بالعرض سواء أرض أو فيلا
أنا وصلت الرياض:)
باقي نقطة مهمة جدًا جدًا جدًا
🛑المصداقية
لازم تكون متأكد من العرض وفي نفس الوقت لازم تكون واضح، لاتكون غامض لا مع العميل ولا مع العقاري ولا مع المالك.
بكذا تكون خذت القواعد الأساسية ومع الشغل بيتبيّن لك ميولك والطرق الأنسب لك وتلقاك تتطور بشكل سريع بإذن الله.
باقي نقطة مهمة جدًا جدًا جدًا
🛑المصداقية
لازم تكون متأكد من العرض وفي نفس الوقت لازم تكون واضح، لاتكون غامض لا مع العميل ولا مع العقاري ولا مع المالك.
بكذا تكون خذت القواعد الأساسية ومع الشغل بيتبيّن لك ميولك والطرق الأنسب لك وتلقاك تتطور بشكل سريع بإذن الله.
أخيرًا وليس آخرًا: اختم بقول النبي ﷺ: "احرص على ما ينفعك، واستعن بالله ولا تعجز"
وأوعدكم بإذن الله أكمل على هذي السلسلة باستمرار إذا استفدتم منها🌹
وأوعدكم بإذن الله أكمل على هذي السلسلة باستمرار إذا استفدتم منها🌹
جاري تحميل الاقتراحات...