اعتقدت ان اسبوع مهلة كافيه لحل مشكلتي مع احد فروع @baja_foods ولكن الامر طال والموارد البشريه تبعهم صارو يفتحون رسايلي بدون رد وقضيتي اختفت وكانها لم تكن وسوالي الان مين ياخذ حقي ؟ هل اخذه بيدي مثلاً ؟ وش فايدة الموارد البشرية او مثل ما نسميهم الـ HR ؟
قبل 3 شهور جاني عرض وظيفي في باجة @baja_foods وكنت جدا مبسوط ان حياتي بتاخذ منحنى اخر ، في المقابلة ذكرو لي اني بكون مشرف مبيعات ولا لي حاجة ثانيه بالعمل عدا الاشياء اللي تطلب مني وافقت انا وكانت اولى صدماتي ان المسمى الوظيفي ماله وزن ولكن كملت وصرت اشتغل كل شي بالمعرض
مشرفي وافد يمني الجنسيه وزميلي سعودي وكلهم اقدم مني بسنتين ، خلال هالثلاث شهور مافيه يوم مر علي مرتاح فيه الا يوم الاحد واللي كان يوافق يوم اجازتي وباقي الايام اعاني من ضغط نفسي بسبب المدير بالرغم من اني كنت اخلق لنفسي جو واضحك واسولف معهم لاحقاً اكتشفت ان كل كلمة محاسب عليها
يومياً كنت اتعرض لضغط بالكلام والافعال من المشرف اليمني (ن.ع) وانا ساكت وكل مره اتحمل ظناً مني ان هذا اختبار لي عشان يتاكد هل اصلح لها المكان او لا فكان يمر من وراي وانا اشتغل يقول لي ( يااي ) ومرات ( يقلبي عليك ) بطريقة استفزازية وكل مره اتحمل ومرات كنت اخذ الموضوع مزح
في ايام الجمعه تجيه حالة فجاة يعصب علينا بدون سبب ويبدا يشتم ويسب ومره قال لنا بيوم عصيب ( انا ما احتاجكم انا لو عندي المحمص القديم ما احتاجكم مامنكم فايدة يا السعوديين ) انا قلت له قدر تعبنا اقل شي قال وش سويتو المبيعات طايحه قلت له لا تحترمني احترم خويك اللي له سنتين معكم
رفع صوته علي وقال مو انت تعلمني الاخلاق انا متربي احسن تربيه انا الشركة معي لحم اكتافكم من خيرها … (شدعوه هذا وانا لي شهرين قال لي كذا ) مشيت الموضوع وكان دايم يجي يستفزني ويقول لي كلام ماله داعي وقدام اصحابه يستهزء فيني و يرفع صوته علي مرات قدام العملاء وكل هذا احسبه اختبار
كنت اتعرض لكلمات مسيئة منه كان يكررها لي لو سالته عن شغله معينه واكثر كلمة يكررها لي ( انا اندعك ) وهي كلمة يمنيه معناها انا اني*** وسمعت منه كلام كثير عني وعن غيري من هالنوع اضافة الى المشاكل اللي مسببها كل هذا ولا فكرت بيوم ارفع شكوى وكنت اتحمل لاني محتاج هالوظيفة
بعد شهرين وبيوم عادي جا وقال لي ( الادارة طلبت تقييمك قلت له تمام وش تقييمي ؟ قال لي ١- بطيئ ٢- صوت منخفض ٣- احاديث جانبية مع العملاء ٤- شعر طويل و وافقت ع رفع التقييم و وعدته اني اتحسن وفعلا تحسنت وقصيت شعري وصوتي ارتفع وكل يوم اتعلم بشكل اسرع لدرجة اخلص الامور قبل اطلع
مرات كان اذا صار شي بالمعرض يروح يتكلم فيه بالمحلات المجاوره لنا والكل يعرف السالفة + انه يحرض بين الموظفين وكل مره يوصلني كلامه انصدم فصرت اخذ حذري منه ولا اتكلم معه كثير ولا اجادله بعد ما وصلني كلام كبيييير بحقي اضافة الى تحرشاته الجنسية واللي يقول عنها ( مزح )
بعد 3 شهور وتحديداً بعد رمضان لاحظت ضغطه المستمر علي بالكلام والسرعه واني ماسوي شي ويجي يدور وراي اتفه خطا طبعاً انا قدني فاهمه وفاهم طينته احاول انجز قبل يجي وكل يوم يخاصمني وكاني مرتكب خطا واذا جيت سالته وش خطاي مايرد علي او يبرر لي شي وكنت انقهر كل يوم منه واسكت
بيوم الاربعاء بتاريخ 11 may جاني اتصال من الموارد البشرية ، علي العمري ؟ نعم تفضلو تقييمك وصل وعندك ملاحظات ، تمام وش هي وكانت الملاحظات المذكوره اقل ما يكون عنها سيئة وظالمة بحقي لدرجة اني انصدمت صدمة كبيره وانا اسمع الكلام وخليته يعيده لجل اتاكد انه انا المقصود وللاسف طلع انا
الملاحظات كالاتي :
وللامانه ماني عارف على اي اساس استند هالتقييم وانا افتكره انه كثرت تهديداته لي باخر الايام ولا ادري وش السبب غير اتهاماته اللي مالها داعي مثل (مغرور - متكبر - شايف حالك ) والسبب اني رفضت اعطيه سلف ورفضت اعطيه نظارتي ام 300 ريال و رفضت اعطيه عيديه لعياله 🙂💔💔
وللامانه ماني عارف على اي اساس استند هالتقييم وانا افتكره انه كثرت تهديداته لي باخر الايام ولا ادري وش السبب غير اتهاماته اللي مالها داعي مثل (مغرور - متكبر - شايف حالك ) والسبب اني رفضت اعطيه سلف ورفضت اعطيه نظارتي ام 300 ريال و رفضت اعطيه عيديه لعياله 🙂💔💔
بررت افعالي لموظف الموارد البشرية وقتها وقلت له اذا انطلب مني شي اقوم واسويه زي ما انطلب مني ماعمري رفضت شي
اما عن ترويج المنتج بشكل سيئ فهذا كذب وبهتان جاني عميل يبي اسبريسو وشرحت له الفرق بين الاسبريسو والايتاليانو ومين اقوى من الثاني وقال بطنه يعوره ورشحت له الاخف واشترا
اما عن ترويج المنتج بشكل سيئ فهذا كذب وبهتان جاني عميل يبي اسبريسو وشرحت له الفرق بين الاسبريسو والايتاليانو ومين اقوى من الثاني وقال بطنه يعوره ورشحت له الاخف واشترا
اما عن اني اتكلم بامور الادارة فما اذكر اني بيوم تكلمت عن امور الادارة ابداً بالرغم انه كان دايم يقول كىىى ام باجة @baja_foods ولا عمري بلغت عليه
اما عن الاصناف والاكواد فانا حافظهم والموظف اختبرني وجاوبته صح وبعدها حكيت له كل اللي كان يسويه فيني هالمشرف بالتفصيل
اما عن الاصناف والاكواد فانا حافظهم والموظف اختبرني وجاوبته صح وبعدها حكيت له كل اللي كان يسويه فيني هالمشرف بالتفصيل
واجهت المدير وسالته باي حق تكذب بالتقييم وتعطيني تقييم سيئ ؟ وش مشكلتك معي ؟ قال لي ما تشتغل انا اسوي كل شي وراك قلت له اذا ما بتصدقني ارجع للكاميرا ولا انت ما تسمع الا نفسك بس ؟ ما تسنى لي الوقت اتفاهم معه انتهى دوامي وطلعت وانا شايل هم الدنيا على كتفي
اليوم الثاني الخميس داومت الصباح على اساس يوم طبيعي جا يسوي مشكله معي ويهدد ويتوعد بانه مايخرج من هنا لحاله بيخرجني معه وقال لي بالحرف الواحد ( ب*ل) صديقي ويعرفني زين بيوقف معي انا قديم هنا وقريبي يشتغل بفرع ثاني انا ماخذ جائزة افضل بايع في 2019 تحسب انهم بيتخلون عني عشانك ؟؟
ب*ل : المدير الاقليمي للمنطقة الجنوبيه وهو يعتبر مديرنا كلنا ولا حصل لي الشرف بيوم اني التقي فيه رغم اني كنت متحمس انه يجي ويختبرني بنفسه ولا حصل ، لما كلمني المدير الاقليمي قلت له بكل شي قال لي انا اتفاهم معه قلت له انا ما بترجع علاقتنا مع بعض حيجي يفتعل معي مشكله وفعلا كلمه
وصارت بيننا مشكله لدرجة ارتفعت اصواتنا امام العملاء بالمعرض وهو يخاصم فيني وانا احاول اخدم العميل وهو رافع صوته علي ورمى كلام علي قال ( انا مصورة للادارة) وانا من غضبي قلت له برفع عليك قضية لو لقيت شي بجوالك لي قال لي ارفع بيدك ورجلك
نهاية العصر كلمني المدير الاقليمي (ب*ل) وقال لي احنا توصلنا لحل نعيد لك فترة التجربه حسيت بالقهر من اللي سووه والان انا مو مصدق حتى بعد كل الادلة اللي ارسلتها لهم ؟؟ رفضت اعيد فترة التجربه وتحت وتحت رحمة هالمشرف الغير كفو لها المنصب وقلت له بقدم استقالتي خلاص بيئة عمل سامة جدا
فوق كل الضغوط اللي تعرضت لها مافكرت بيوم اخرج ولما انطعنت عرفت ان مالي مكان في @baja_foods باجة قسم الجنوب فرع القنفذة واللي كنت كل يوم اداوم ٧٠ كيلو بدون تاخير ولا غياب بدون عذر قررت اقدم استقالتي وتابعت القضية مع الموارد البشرية تحت اشراف الاستاذه أ*ح
وبعد اسبوع من القضية انا برا والمدير مكمل شغله بالمعرض ، خرج ناس قبلي وانا منهم والله يعين الموظف الجديد لا يصير له مثل ماصار لنا ، ولما اسال الـ HR يفتحون الرساله بدون رد واخر كلامهم ( لو فيه شي بنتواصل معك) ولما تواصلت مع بوسند يفتح رسايلي بدون رد ولما بلغت الhr ماردو علي
جاري تحميل الاقتراحات...