النهارده جمهور باريس كان بيشتم مدريد ومبابي والخليفي واقفين بيضحكو، وإن جيت للحق فا انا لو مكان اي مشجع في العالم ومبحبش ريال مدريد مثلاً فا مفيش فرصة احسن من دي انك تطلع كل اللي جواك ولو انا بشجع برشلونه مثلاً فا حرفياً كنت هقلبها حفله على مدريد...
اللي حصل مش بسيط ولا شيء عابر كده يعدي وخلاص.
من 2018 لـ 2022 مفيش غير اخبار ايجابيه انه هيوصل يا اما قبل نهاية عقده بموسم يا اما بعد نهاية العقد. واكتر شيء صادم في الدنيا فعلاً هو العشم وانك بعدها تنزل على مفيش.
من 2018 لـ 2022 مفيش غير اخبار ايجابيه انه هيوصل يا اما قبل نهاية عقده بموسم يا اما بعد نهاية العقد. واكتر شيء صادم في الدنيا فعلاً هو العشم وانك بعدها تنزل على مفيش.
الثريد ده من شهر 9 اللي فات عايزك تقرأه قبل ما تكمل:
ركز على كلامي لما قلت ليه بيريز كان مستعد يدفع 200 مليون الصيف اللي فات للاعب باقي في عقده سنه، هو حرفياً كان متأكد من حجم الضغوط والتضحيات والفلوس اللي هيتم وضعها لمبابي مقابل انهم ينولو رضاه لأن نادي زي ده بدون هوية،
عنده استعداد يعمل اي حاجه مقابل تنفيذ رغباته واسهل شيء بالنسبه له هو الفلوس.
الاخبار كانت ايجابيه سواء من جهة ريال مدريد او جهته هو وتصريحاته.. كنت قولت قبل كده ان الواد ده لو مخضعش لباريس بعد كل الاغراءات دي هيجي وهنعامله معاملة الملوك ..
الاخبار كانت ايجابيه سواء من جهة ريال مدريد او جهته هو وتصريحاته.. كنت قولت قبل كده ان الواد ده لو مخضعش لباريس بعد كل الاغراءات دي هيجي وهنعامله معاملة الملوك ..
في نفس الوقت قولت ان التجديد هنعتبره خيانه بعد كل المشوار والعشم ده.. حتى مدير الماركا انهارده قال في تقريره "يمكن ان يقال ان كيليان وعد فتاتين بالزواج و سيهجر واحدة منهما على المذبح".
جبتها يمين شمال بالعقل فا والله الصفقة ملهاش غير اتجاه مدريد يمكن انا نسيت ان الكوره الوحيده اللي مش بتمشي بالعقل والمنطق.
بالنسبة لفلورنتينو بيريز، فا هو بنى سمعته على مواقف زي دي. وانه كان بيعمل المستحيل للتوقيع مع اهم اللاعبين طوال تاريخ وانه مفاوض عبقري وغيرها وغيرها.. فا طبيعي في موقف زي ده هقول ان ده فشل ليه. وفي فرق كبير بين كلمة "فاشل" و"فشل" في جانب معين.
انا عارف انه عنده مبررات وممكن تكون مقنعه وانا شايف انه خاض شوط كبير واتخذل زيه زينا من لاعب اعطاه كلمه. بس زي ما قولت هو بنى سمعته على تحقيق صفقات زي دي خصوصاً انك عارف انك هتروحله تاني من 2018.
حاشية بيريز كانت بتتكلم عن وصول نجم مهم في صيف 2022 ومنهم اللي قال انه هيتم الجمع بين مبابي وهالاند مع بعض. وعود وترانكيلو ورمز السحلفاه فا مش هعرف اقول كلام غير انه فشل في النقطة دي. وزي ما كان بيتم التفخيم فيه لازم ياخد اللي فيه النصيب في وقت زي ده
على الجانب الاخر هو نجاح لباريس اياً كان الطريقه اللي حاولو يقنعوه بيها، نجاح ليهم ولناصر الخليفي. كانت معركة كبرياء خصوصاً ضد بيريز اللي علاقتهم في تدهور من ساعة موضوع السوبرليج.
بس فعلاً نص العمى ولا العمى كله وانا راضي انه يكون انتصار بره الملعب علشان مش هستحمل أبداً يكون في الملعب ضد نادي زي ده.
البوست ده مش كله لوم وكلام محبط لأنك انت في الاول والاخر بتتكلم عن ريال مدريد. فريق في اول الموسم بنقول يارب نعرف نطلع بالليجا. حسم الليجا من 3 شهور وخد سوبر وفي نهائي دوري ابطال.
مش هنفتح الكلام عن لاعبين كتير تعالى نجيب اللي كنا قربنا من التعاقد معاهم اخر كام سنه والصفقات برضو فشلت في الاخر.. أبرزهم مثلاً دي خيا وبوغبا.
واحد خسارته كانت صدمه بعد ما كيلور نافاس خلاص كان مسافر انجلترا والتاني راح بصفقة قياسيه لليونايتد وبراتب كبير بعد ما الريال كان بيفاوض عليه وزيدان موصي يجيبه.
ساعتها كان في احباط من الجماهير بس حرفياً الزمن مأثبتش غير انهم مفرقوش معانا بـ 2 جنيه. ريال مدريد عموماً على مدار تاريخه عمره ما وقف على فراق لاعب او ان صفقه محصلتش وده مش كلام بصبرك بيه.. دي حقيقة غصب عن عين اي حد.
راح منه نيمار راح منه ليفاندوفسكي راح منه سواريز وهيروح غيرهم عادي وهيفضل هو هو ريال مدريد ومش محتاج اذكرلك احنا عملنا وبنعمل ايه في الكورة مش محتاج اقولك اللاعب اللي بيتألق معانا مصيره بيبقى ايه ومكانته بتبقى عامله ازاي في وسط الجوايز والدعم.
مستحيل اقولك اني مش زعلان لكن كل شيء ممكن يبقى افضل بدعم الفريق بصفقات كويسه على مستوى كل الخطوط. ونحمد ربنا ان الكلام ده حصل والسوق اصلاً لسه مبدأش وفي وقت كبير نقدر نحسن بيه نفسنا ونعيد ترتيب الاوراق خصوصاً اننا معانا فلوس.
في النهاية كده في كام لاعب المفروض نديهم حب واهتمام اكتر ونحس بعظمة اللي عملوه قبل كده او بيعملوه في رفض جميع الإغراءات مقابل اللعب لمدريد.
وفعلاً اتمنى من كل قلبي قفل الملف ده للأبد رغم انه الكل مؤمن انه لسه صغير والوقت قدامه يلعب لمدريد بس اتمنى فعلاً اسمه ميرتبطش بينا تاني مش نفكر فيه حتى .. واتمنى ليه الأسوء في كل شيء.
خسارة معركة مش معناها انك خسرت الحرب ولعلها تكون البداية لشيء. بعد نهاية المسلسل، دلواقتي جه الوقت لإعطاء الفريق حقه من الاهتمام في اهم ماتش في الموسم .. هلا مدريد دائماً وأبداً
جاري تحميل الاقتراحات...