من مصائب الزمن واللي سمعته هل الفترة وزادني يقين إني ابي زوج مؤمن ومطلع 🥲…
اسمعوا القصة: شاب يبلغ من العمر ٢٦ عام قرر يروح العمرة وقبل لا يروح قرر يسأل عن المناسك وشنو لازم يسوي بما انها أول عمره له سأل أحد المؤمنين وتم يوجهه وأثناء الحوار احتاجو يسألون أحد الشيوخ /١

كلمو الشيخ وأول سؤال سأله شلون تتوضى واهني طلعت الطامة الكبرى إن الشاب مبتلى في مسائل الطهارة و وضوءه وغسله غلط المشكلة مو اهني المشكلة انه متزوج وعنده طفل /٢…
معقولة احنا في ٢٠٢٢ والبعض يجهل الأساسيات …
ياليت نتعب نفسنا شوي ونطلع ع المسائل الفقهية الاساسية اللي مبتلين فيها

أنا عن نفسي احرص على إني اعلم عيال اختي الطهارة أول شي ومن عمر صغير لان احس كل شي مترتب عليها..
بحكم اني ارعى اغلب يهالهم فمن وهم صغار يوم اسبحهم، اسوي لهم الغسل بذات إذا كان يوم الجمعة واقول لهم شنو قاعده اسوي وكذلك الوضوء بعد مايدخلون الحمام اقولهم يالله نتوضى ونكون ع طهاره /٣

ومن الاشياء اللي اسعدتني جداً إن بنت اختي تكلفت من فترة وقبل التكليف بكم شهر ابوها كان يقعد معاها ويقولها ويبي يدربها فاستغرب يوم قالت له اعرف اتوضى قال لها راويني وفعلاً راوته وكان صحيح وكذلك الغسل قال لها وقالت اعرف خاله مريم علمتني وحقيقةً كانت هذي البذرة اللي انتظر اقطفها /٤

الزبدة أسسوا عيالكم صح رحم الله والديكم هذي مسؤولية تقع ع عاتق الأهل أولاً وإذا صار والأهل كانوا مبتلين وماعندهم المعرفة الكافية يبقى الباقي على عاتق المكلف إن يبذل بعض الجهد ويتفقه في دينه 🙏🏻