هل سبق ان عرفتوا ان الاعشاب تقدرون تزرعونها داخل المنزل وايضا بالماء بدون ماتحتاجون تربه وسقايه يوميه واهتمام ؟ في هالثريد بشرح لكم فيديو شفته بالتفصيل كيف تبدوون تسوون حديقة منزلية في شباك البيت تناسب كل احد خصوصا اصحاب الشقق فضلوا الثريد ويالله نبدأ
في البداية بتحتاجون الى اوعيه شفافه يفضل قزاز وتكون فتحتها من فوق صغيره عشان اسهل عند وضع الاعشاب فيها بحيث ماتطيح ثانيا تحتاجون الى اضاءه وافضل شئ وضعها امام اي شباك بالمنزل يجيه شمس على الاقل ساعتين باليوم ثالثا ماء يفضل معقم ولكن مو اساسي رابعا مرطب جو وهنا ممكن تستخدمون فواحة
طيب وش الطريقة نحتاج نقطع الاعشاب اللي نبغى نزرعها وامثله على اعشاب مناسبه (نعناع،بقدونس،ريحان، شمر،مراميه،زعتر بري ، شبت وغيرها الكثير فقط هذه امثله ) ناخذ غصن ونقطع بالمقص بشكل عرضي مائل ونضعها بعلبه داخلها ماء ونغير كل يومين او ثلاث ايام بالبدايه لحد ماتطلع الجذور
هنا صورة لقبل وبعد نصائح جانبيه يفضل تشغلون فواحة كل فتره عشان يترطب المكان يفضل يكون مكان هواء او فيه مكيف بعد مرور شهر نبدا نغذي الماء باشياء طبيعيه مثل وضع ماء الرز ،ماء اللي غلينا فيه البيض بعد مايبرد او ما وضعنا فيه قشور موز وملاحظه نضع ملاعق بسيطه فقط من المغذيات كل شهر مره
من النصائح للحفاظ على الساق وضع الساق في اسفنجه مثل حقت المطبخ عشان تكون دايم مترطبه وايضا واقفه ماتطيح تحت في المويه ، ايضا المويه حقت المغذيات احفظوها عندكم في علبه ويصير تاخذون منها كم ملعقه كل شهر .. باذن الله بسوي الطريقة قريبا معكم على انستقرامي خلوكم قريبين
وهنا وحده ثانيه علقتها بطريقة جميله بارتفاعات مختلفه عند شباك المطبخ راااائعه 😍 حتى السبانخ زرعتها
من اللي شرت الاغراض تابعوني على الانستقرام بنزل تفاصيل هناك instagram.com الاغراض بالصوره ٨ اعشاب ب ٣٠ ريال 😍❤️ بتكلم عن اسمائها وطريقة الزرع وكلش هناك
تحديث بعد التجربة لاسابيع 😍 فقط اغير المويه كل يومين
جاري تحميل الاقتراحات...