ريال مدريد بدأ بالفعل التجهيز لمرحلة ما بعد افتتاح السانتياغو بيرنابيو، كنا سبق واتكلمنا على مدى التطور التكنولوجي وتعزيز الواقع الافتراضي اللي هيكون موجود في السانتياغو بيرنابيو الجديد.
وأنه ريال مدريد هيقوم تجديد كامل للهندسة التكنولوجية للملعب لتقديم جميع الخدمات الرقمية للمشهد الرياضي والأنشطة المرتبطة به، مع تطبيق يضم أحدث الابتكارات التكنولوجية في أنظمة الاتصالات والأمن في الاستاد.
بحيث انه هيمكنك خلال المباراة من حجز الطعام والمشروبات والحصول على الطلب بسرعة أكبر خلال فترة الاستراحة في مساحات المطاعم الجديدة التي ستُفتح في صالات العرض والتي ستقدم خدمات عالية الجودة واستهلاك أسهل.
وده بجانب الدفع غير النقدي عبر الموبايل، واللي هيقلل من الانتظار في طوابير الإستلام.
تكنولوجيا هتدخل في جميع العروض والتقنيات اللي هتكون موجوده في المتاحف، شاشات العرض الضخمه الجديده، واجهة البرنابيو، تقنيات مراقبة العشب وغيرها وغيرها من اللي هيتم استخدامها داخل سفينة الفضاء اللي بيبنيها ريال مدريد.
وبناءً على ده جاءت الشراكة مع "سيسكو" الأمريكيه. اللي تعتبر رائده في مجال التكنولوجيا ده. واللي بتجهيز لنشر شامل لتقنياتها في جميع ارجاء البرنابيو الجديد.
الخطوة التانية واللي حصلت يوم امس. واللي لم تكن وليدة اللحظه هي الشراكة مابين ريال مدريد وشركتي Sixth Street و Legends الأمريكيتين (شركة الشارع السادس دي شركة استثمار استولت على 51% من شركة ليجيندس اللي تعتبر شركة كبيره جداً في ادارة الملاعب والاستفادة منها).
واللي سبق واتكلمت عنها قبل كده لما وصلت اخبار بأن شركة ليجيندس عايزه تدير الملعب وتستفيد من الجانب الغير رياضي للبرنابيو او الايام الغير رياضيه (زي اقامة الحفلات والمناسبات الترفيهيه) مقابل 400 مليون يورو وتدي لريال مدريد نسبه برضو من عوائد المناسبات دي.
ودي قبل كده كانت اخبار وعروض لكن احنا لينا الرسمي اللي وصل امبارح.. أقرأ كده البيان.
"صادق مجلس إدارة نادي ريال مدريد في اجتماعه أمس، على اتفاقية مع شركة Sixth Street الاستثمارية، وشركة Legends المتخصصة في إدارة الملاعب والتجارب المتميزة للمنظمات الرياضية وتنظيم الأحداث الكبرى، وذلك بهدف جعل ملعب سانتياغو برنابيو مساحة فريدة من نوعها"
"وفي الوقت نفسه، مرجعاً عالمياً للترفيه والتسلية. توفر هذه الاتفاقية الإستراتيجية طويلة الأمد لريال مدريد ما يقرب من 360 مليون يورو يمكن للنادي تخصيصهاً لأي من أنشطته".
"من خلال هذا التحالف، تكتسب شركة Sixth Street الحق في المشاركة في تشغيل بعض المشاريع الجديدة في ملعب سانتياغو برنابيو لمدة عشرين عاماً. وبالمثل، ستساهم Legends بخبرتها ومعرفتها في تشغيل الملاعب الكبيرة والمراكز الترفيهية، مما يسمح بتحسين إدارة ملعب سانتياغو برنابيو".
"سيكون تحوّل ملعب سانتياغو برنابيو علامة فارقة في تاريخ ريال مدريد. سيكون هذا التحالف مع Sixth Street و Legends، الرائدتين عالمياً في مجاليهما، ضرورياً لتوفير تجارب فريدة في الملعب حيث يمكن تنظيم العديد من الأحداث على مدار العام".
"تعزز هذه الاتفاقية هدفنا المتمثل في الاستمرار في زيادة دخل الملعب بشكل كبير من خلال تنظيم الأحداث الرياضية والفعاليات على اختلاف أنواعها".
معنى الكلام ده بالبلدي ان ريال مدريد زي ما احنا فاهمين هيقسم الملعب لجانب "رياضي، يخصه هو" ... "وغير رياضي + ترفيهي".
الجانب الرياضي يعني ان كل الفلوس اللي هتدخل لريال مدريد من اليوم اللي هيلعب فيه اي فريق من فِرقه هتكون ليه فقط (مباريات كرة قدم، كرة سله، مباريات الفريق النسائي، تذاكر، متاجر وهكذا) اليوم اللي هيلعب فيه اي فريق هو لريال مدريد 100%.
اما الجانب الغير رياضي والترفيهي فا شركة ليجندس تعتبر رائده في مجال ادارة الملاعب والترفيه والعروض ومعاها شركة الشارع السادس وساعتها هما هيمتلكو 30% من اي دخل جاي للنادي في اي يوم مش رياضي بحيث انهم هيكونو المسؤولين عن ادارة الملعب في الايام الغير رياضيه
وهيقومو بأشياء زي إستقطاب وإقامة اي عروض زي المعارض، مباريات تنس، كرة سلة، بيسبول، هوكي او حاجه من الرياضات التانيه اللي قولنا ان البرنابيو هيقدر يستضيفها .. دي كلها برضو تندرج تحت العروض الترفيهيه.
ساعتها ايرادات العروض دي هتتقسم 70% و 30% .. الـ70 لريال مدريد والـ30 للشركتين دول زي ما قولنا في اي يوم مش هيكون رياضي بالنسبه لريال مدريد.
والكلام ده هيكون لمدة 20 سنه + امكانية التمديد ل10 كمان بصفقة 360 مليون يورو ريال مدريد يقدر يستخدمهم زي ما هو عايز.
والكلام ده هيكون لمدة 20 سنه + امكانية التمديد ل10 كمان بصفقة 360 مليون يورو ريال مدريد يقدر يستخدمهم زي ما هو عايز.
يعني من الاخر انت بعت 30% من الايام الغير رياضيه بتاعتك وادارة الملعب والاستفادة القصوى منه عن طريق شركة متخصصه في الكلام ده مقابل 360 مليون.
صفقة كبيره وعظيمه جداً خصوصاً انك لسه حتى مخلصتش الملعب. لكنها بداية بس.
صفقة كبيره وعظيمه جداً خصوصاً انك لسه حتى مخلصتش الملعب. لكنها بداية بس.
جاري تحميل الاقتراحات...