اطلب تفضلا و رجاء من كل من يقرأ هذه الكتابة ان يتخلص من الاتي :-
١/ ان يتخلص من فكرة انني قديس … لست كذلك لانني اعرف نفسي التي بين جنبي و اعرف ما بي من خطايا ( ما تصنعوا طواغيتكم براكم ) .
٢/ من كان يحمل لي تقديرا لانني والد شهيد و يحجم عن ابداء الرأي او التعليق ارجو الاّ يفعل
١/ ان يتخلص من فكرة انني قديس … لست كذلك لانني اعرف نفسي التي بين جنبي و اعرف ما بي من خطايا ( ما تصنعوا طواغيتكم براكم ) .
٢/ من كان يحمل لي تقديرا لانني والد شهيد و يحجم عن ابداء الرأي او التعليق ارجو الاّ يفعل
و اوريكم ليه ؟
أ/ لأن ما اكتبه هو في الدرجة الاولي اراء في ما نعيشة في هذا البلد من راهن له تاثير علي حياتك / حياتنا .
ب/ لانو انا ما الشهيد انا ( والده ) و دا وضع ما مفروض يمنحني قداسة و لا امتياز لكن يمنحني احترام و الاحترام اصلا اساس لازم و
أ/ لأن ما اكتبه هو في الدرجة الاولي اراء في ما نعيشة في هذا البلد من راهن له تاثير علي حياتك / حياتنا .
ب/ لانو انا ما الشهيد انا ( والده ) و دا وضع ما مفروض يمنحني قداسة و لا امتياز لكن يمنحني احترام و الاحترام اصلا اساس لازم و
ضروري في حالة اي علاقة بين الناس .
اقول الاتي :-
١/ العسكريين ( ما كلكم ) انتو مؤسسة طامحة للسلطة و بتمتلكوا ادوات عنف و ما محكومة بقوانين و انتو قاهرين و قتلة و دا لازم يقيف و يتحكم بقوانين تحفظ و تحمي حياة الناس و دا واجبكم نصا و قانونا شئتوا ام ابيتوا .
٢/ الاحزاب و الساسة
اقول الاتي :-
١/ العسكريين ( ما كلكم ) انتو مؤسسة طامحة للسلطة و بتمتلكوا ادوات عنف و ما محكومة بقوانين و انتو قاهرين و قتلة و دا لازم يقيف و يتحكم بقوانين تحفظ و تحمي حياة الناس و دا واجبكم نصا و قانونا شئتوا ام ابيتوا .
٢/ الاحزاب و الساسة
انتو طارحين افكاركم دي في سودانا دا و نحن ما انتو نحن ناس سوق و انتو عارضين بضاعتكم دي و البيع و الشراء ما غصب و بين البائع و الشاري يفتح الله و يستر الله و نحن ما قصر و لا فاقدين اهلية و رايكم في الحكم المدني نسويهو كيف ؟ فنحن برضو اصحاب رأي زيكم واحد و نحن شاركناكم كتف بكتف .
و قدم بقدم و كنا كتلتكم الحرجة التي اسقطت تلاته دكتاتوريات و اخطاءكم قصمت ضهرنا و تكلفة التغيير من دم و اصابات و فقد اطراف و اختفاء قسري تكلفتها اغلبا من الشعب الطيب دا و انتو جزء من دا طبعا لكن ما براكم و كمان ما براكم بتسقطو زول
تجاربنا معاكم انتو قتلة احلام و دا اسوأ من
تجاربنا معاكم انتو قتلة احلام و دا اسوأ من
و بتضيعوا علي البلد فرص تاريخية للتاسيس اتعدلوا و اعرفو البيكم و العليكم و من حقنا عليكم تتخلصوا من عقلكم السلطوي دا و دا واجب حزبي عندو علاقة بي ممارستكم الداخلية من خلال حوار داخلي يخصكم كمنتمين للاحزاب دي و الرغبة لخلق عمل مؤسسي جواكم و التخلص من السيولة المؤسسية داخلكم
مطلوب جدا قبل ما يبقي العمل مشترك مع ناس برة منكم و ما ملتزمين بخطكم السياسي
٣/ الحركات المسلحة و الكفاح المسلح الدفعوا تكلفة الدم راجين حصادكم و اسي معظمهم بيقولو صحي الموية بتكضب الغطاس و لم يروا منكم ما هو اكثر من امتيازاتكم السياسية
٤/ لجان المقاومة بعد اعلان ميثاق سلطة الشعب انتو الان داخل قلب السياسية و بي برنامجكم عديل ارجو انكم ما تكونوا امتداد للعقل السلطوي القديم اقلو في الاستماع للرأي المخالف بدون ممارسة فقة التخوين و توابعه ، و مهم جدا تعرفوا انو من الخطأ جدا الاعتماد علي العمل الثوري كاساس للتغير و
تعطيل المسار السياسي دا خطأ استراتيجي و انو التفاوض و الحوار مهم جدا و من ادوات السياسة و انو الحوار و التفاوض السابق انتو ما كنتو جزء منو و العقلية التم بيها الحوار دا هي عقلية سلطوية بين طرفين عسكري و مدني طبيعتهم السلطوية واحدة و قاد الناس الي تقاسم امتيازات كان حصادو عدم
احترام و تقدير بين المكونين العسكري و المدني الانجزوهو و امتدت المشكلة و اتطورت من مشكلة بين عسكرين و مدنين الي مشكلات بين مدنيين و مدنيين ايضا و مهم كلنا نتعلم انو التفاوض علي مبادئ التاسيس ما خيانة للوطن .
نجي للنقطة الاهم المعظمكم بتكلم عنها و هي مسألة ( التحالفات و توحيد القوي السياسية و المدنية ) البتطرحها اغلبيتكم لينا دائما كطريق للحل …
دي شغلانه بي شكلها دا ما صاح و ما بنمشي وراها عميانين او باندفاع ثوري لانها خدعة
الشاهد من جبهة الهيئات زمان الي تحالف قوي الحرية و التغير و تجمع المهنيين الاخير دا بنجحوا الناس في اسقاط الانظمة و بعدها التحالفات دي بتركب السلطة و بتودع قيم الثورة و بتفارقا … فما هي؟
الشاهد من جبهة الهيئات زمان الي تحالف قوي الحرية و التغير و تجمع المهنيين الاخير دا بنجحوا الناس في اسقاط الانظمة و بعدها التحالفات دي بتركب السلطة و بتودع قيم الثورة و بتفارقا … فما هي؟
حوجتنا لتحالفات ذي كدا
دي تحالفات سلطوية و خداعة و ماكرة
التحالف لازم يكون ( استراتيجي تأسيسي غير سلطوي يهدف الي احداث و يحقق تغيير بنيوي ( Structural ) في بنية الدولة السودانية و يقود الي تغيرات و اصلاح شامل في جهاز الدولة
دي تحالفات سلطوية و خداعة و ماكرة
التحالف لازم يكون ( استراتيجي تأسيسي غير سلطوي يهدف الي احداث و يحقق تغيير بنيوي ( Structural ) في بنية الدولة السودانية و يقود الي تغيرات و اصلاح شامل في جهاز الدولة
ودا عشان اي سوداني باختلاف موقفوا السياسي او دينو او عرقو او لونو او قبيلتو لما يحصل ليهو اعتداء من جهاز الدولة او مجموعات او افراد يكون في نظر اي زول اعتداء عليهو هو تحديدا لانها دي قيم مجتمعية مشتركة و متفق عليها من الجميع .
يبقي الاهم عشان دا يتحقق ممكن تتم تسوية يعني عبر الحوار و التفاوض .
و التسوية دي تسوية تاسيس و عندها اعمدة تقوم عليها و هي في مجملها …
و التسوية دي تسوية تاسيس و عندها اعمدة تقوم عليها و هي في مجملها …
١/ تسوية مشروطة باصلاح الاجهزة العدلية و يجب ان تكون مستقلة بشكل كامل و اساسي من اعلي مستوي سلطة في البلد بل و يجب ان تكون قادرة علي اخضاعه ليها و مساءلتها و محاسبتها ايضا .
٢/ تسوية تقدر تجيب محكمة دستورية تكون قادرة علي اخضاع من هم علي قمة هرم السلطة و اجهزتهم و تقدر تعمل Check عليهم و تقدر تضمن التوازن في اداء هذه الاجهزة
٣/ تسوية تقدر علي اصلاح المؤسسة العسكرية انها تكون اولا موحدة و تضمن السيطرة و الرقابة و المساءلة ليها في كيفية اخضاع استخدامها لوسائل عنفها تجاة حفظ حياة الناس و ضبط دا بقيادة موحدة و عليها اشراف من الجهاز التنفيذي و التشريعي و تتحكم في ميزانياتها و تشرف علي ميزانية
التسليح و تدير انشطتها الاقتصادية برقابة مالية صارمة بكل ما في ذلك من ضبط و تحكم .
٤/ تسوية تضمن اصلاح جهاز الخدمة البيروقراطي و ضمان القدرة علي ضبطه مؤسسيا لانو منفلت و تابع و مسيس و فاسد و لا يقل في قدرتو علي الاذي من المؤسسة العسكرية
٤/ تسوية تضمن اصلاح جهاز الخدمة البيروقراطي و ضمان القدرة علي ضبطه مؤسسيا لانو منفلت و تابع و مسيس و فاسد و لا يقل في قدرتو علي الاذي من المؤسسة العسكرية
٥/ تسوية مجتمعية تضمن صيغة للاتجاه نحو الحكم الفيدرالي و هو في حد زاتو نوع من التسوية الاجتماعية و مدخل مهم للتاسيس لعدالة اجتماعية ..
و النوع من التسويات عندو طريقين بتمشي فيهم
و النوع من التسويات عندو طريقين بتمشي فيهم
١/ طريق العمل الثوري بما فيه من تكلفة دماء و دا طريق برضو في النهاية اخرو تسوية مع طرف منحاز للثورة من المؤسسة العسكرية لكن ما القيادة العسكرية الحاليه …
٢/ تسوية تأسيس عن طريق الحوار و التفاوض مع المنتهكين ديل بكل جرائمهم و دا مهم جدا فيهو دور الضحايا …
٢/ تسوية تأسيس عن طريق الحوار و التفاوض مع المنتهكين ديل بكل جرائمهم و دا مهم جدا فيهو دور الضحايا …
المهم انو تسوية التاسيس دي لو من النوع الاول او التاني بتتم مع المؤسسة العسكرية نفسها .
اخيرا و دا مهم عندي جدا بالنسبة لفكرة هزيمة المؤسسة العسكرية انا مؤمن انو دا ما هدف الثورة و التغير لكن الهدف اصلاحها و تحيدها عن ادوات عنفها تجاة المدنيين السلمين ودي
اخيرا و دا مهم عندي جدا بالنسبة لفكرة هزيمة المؤسسة العسكرية انا مؤمن انو دا ما هدف الثورة و التغير لكن الهدف اصلاحها و تحيدها عن ادوات عنفها تجاة المدنيين السلمين ودي
عملية طويلة لكن لمن يتصور انه يمكن هزيمة المؤسسة العسكرية فهذا غير ممكن قال مانديلا مرة في وضع مشابه معاكسا لحركة الجماهير ( We can not defeat them )
انا سمل دا بفتكر انو فشلنا كسودانيين في انجاز التسوية التاسيسية دي علي الرغم من نجاحنا في تلاتة ثورات عظيمة
انا سمل دا بفتكر انو فشلنا كسودانيين في انجاز التسوية التاسيسية دي علي الرغم من نجاحنا في تلاتة ثورات عظيمة
هو ليس نقصا في مقدراتنا العقلية و العلمية او الادارية انما هو نقص ( قيمي و اخلاقي ) في رغبتنا في الانحياز لمشروع الحياة و ينم عن شراسة فينا للعبث بالحياة لصالح عقولنا المتسلطة و التي لا تري سودان للجميع انما تري سودان يبني ذواتنا المتضخمة التي لم تعتاد و تتعلم يوما العيش في دولة
مؤسسات و قوانين تسعنا جميعا
جاري تحميل الاقتراحات...