بقولكم عن قصه ما ادري ايش تفسيرها بس صدق سبحان الله
فيه وحده كانت تموت على احد المغنين المشاهير لدرجه انها بكل كومنت تدافع عن الي يسبونه ومن قوه الحب حاطه صورته بجوالها وبحساباتها واغانيه تروق عليها وتنشرها
المهم

هي شكلها دعت ربي يهديها او انها سوت خير
ما ادري بس ربي ايقظ قلبها وصارت تحس بتانيب ضمير يوم تنزل عنه وتتابعه وتسمع له وكانت تحاول تنهي هذا الشي وقررت تتوب وراحت حذفت كل شي يخصه وشالت الاضافه
بنفس اليوم وبنفس اللحظه تقول انتهى اهتمامي له
تقول كأني كنت بقلب وطلعت بقلب اخر !

زمان يوم احد يجيب طاريه او يفتح اغنيه يفز قلبي الحين اتقزز حتى من صوت الموسيقى تركت اكثر شي كنت احبه وربي طهر قلبي منه وفوق هذا كرهت كل الاغاني مو بس اغانيه هو و صرت اذا سمعتها تنكدت !

شفتو الي يفكر يخطي خطوه وحده لربي ربي ييسر له مليون خطوه خير غيرها
هي بس كانت تبي تنهي حبها لهذا المغني
وانتهى حبها لكل الاغاني !
تذكرت كلام ربي بالحديث القدسي
(وإن تقرب مني ذراعًا؛ تقربت منه باعًا، وإن أتاني يمشي؛ أتيته هرولة)