اتذكرت قصة ~طويلة~ لكن لازم احكيها🥲🥲🥲🥲 قبل كدا أتعرض لي شغل في مجال تدريس اونلاين ولمن مشيت لأول انترفيو اضطريت استن في الشارع لانو ببساطة اتأخرو و دي اول نقطة حاولت اتغاضى عنها لكن بعداك حسيت من كلام المدير و الود الحيوريني طريقة الشغل حسيتهم الاتنين بخمو فيني من الناحية
المادية ..كنت كلما اسأل عن ال job description بقعدو يقولو لي ياهو التدريس بلص شوية شغل إداري.. وصراحة القروش كانت اكتر من مجزية لزولة جونيور لسا .. وخلي بالك بالعملة الأجنبية:) ودا السبب الخلاني أصر اطالب بمعرفة شكل الشغل الإداري دا كيف عشان ما اخد قروش في حاجة انا ما حاجيدها ..
المدير كان يشيل و يوريني انجازاتهم و علاقاتها الخارجية الواسعة شديد .. صراحة ما صدقت لكن طلع لي دفاتر شيكات بأسماء دول عربية انا آمنت .. وفجأة قلب ونسة شخصية عن انو متزوج مرتين وبقلو في ادبهم وهسي عازم يطلقهم لو ما احترمو نفسهم ...
انا بقيت مدنقرة راسي وشابكاها "ربنا يسهل .. ربنا يكون في العون" .. مستنياه يرجع لموضوع الشغل .. دا غير طبعا انو قال انحنا أهلنا صوفية و انا لاني زولة كويسة ربنا جابني ليهم ... الزول تحس فيه هيبة في نفس الوقت في شي غلط ..
وهو بحكي لي عن شركتهم والله زي الشركات الوهمية ديك العندهم قروش بالهبل .. المشكلة خشيت قوقل و والويبسايتات تبعهم.. وقسما بالله لقيت هذا الرجل الذي أمامي في صورة متصور مع اجانب .. قال دا معرض برعايتهم ولا شنو ما عارفة.. الشركة معروفة و مجالات كتيرة و كمان معارف ناس كبارات :)...
لا وكمان قاليك عندهم اونلاين ستور زي اوزون وديل :) .. والذ شي الشغل للدول البرا لانو السودانيين ما بدفعو :) .. قلت ليه طيب شغل كبير زي دا وجايبني انا ليه ؟ :) ..قال كانو شغالين على ارض الواقع لكن موجة الكوفيد قدت الشغل :) .. فهم بفتشو في ناس هسي اونلاين...
اللهم وانا راجعة البيت مخلوعة قالو اجي يوم تاني لانو دي كانت ونسة ساي و الماسك الانترفيوهات ما كان جا ... جيت يوم تاني و فعلا كان في زول شكلو شخصية و مكتبو يلمع .. اخدت زي ربع ساعة بس اداني متريالز قريتا وسألني كم سؤال و طلعت قال لي قولي للمدير اديناك الضو الأخضر خليه يديك العقد
رجعت لصاحبنا داك كان معاه الود .. بتكلمو بتكلمو وانا ما قدرت اقاطعهم .. لغاية مر وقت قلت اطلع اقعد برا ..المدير نظام انتبه لي ياداب قال لي اها خلاص ؟.. قلت ليه خلصت الانترفيو وقالو لي اوك .. طوالي قال لي خلاص بيناتنا التلفون ..
قلت خلاص معناها مشغول وحاجي في يوم تاني للعقد والجوب دسكربشن اعرفهم كويس.. إن شاء الله لسا ما وصلت البيت اتصل لي الود قال لي اها خلاس نعتمدك؟ .. قلت ليه لي الشرف والله بس دايرة اعرف مهامي كويس عشان احلل قروشي .. عملت فيها الشريف الرضي ... فجأة قعد يقول لي المدير ما شرح ليك
والشغل إداري بس تنسيق مراجع و شغل لابتوب وكدا ... سكت ما عرفت اقول شنو ..حرفيا زي الهرشني كدا .. بعداك قفل شكلو مشا اشتكى للمدير 🥲... داك اتصل بعديه بلهجة المدراء ديك ... "الكلام ما كان واضح .. شنو الما فهمتيه .. انتي خايفة ليه من الشغل حتى لو ما عارفاه حتتعلميه" ..
تاني اتهرشت.. قلت ليه خير .. قال لي " خلاس كدا يعني نتفق في العقد؟" .. الله :).. قلت ليه مش حاجي اشوفو واقراه؟؟ .. قال ما ياها البنود الفيه وريناها ليك .. اللهو بقصد في القروش وقعد يعيد لي انو الشهر الأول كدا والشهر التاني بزيادة كدا و في كل طالب كذا في المية ..
دا غير الطلبة الممكن يطلبوني تدريس خاص حساباتهم براها :) ...
Nigga was talking pure money:)
Nigga was talking pure money:)
يعني انا قبل شوية كنت معاكم كان ممكن تدوني العقد وكدا .. لكن أبت نفسهم الا ان يحاولو خمي 🥲🥲🥲.. طبعا قلت ليه يحصل خير ان شاء الله... وقفلت التلفون وسحبت علي حبوبتهم ...
وحكينا القصة دي ليييييه 🥲🥲🥲🥲 عشان نعرف قيمة الجنيه السوداني الحنين💕🥲🥲🥲🥲 .. وعشان زي ما قالت روان ما نتخم ساكت و ما نخضع لل...للض..الضولار والرريال🥲🥲🥲🥲🥲 وشكرا
جاري تحميل الاقتراحات...