هقولكم الحكايه الحقيقه لمصطفى البنك
اولا هو اخ من خمس اخوات ترتيبه الرابع فيهم خريج دبلوم صنايع بعد الجيش نزل اسكندريه اشتغل فتره في المعمار ورجع البلد خاله اشتري توكتك وشغله عليه لحد ماحصلت خناقه مع واحد صاحبه وحرفيا الود نحره من رقبته كان هيروح فيها ووصل للموت بسبب الف جنيه
اولا هو اخ من خمس اخوات ترتيبه الرابع فيهم خريج دبلوم صنايع بعد الجيش نزل اسكندريه اشتغل فتره في المعمار ورجع البلد خاله اشتري توكتك وشغله عليه لحد ماحصلت خناقه مع واحد صاحبه وحرفيا الود نحره من رقبته كان هيروح فيها ووصل للموت بسبب الف جنيه
علشان كده هتلاقي ديما مغطي رقبته بفوطه او شال مارحش السجن قبل كده زي ما الاعلام بيقول بس كان شغال في البحث عن الاثار وكل يوم في مكان شكل بيطارد احلام الغني السريع بس علي الفاضي مره وحده بقي تاجر مواشي بس بيشتري بسعر عالي جدا يعني اللي 20 يشتريها با30__35 في الاول كل الناس
كانت قلقانه ومش اي حد بيصدقه علشان هو اصلا مش تاجر معروف لاني هو لو تاجر عادي ممكن ياخد المواشي والناس هتستني عليك دا واضع حاصل في الطبيعي من غير زياده ولاغيره المهم الناس كانت منقسمه بين لا دا شغل نصب او غسيل اموال بتاعت الاثار اللي كان شغال فيها وبين دا حلال وحرام
لحد ما بدء يقبض الناس اللي اشتري منها بالسعر العالي المحدد قبل كده دا كان بيوصل الفلوس للبيت في الميعاد انتشر الخبر وسط الناس وكله بقي يتكلم ومحدش عارف ايه الحكايه دي وبداء يتعامل مع الناس بثقه اكتر وبقي يطلع بره بلده للقري المجاوره مع التجار اللي مشغلهم معاه علشان الناس تعرفهم
ويبقي في ثقه في التعامل وسعت التجاره وكل بيبع وهو مطمن للراجل اللي بيدي ضعف تمن وبقي حديث الساعه في البلد ويوزع فلوس ويدي الغلابه والمحتاجين بيبذخ وراح فاتح مززرعه كبيره وجاب الشباب اللي مش لقي شغل شغلهم فيها اليوميه وصلت للعامل العادي 700 جنيه وللتاجر اللي بيتمن 5000 جنيه وعمل
افتتاح كبيرر دبح في بتاع 10عجول وجاب مداح مشهوور اسموه أمين الدشناوي علشان يحي الليله الراجل دا ليلته في العادي بتبقي زحمه والناس بتيجله من اخر البلاد وقال علي مصطفي البنك ان في زي سيدنا عثمان ابن عفان وكمان داعي احد شيوخ الصوفيه المشهورين جداا الشيخ دا بالذات خلي الناس تصدق
بعد الافتتاح دخلت علي الناس واكترهم صدق وكل بقي يقول اهو شيخنا موافق علي اللي بيحصل يبقي الدنيا تمام وبقت الناس هي اللي بتروح تبعله في المزرعه نفسها تروح بالعربيه النقل فيها المواشي يجي التجار يديك السعر وتاخد1000 جنيه عربون وباقي الفلوس بععد 21 يوم حسب الاتفاق ومحدش بيشك لأن
بيشوف الناس بتقبض قدام عينه فلوسها اللي كانت متفقين عليها والموضوع كبر جد لدرجه اني العربيات كانت بالطابور قدام المزرعه وممكن الواحد يقعد من المغرب للساعه 2 بالليل لحد مايسلم المواشي بتاعته وهو بياخد المواشي في المزرعه المقسمه لحواش كل ما يتملي حوش يبعه للتجار بتوع المواشي
بس بسعر اقل من بتاع السوق بالف والفين علشان يبع اسرع يعني اااي بعشره اللف ممكن يبعها بتسعه بتمانيه بسبعه علي حسب الموضوع كبر وبقت الناس تجيب من كل قري و مدن المحافظه والمحافظات المجاوره زي قنا والاقصر وسوهاج والتجار بتيجي تشتري من عنده علشان دا عمل ركود في اسواق المواشي المعروفة
قبل ظهور مصطفي كان في اسواق للمواشي واسواق كبيره بتشتري الناس وتبيع فيها اشهرها سوق السبت في اسنا وسوق الاربع في ادفو واسواق تاني كل بلد ليها يوم معين الاسواق دي وقفت علشان البنك سعره احسن فكل بيروح هناك وتركو الاسواق خاويه محدش بيروح بقي يروحلو مواشي اكتر من اللي في الاسواق
كل الموضوع دا في ظرف شهر ونص شهرين بقي هو اللي متحكم في المواشي واسعارها لدرجه ان خلي سعر كيلو اللحمه 100جنيه واحسن العجول كمان تتدبح
دخل رمضان الموضوع كبر اكتر فتح كذا فرع ليه علشان علشان يقدر يستوعب اعداد العربيات المحمله بالمواشي فتح اربعه وخلي كل فرع او حوش تبع حد من اهل
دخل رمضان الموضوع كبر اكتر فتح كذا فرع ليه علشان علشان يقدر يستوعب اعداد العربيات المحمله بالمواشي فتح اربعه وخلي كل فرع او حوش تبع حد من اهل
الثقه االي بيثق فيهم وصل عدد المواشي االي بييستلمها كل يوم اكتر من3000 راس في اليوم واكتر وكله مطلوب السداد بعد 21يوم يعني بحسبه بسيطة لو قولنا سعر المتوسط 15الف للراس يعني كل يوم هيحصل 15000*1000= 45مليون يوميا يعني في عشرين يوم بتاع 9000 مليون مقريه مليار جنيه كل 21 يوم
قبل اول رمضان ظهر اتنين تاني بيشتغلو بنفس الطريقه بس السداد بعد 15 يوم وكتر الكلام والسؤال بقي مين وراه الناس دي اصدق الرويات دي بتاكد اني واحد بيدهم فلوس في الاول بيدفعو العربوون منها ويعملو الشو والمزارع زي ما حكيت وعاوز منهم فلوس طبعه قديمه مقابل ان هيديهم فلوس طبعه جديده
وهيديهم المليون جديد قصاد 200000الف هنا بتحصل النصبايه مصطفي البنك او غيرو بيروح يسلم الفلوس علي اساس اني ياخد الطبعه الجديده ترووح عليه فلوس الغلابه اللي مستني
بعد اسبوع فتح بتاع اربعه خمسه في كذا قريه وبقت الناس تشوف مين بيدي زياده اكتر وتروح عنده يعمل نفس الحوار والدي جي ويعلن في مكرفون واللي كان خايف اطمن وبقي يجرب طبعا الناس بقا كل همهم انها تجيب فلوس تشتري بيها مواشي علشان تسلمها وتستني مواعدها اللي باع دهب مراته واللي جاب قرض
واللي استلف والاي حط التحويشه طبعا المواشي كلها خلصت بقت الناس تشتري من عند المستريحين بمعني بتشتري المواشي تاني يعني تسلمها وتاخد العربون وتستني مواعيدك يجي واحد يشتريها بسعرها المخفص ويروح يسلممه للمستريحين وياخد العربون ويستني مواعيده وهكذا بقى
بعد فتره بقت البلد كلها عباره عن عربيات نقل فيها مواشي وبتروح تبيع عند المستريحين او تجار اشترت وبتبيع للناس علشان تسلم للمستريحين والشغل بقي اليوم كله الناس سابت زرعتها ووظفيتها واللي رجع من السفر واللي بعت فلوس لناسه علشان يشتري مواشي ويسلمها للمستريحين بقي اكتر من نص
وأكتر من نص اسوان المدن اللي حوليها مشاركين بفلوسهم مع المستريحين قبل العيد باسبوع بقت في مشاكل في دفع الفلوس للناس عند مصطفي البنك وكم واحد من المستريحين وبدأت المشاكل تظهر وكل يوم يدي للناس مواعيد وبقت الناس اللي ليها حقوق من اول رمضان مستني فلوسها وكل شويه يطلع يصبر الناس
في الفتره دي بداءت يظهر اسم الحصاوي دا بقي كان شغال في كله مواشي فلوس عربيات اي حاجه . الفلوس تتدفع المبلغ تاخده الضعف او تلات اضعاف بس برضو بعد 15 يوم وكل يوم عروض علي الزياده النهاره الجنيه بجنيه ونص بكره يعمل عرض الجنيه با اتنين جنيه وصل الجنيه بتلاته. السيارات بقي موضوع تاني
يروح الواحد بعربيته يشتريها الحصاوي علي حسب العرض بكام يعني معاك عربيه با 100 الف يششتريها منك 200او 300الف بس الميعاد بعد 15يوم والفلوس برضو كده تحط عنده 100الف يخدها ويقولك هتقبضها 200الف واكتر الموضع دا خلي الناس اتجننت اكتر وهنا بتكلم عن أصحاب الفلوس الكتيره والعربيات بقت
زحمه عند الحصاوي وكله بقي يودي فلوسه وعربياته كان بيدخل للحصاوي في اليوم اكتر من 100مليون ودا بقا معاملته مع المقاولين وأصحاب الأموال موضوع العربيات دا شغال من زمان بس مش في ادفو لا في اسوان نفسها اتخدت الفكره واتكبرت في الفتره قبل العيد بيومين المشاكل كترت عند مصطفي البنك واكتر
من مستريح بقي في ازمه في دفع المستحقات للناس لدرجه واحد وقف وقال انا هرجع اصل الفلوس للناس علشان محدش يخسر وبداء يدي للناس الاساسي من غير زياده في اللي قبل ياخد حقه بس وفي ناس عملت مشاكل وازاي انت تعمل كده الحق علينا كونا روحنا عند اي مستريح غيرك الود قالهم صريحه ياخوانا دا نصب
محدش صدقه واتخانقو معاه كان الحصاوي شغال من نار وبيلم فلوس بالعبيط كل يوم اكتر من اللي قبله دخل العيد علي الناس وكله مستني يقبض من مصطفي البنك اللي كل يوم بيطلع ياكد ان شغال زي ما هو بس في مشاكل في الحسابات و قال اني اخر ميعاد يوم التلات اللي بعد اسبوع العيد كله بقي منتظر التلات
طلع علي الناس وقال ان هيعمل لكل بلد مندوب يدي الناس قبضها المتاخر وصور الفلوس والعربات وهي طالعه بيها في بث مباشر
الناس بقتت تستني ساعه يطلع بث مباشر يقول انا موجود اهو وساعه يطلع يقولك احنا بنعد الفلوس علشان نوصلها لكل مندوب يوزعها في منطقته بالكشوف والاسماء الناس ترن علي المناديب محدش بيرد واللي يرد يقول مفيش فلوس اتبعت بدأت الناس وحده وحده يتجمهرو قدام المزرعه والاعداد بدأت تزيد والمشاكل
والتوتر والعصبيه والزعيق وبداء السلاح يترفع هوب الحكومه ظهرت وحاولت تهدي الناس علشان يشوفو هيعملو ايه وصلت قووه كبييره واللواء قال الناس روح اعملو محاضر علشان محدش حقه يضيع سيطرت علي الدنيا واتحطت المزرعه تحت الحراسه وطلعت قوه جابت مصطفي البنك اللي كان مختفي في مكان في الجبل
هنا الدنيا كانت هتولع لولا وجود الشرطه بقوه في المشهد كان هيبقى حمام دم بين الناس وبعضها تشوف حال الناس وهي مصدومه ومش مصدقه اللي حصل واني شقاهم ضاع وناس مش مقتنعه اصلا انها اتنصب عليها وكل دا زوبعه فنجان والبنك هيطلع وهيدي كل واحد فلوسه او الاساسي وحصل هرج ومرج علي مستوه البلد
وكل كوم وباقي المستريحين اللي اشتغلو بعد البنك كوم علشان كده هخليهم في ثريد لوحدهم المهم مصطفي البنك اتقبض عليه والنيابه اتحفظت عليه
@yourfavhwhw شوفتي النصابيه دي
جاري تحميل الاقتراحات...