الـnetworking و بناء علاقات مع أشخاص داخل المؤسسات و الشركات عشان يعملوا ليك referral/recommendations عامل أهم من عدد التقديمات للوظائف عشان تلقى وظيفة.
الحاجة دي Worldwide ما بس السودان. و بتختلف تماماً من الواسطة عشان الـreferral بتوصلك انك تدخل الـrecruiting process و تكون بعد كدا مهمة الـ hiring manager في الاختيار.
بتوصل مئات الCVs لكل وظيفة و ناس الـHR بيستعملوا اي وسيلة ممكن تسرع و تسهل عملية إيجاد الشخص المناسب (الشخص المناسب أهم من أفضل شخص متوفر على الإطلاق) زي استعمالهم لي الـApplicant tracking systems عشان يقيس مدى توافق المتقدم مع الوصف الوظيفي للوظيفة.
عشان كدا انه الزول يعمل customization للـCV لكل وظيفة حاجة مهمة عشان يضمن انه عمل rephrasing فيهو الـkeywords المناسبة للوظيفة و يزيد احتمالية التوافق اللي حتأدي انه شخص من الـHR يشوف الطلب.
عشان كدا موضوع استعمال CV واحد لكل الوظائف و انك "تشوت" السي في شمال و يمين و اخر مرك معمول ليهو update قبل شهور او سنين عملية تضمن تأخر إيجاد وظيفة.
تاني حاجة بيعملوها الـHR هي الاستفادة من الناس الشغالين في الشركة عشان يجذبوا ليهم talent للوظائف المتاحة وفي الشركات الكبيرة في referral programs وفيها مكافآت للموظفين لو وصّوا زول لي وطيفة و الشخص دا أخد الوظيفة بتكون على شكل بونص أو هدايا لأنه ساعد الشركة تجيب شخص مناسب بسرعة.
و دي النقطة اللي الناس مهم تعاين ليها و تركز فيها جهدها انها تتعرف على ناس شغالين و توريهم خبراتك و مهاراتك و تضيفهم لشبكتك مثلاً في LinkedIn و تـreachout to them لو لقيت وظيفة في شركاتهم .. بس المهم انك تكون شغال من بدري انهم يعرفوك عشان يعملوا ليك الحاجة دي.
عملية البحث عن وظيفة هي عملية مرهقة و صعبة نفسياً لكن محتاجة to work smarter not harder .. شخص واحد لاقيته في career fair و ونسته عن نفسك كم دقيقة و اخدت ايميله و رسلت ليهو و اضفته في لينكدان ممكن يفيدك أكتر من ٢٠ طلب وظيفة قدمت ليهم و اجتهدت شديد في تقديماتهم.
دا ما معناها توقف تقديمات، لأ. بس لازم تبدأ في البحث بطرق تانية و تبني الـ network دي و حتاخد وقت لحدي ما تجيب نتيجة.
بعض الاحصائيات العالمية عن موضوع الـ employee referral أو توصيات التوظيف من موظفين الشركة نفسها:
٨٢٪ من الشركات بتعتمد على ستراتيجية الـemployee referral و بعدها بتجي اعلان الوظائف في موقع الشركة ثم أخيراً الـcareer fairs
١٥٪ من الشركات دي عندها عوائد مادية أو غير مادية لتحفيز الموظفين انهم يعملوا good/fit referrals و بتوصل لقيمة ٢٥٠٠ دولار لكل شخص يتم تعيينه من خلال التوصية.
من خلال التوصيات الشركات بتوفر متوسط ٧٥٠٠ دولار في كل وظيفة عشان بياخدوا وقت اقل و resources اقل في توظيف شخص جاي بتوصية.
الشركات بتفضل التوصيات عشان الاحصائيات بتقول انه الشخص الجاي بي توصية بنسبة ٤٥٪ حيستمر في الشركة اكتر من ٤ سنوات و دي نسبة عالية و الشركات دائماً بتحاول تزيد نسبة الretention و انه الموظف يستمر معاهم عشان تكلفة توظيف موظف جديد عالية.
الزول اللي حاي بي توصية عنده ٣ أو ٤ أضعاف الفرصة انه يتم توظيفه من شخص مقدم من غير توصية.
ثلثين الأشخاص اللي بيشتغلوا بي توصية، بيساعدوا في توظيف ناس بي توصية برضو.
جاري تحميل الاقتراحات...