نصيحة من مجرب لكل طالب هندسية معمار سواء قلت تغترب بعد تتخرج فيدول الخليج او انك تبدا شغلك في السودان عليك بالآتي
اول شيء لازم تحترف ليك في برنامجين على الأقل واحد في ال2d والتاني في ال3d البرامج كتيرة شديد والاغلب بيستخدم الاتوكاد في ال2d ولكن دا كان زمان ⬇️
اول شيء لازم تحترف ليك في برنامجين على الأقل واحد في ال2d والتاني في ال3d البرامج كتيرة شديد والاغلب بيستخدم الاتوكاد في ال2d ولكن دا كان زمان ⬇️
حاليا انك على شان تسهل على نفسك تحول ال2d لي 3d عندك برامج كتيرة زي الارشكاد من نسخة 23وانت طالع وفي 3d max والريفيت وغيرها من البرامج وبرامج ال3d والرندرة كتار منها اللومين دا ابرزها واحسنها حاليا ومعاه الفوتوشوب كدا انت بتكون في السيف سايد ف الواحد يطور نفسو ⬇️
في الوقت الحالي اللي انت قاعد سواء جامعتك قافلة او مضربين او اي مصيبة زمان اشتغل على نفسك اليوتيوب مليان قنوات تعليم مجاني لي البرامج من الA-Z سواء عربي او انقليزي شوف البرنامج اللي مناسب معاك واتوكل فيه يا هندسة🤝🏽
.
حاليا بالنسبة ليك كمعماري في حال ما اتوفقت في وظيفة في شركة او مكتب هندسي الموضوع نهائيا ما يكون عائق بالنسبة ليك اشتغل واعرض اعمالك في النت في عدت مواقع إلكترونية اي بمعنى اشتغل ك freelancer وكدا شغلك بيكون راشي وممكن تشتغل خرط بي الدولار وانت قاعد في مكانك ⬇️
الحياة بعد التخرج ما صعبة زي ما انت او انتي متخيلة دا في حال انكم متقنين البرامج الهندسية وعندكم خيال خصب في التفكير والخروج بي افكار معمارية اعرض شغلك وقدم هنا وهناك وربنا بيكتب ليك النصيب السمح ان شاء الله🤝🏽❤
بالنسبة لي جربت قدمت ولمن مشيت لقيت انو بيشوفو مهاراتك قبل شهادتك
بالنسبة لي جربت قدمت ولمن مشيت لقيت انو بيشوفو مهاراتك قبل شهادتك
وأهم شيء الزمن دا تكون شخص عندك كفاءة عالية وسرعة في الشغل وقت التسليم لأن برضو في المشاريع الخارجية في ديدلاين😂 واهم شيء الإلتزام بي وقت التسليم خارج السودان الناس دي شغالة بي مواعيد خواجات حنك الجرجرة دي ما بينفع وبرضو خذ ليك كورسات في برامج الاوتوديسك الاساسية ⬇️
على شان تكون عندك شهادات وتديك أولوية عن غيرك لمن تجي تقدم لي الوظيفة ان شاء الله الناس ما تتخوف المعمار اصبح اسهل من اي وقت مضى والكل عندو الإمكانيات والكل ممكن يبدع حاولو اطلعو واكتشفو واعرفو معمارين وطلاب معمار من دول خارج السودان وشوفو الناس وصلت وين🤝🏽
جاري تحميل الاقتراحات...