رتبها

بما إن الـ Playoffs لتحديد الصاعد التالت للبريميرلييج قرب، فدي فرصة نتكلم عن قصة غريبة شوية في الزمن، وهي قصة نادي لوتون تاون.
نادي لوتون تاون احتل المركز السادس في ترتيب التشامبيونشيب وهيلعب ضد هادرسفيلد تالت الدوري لكن الفريق دا عمل معجزة.
ثريد أتمنى يعجبكم

في الوقت إللي بقى رقم 100 مليون يورو بقى بيتقال زي السلام عليكم في أخبار الانتقالات، عندنا فريق قرب من الصعود للبريميرلييج، والفريق دا صرف في آخر 3 سنين على قايمة الفريق رقم صادم.
لوتون تاون صرفوا على قايمة الفريق كلها مليون ونص باوند.. ايوة زي ما إنت قريت كدة 1.5 مليون باوند

مبدئيا بس عايزين نفهم نظام دوريات انجلترا، الدوري متقسم ل4 مراحل محترفة
Premier League الدوري الإنجليزي الممتاز
Championship دوري الدرجة التانية
League one دوري الدرجة التالتة
League two دوري الدرجة الرابعة
بعد كدة دوري الهواة إللي هو اسمه National League

في موسم 2013-2014 لوتون تاون كانوا في دوري الهواة وقدروا يحصدوا الدوري برصيد 101 نقطة وصعدوا لدوري الدرجة الرابعة.
بعد موسمين الفريق بيستمر في الدوري بصعوبة، الموسم التالت كان بنفس النظام لحد ما جالهم المدرب الويلزي ناثان چونز، وقدر يكسب 11 من 21 ماتش في موسم 2015-2016.

الفريق قدر يستمر في الدوري بعد ما كان في المركز الأخير ونهى الدوري في المركز ال11.
في موسم 2017-2018 قدر جونز يحقق المعجزة وينهي الدوري في المركز التاني عشان يصعد لدوري الدرجة التالتة League One كأقوى هجوم في الدوري.

وفي الموسم اللي وراه على طول 2018-2019 حصد لقب الدوري كأقوى هجوم في الدوري برضو، وصعد للChampionship ويبقى حديث إنجلترا بسبب ضعف إمكاناتهم وبسبب إن جونز سابهم في نص الموسم بس كملوا اللي هو بدأه لإنه راح ستوك سيتي وفريقه متصدر الدوري وكمل متصدر.

بعد سنة ونص وبالتحديد في مايو 2020 رجع تآني للوتون تاون وصرح إنه ندمان إنه ساب الفريق خصوصا إنه رجع على مهمة صعبة جدا، الفريق في المركز ال23 وهيهبط خلاص، جونز مسكهم 9 ماتشات خسر ماتش واحد بس واتعادل 4 وكسب 4 والفريق انهى الموسم في المركز ال19 برصيد 51 نقطة (الدوري 24 فريق).

موسم 2020-2021 الفريق خلص الدوري في المركز ال12 برصيد 62 نقطة ودي أعلى نقط وصلها الفريق في تاريخه.
أما الموسم دا انهوا الدوري في المركز السادس برصيد 75 نقطة ودا رقم تاريخي للفريق إللي اتأسس سنة 1885.
إدارة الفريق جددت عقد جونز لسنة 2027.

مين بقى ناثان جونز دا؟
هو مكنش لاعب معروف أصلا كان باك شمال في فرق إنجليزية مغمورة أشهرها برايتون ألبيون ويوفيل تاون، وبدأ مسيرته التدريبية مع شباب تشارلتون في 2012، بعدها في 2013 كان مساعد مدرب برايتون لحد ما مسك لوتون في 2016.

في سوق الانتقالات إللي فات اشتروا 16 لاعب بشكل مجاني وإعارات من فرق تانية، وباعوا 17 لاعب وصافي مصاريفهم كانت +450 ألف باوند يعني باعوا لاعب إسمه سلوجا لنادي لودوجوريتس لكن مشتروش أي لاعب بفلوس.

سوق الانتقالات اللي قبل إللي فات، اشتروا واستعاروا 21 لاعب وباعوا 17 بدون دفع أي مبلغ أو بيع أي لاعب، من ضمن اللاعيبة اللي كانت معاهم بنظام الإعارة هو كيرن داسبري هال نجم ليستر سيتي حاليا.

في سوق انتقالات 2019-2020، اشتروا سلوجا دا من كرواتيا ب1.5 مليون باوند واشتروا لاعب إسمه بيتر كيوشو ب 104 ألف باوند وباعوا في نفس الموسم جيمس جاستن لليستر سيتي ب6 مليون باوند، وباعوا جاك ستيسي ب4 مليون باوند واشتروا لاعيبة ب1.5 وبعد شرا 15 وبيع 18 لاعب الفريق طلع كسبان 8.5 مليون

بمعنى أصح اللي صرفه لوتون تاون آخر 3 سنين أقل من اللي صرفه أي نادي في الدوري المصري!!
وعشان تعرف قد إيه الرقم دا رهيب، هما صرفوا ع الفريق 1.5 مليون باوند.
فولهام المتصدر صرف على فريقه 158 مليون باوند.
بورنموث صرفوا 125 مليون باوند.
شيفيلد يونايتد صرفوا 101 مليون باوند.

نوتنجهام فورست صرفوا 36 مليون باوند.
لو صعدوا للبريميرلييج هتكون معجزة مش أقل من معجزة ليستر في 2016.
شكرا واسف ع الاطالة.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة