للمرة الألف والمليون والمليار، سبب نجاح بيب جوارديولا كان مش الفلوس، على الأقل كان مش بسبب الفلوس فقط، الراجل ده بينفرد وحيدًا في إختراع آليات لعب جديدة، أساليب جديدة كل موسم ومفيش مدرب عنده قدرة التفكير دي، إلخ..
ثريد بسيط وخفيف عن المبدع المظلوم، بيب جوارديولا.
ثريد بسيط وخفيف عن المبدع المظلوم، بيب جوارديولا.
الردود الجاهزة بعد كل موقف بيحصل لجوارديولا واحدة من أكتر الأمور العشوائية اللي شوفتها، نفس الناس اللي بيمدحوه طول الموسم هم نفس الناس اللي بيسنّوا سكاكينهم لما بيقع، دائمًا بقول إن إدارة المال أهم من المال نفسه.
مفيش شخص يقدر ينكر إن المال هو أهم عامل لنجاح أي منظومة، لكن مش كل المدربين ولا كل الإدارات هتعرف تدير المال ده صح، جوارديولا بيملك رفاهية هي الأعلى طبعًا، بل وإستخدمها غلط أحيانًا، لكن الناس دائمًا بتحاسبه بشكل منفرد شوية.
يعني الناس كلها بتتكلم عن صفقة جيرليتش وتوريس مثلًا، لكن هو ده العادي يا جماعه، لو فيه مدرب بيصيب طول كاريره بس ده معناه إنه مش بني آدم أصلًا!
مانشيستر يونايتد، باريس، يوفي، ميلان، وطبعًا برشلونة، 5 على سبيل المثال وليس الحصر، أندية من يوم بيب ما إتعين مدرب للسيتي، أقل نادي فيهم صرف 700 مليون واكتر، نادي صرف مليار جنيه استرليني و مفيش ولا نادي فيهم وصل للمرحلة دي من التنوع، تعالى اقولك ازاي.
جوارديولا عنده كمية كبيرة من اللاعبين اللي عندهم تعددية لأدوار كتير داخل الملعب، بشكل فريد من نوعه وغير مكرر بل ومحصلش قبل كده، اللاعبين دول كانوا قبله حاجة ومعاه حاجة تانية، بل وكان هو صاحب التأثير على إلغاء المركز وتبديله بالدور، اللاعب بينزل يأدي أدوار كتير.
ليرو ساني كان بيتكلم في 2019 وبيقول إن الناس مش هتفهم التفاصيل اللي بنمر بها مع جوارديولا، الراجل ده ممكن يتكلم مع لاعب مثلًا بنظم وتقنيات عالية على تحرك في space علشان يصنع مساحة بمجرد تحرك بدون كورة، دي تفاصيل لا يمكن تقييمها بنتائج ولقطات موسم في لعبة بيحكمها الارتجال.
وقتها بس بتعرف الراجل ده تقييمه ايه، تقييم بعيد تمامًا عن لقطة بـ90 دقيقة داخل مواسم كاملة من الاجتهاد والفِكر وإنشاء شيء خاص بيه، كأنه صاحب قلعة من الماس وسط ما الآخرين عندهم قلعة أفضلها من الذهب.
ليه مفيش نفس الهجوم على مدربين الاندية الخمسة بنفس المسطرة؟ مش صرفوا هم كمان؟
ليه مفيش نفس الهجوم على مدربين الاندية الخمسة بنفس المسطرة؟ مش صرفوا هم كمان؟
ليه دائمًا بيب جوارديولا اللي كل سنة لما بيخرج من الأبطال بتحصل فضيحة له؟ أكبر اعتراف إنه فنيًا رقم 1 في مجاله وبعيد جدًا عن أي إسم مدرب في اللعبة، ولو قيمنا الراجل بوجهة نظر الناس البسيطة، فأرقام وريكوردات الراجل محليًا في الدوري الانجليزي كافية برده.
عشان كده كلنا بنقوم نقف ونرفع القبعة ليورجن كلوب، لأنه منافس شرس له وبفلوس أقل، لكن بأفكار كمان أقل وعدم إحتياج للتطوير المستمر، العامل المشترك ما بين مانشستر سيتي و ليفربول هو حاجة مهمة جدًا في كرة القدم؛ الاستقرار.
ده العامل اللي مش متوفر في القطب الاخر لمدينة مانشستر، مانشستر يونايتد، مفيش استقرار على مدرب ولا صفقات مع فلوس على الارض، بل هو تاني أكتر نادي صرف بعد السيتي، صرفوا رقم يخض برده، ومفيش بطولة واحدة دخلت النادي غير اليوروباليج وكأس إنجلترا في 2017.
أصلًا كَم الاعجاز، إنه ينجح في دوري قائم على العامل البدني والمساحة والسرعة، والفكرة اللي الناس مش بيتفهموها دائمًا، إنه كان ممكن ينجح في الدوري والابطال أكتر بكتير من إنجازاته الحالية لو بدون هويته، لأن هويته أصعب بكتير في تطبيقها من تطوير اللاعب بدنيًا.
إتقال عليه مش هينجح في الدوري الانجليزي وقلبه الاسباني، وهو على وشك تحقيق 5 دوري انجليزي في كام نسخة؟ رد عليا؟ بس بيب جوارديولا ياعم الباك بيشتري لاعبين ناجحين أساسا!
السياق هنا بيفرق، أي شيء منزوع السياق بتقدر تلعب فيه وبتقدر تمنطقه، الاستناد هنا بيكون على الواقع بقى، اي لاعب في الدنيا مش موهوب لو المدرب بتاعه 10 من بيب جوارديولا مش هيتطور ولا يفهم اللعبة أكتر،
أي لاعب موهوب لو مع مدرب مش على قدر كبير من المعرفة مش هيتطور و الأمثلة كتير!
أي لاعب موهوب لو مع مدرب مش على قدر كبير من المعرفة مش هيتطور و الأمثلة كتير!
لو بيب جوارديولا إشترى لاعب مستوي موهبته 7/10، وأصبح مع بيب جوارديولا 9.5/10، فـ ده عشان سببين؛ اللاعب اصلا عنده إمكانيات، والمدرب طوره.. أرنولد مثلًا لو مش صاحب إمكانيات، كلوب مش هيعرف يعمل منه نسخة مرعبة، وعلى الرغم من كده بيب مظلوم في النقطة دي.
بيب مع فابيان ديلف، جاندوجان، زينتشينكو، آكي، توريس، خيسوس، قدر يصنع منهم لاعبين لهم قدم وساق، لأنه إتعامل مع تفكيرهم في اللعبة، مستواهم الفكري قبل الفني، ولما عامل بيشتغل فيهم بيبدأ الثاني يشتغل معاه دائمًا وفقًا للحركات العصبية اللي بتتنقل للحركات الجسدية.
هي معادلة من طرفين! لاعب موهوب، ومدرب يعرف يطور صح! بدون إنكار مجهود اي طرف فيهم، الهجوم على بيب جوارديولا من باب القلب مش العقل، وغالبا من ناس كانت بتشجع أندية غريمة له.
تعرف تعمل من ماجواير بني ادم ؟
تعرف تعمل من ماجواير بني ادم ؟
كل شخص حر، لكن في تقييمك لأي شخص، يا تقيم صح والسياق يكون أمام عينيك، يا تسكت! شكرا إنك وصلت لحد هنا ♥️
جاري تحميل الاقتراحات...