وكأن ريندوندو بُعث مرة جديدة في ملاعب كرة القدم.. وكأنه إيدجار ديفيز الجديد.
🌟 | ثريد عن الفتى الرائع إيدواردو كامافينجا..
🌟 | ثريد عن الفتى الرائع إيدواردو كامافينجا..
عادة لاعب الوسط بيظهر بمستوى عالي في المباريات المهمة لما ينضج، ولاعب الوسط بينضج بعد سن الـ 25 علشان بيكون فهمه للعبة مختلف، وبيبدأ يدرك أهمية مركزه وإن معركته (وسط الميدان)=90% من السيطرة على اللقاء، والفوز بشكل عام..
نسبة الخطأ المفروض تكون أقل في وسط الملعب عن الهجوم مثلًا..
نسبة الخطأ المفروض تكون أقل في وسط الملعب عن الهجوم مثلًا..
كامافينجا لاعب وسط متكامل من الناحية الفنية والبدنية، يمكن حتى من الناحية البدنية هي الشيء الظاهر أكتر لكونه لاعيب سريع وقوي في الالتحامات وقاطع كرات ممتاز ، فـ الناس بتبدأ تتغافل عن قد ايه هو لاعيب كرة ممتاز ، مُسدد ومُمرر رائع، وذكي في تحركاته في الملعب بشكل مبهر..
كامافينجا لما تتفرج عليه وتشوف قراراته وشجاعته في الملعب وهو في سن صغير كده، مستحيل تقول إنه لاعب غير متمرس وبقاله سنين في الملاعب، بعيدًا عن اللقطات الفنية لأن فيه لاعيبة كتير حريفة، أقصد التصرّف اللي بيفرق بين اللاعب الصغير والواعد، وبين اللاعب الكبير اللي عنده خبرات..
نيجي للكلام عن كامافينجا فنيًا، عادة اللاعب الحريف مش بيكون سريع، ولو كان سريع فـ بنسبة كبيرة بيكون مكانه الخط الهجومي سواء جناح أو صانع لعب، لكن نادرًا لما تلاقي لاعب 6 أو 8 بيجمع بين السرعة والمهارة في وقت واحد، عملة نادرة في كرة القدم زي فيرناندو ريندوندو وإيدجار ديفيز مثلا..
كامافينجا لاعب سريع بشكل مبهر، مش سريع في المسافات الطويلة مثلًا، لا هو بيبدأ السبرنت بسرعة مبهرة، لدرجة ان الخصم ممكن يرفع الراية البيضة مجرد ما كامافينجا يبدأ جري ، زي ما حصل ضد مانشستر سيتي مثلاً..
كامافينجا كذلك ذكي في استغلاله سرعته ومجهوده، مش بيقعد يجري عشان يسجل 15 كيلو جري في كل مباراة مثلًا، هو بيعرف امتي يضرب سبرنت وامتى يتمشى في الملعب عشان يقفل زاوية تمرير، امتى يجري بأقصى سرعة عشان يعمل ضغط عكسي على الخصم ويسترجع كرة في مكان صعب..
عمومًا السرعة مش دايمًا هي الشيء المبهر، والانطلاق بسرعة كبيرة هو الشيء الأهم بالنسبة لي، زي هازارد مثلا كان بيمتاز بسرعة ابتدائيةتخليه يتجاوز أي خصم بسهولة كبيرة..
كامافينجا كده، سرعته مخيفة، وفوق كده تحكمه بالكرة مرعب لانه من النوع اللي بيخلي الكرة قريبة من رجله على طول..
كامافينجا كده، سرعته مخيفة، وفوق كده تحكمه بالكرة مرعب لانه من النوع اللي بيخلي الكرة قريبة من رجله على طول..
كامافينجا ممكن توصفه بإنه ماكينة قطع كرات، بيقطع الكرة بكل الطرق وبكل الوضعيات الصعبة والسهلة، معدلات قطع كامافينجا للكرات تخليه يتم وصفه بأنه ديستروير صريح تمامًا، زي كاسيميرو بالظبط
كامافينجا دبابة، دبابة في الملعب
كامافينجا دبابة، دبابة في الملعب
بعض احصائيات كامافينجا (ركز على الأرقام الدفاعية مثلًا) .. شيء مبهر، لاعب ممكن لو اديته أدوار دفاعية بحتة هيكون من الأفضل في العالم..
كامافينجا من اللاعيبة الممتازة في اللعب بظهرهم للملعب سواء للخروج من الضغط او محاولة الاستحواذ على الكرة ..
بخلاف كده، كامافينجا من اللاعيبة المجتهدة بدون الكرة جدًا
بخلاف كده، كامافينجا من اللاعيبة المجتهدة بدون الكرة جدًا
طول الوقت بيفتح زوايا التمرير لزملاءه في الملعب ، مثلا هدف ريال مدريد الثالث بدأ بسبب تمركز كامافينجا الرائع واستلامه الكرة في مساحة اولا .. ثانيا بسبب سرعته الجبارة
تمركز كامافينجا بدون كرة وشجاعته في الاستلام بدون الخطوط شيء ظهر بدري على اللاعب حتى وهو عنده 16 سنة
والأهم من كل ده فعلا هو انه دايما خيار تمرير لزملاءه، ولو صعب يتمرر له ، بيتصرف بذكاء ويسحب لاعب للخصم معاه ويفرغ مساحة لزميله
والأهم من كل ده فعلا هو انه دايما خيار تمرير لزملاءه، ولو صعب يتمرر له ، بيتصرف بذكاء ويسحب لاعب للخصم معاه ويفرغ مساحة لزميله
مجهود كامافينجا البدني شيء مذهل، بيحرث الملعب زي ما الكتاب بيقول.. وفوق كده زيادة كاما في المنطقة حل رائع، بالبلدي كده لاعب غشيم، ماعندوش مشكلة يحط راسه قدام رجل المدافعين عشان يسجل ، معندوش مشكلة يعمل أشياء تعرّضه للاصابة عشان يسجل، وبيسجل، وبيخرج سليم.
أعتقد الحديث عن قوة كامافينجا وإمكانياته البدنية شيء مبتذل خلاص، أي شخص اتفرج على اللاعب هيكون انطباعه الأول ان ده كاسيميرو جديد بس بيعرف يلعب كرة أفضل ألف مرة ، وأسرع ألف مرة .. التحامات أرضية وهوائية وكل شيء، كامافينجا لاعب عنده كل المقومات البدنية الهائلة.
محراث حقيقي..
محراث حقيقي..
تعامل كامافينجا مع الضغط للأمانة شيء مذهل، كامافينجا لوهلة هتحس انه عكس بيدري مثلا، انطباعك الاول عن كامافينجا انه لاعب بيستغل قدرته على الدريبلينج وسرعته وشكرًا على كده، بالرغم انه شبه بيدري جدًا في نقطة التعامل مع الضغط ..
والتعامل مع الضغط واستلامك مابينك الخطوط ده شيء بيوفر الكتير من المجهود والوقت على فريقك، وبينقلك بشكل أسرع لنصف ملعب الخصم
كامافينجا أيضًا لاعب رجله تقيلة أوي بالنسبة لسنه، مُسدد ممتاز وعنده حلول كتير لما يقرّب من منطقة جزاء الخصم، سواء تمريراته دقيقة عالية وتمريراته بينيّة ممتازة، ولو قفلت عليه زوايا التمرير هيقدر يخلق لنفسه بمهاراته زاوية تسديد ويسدد منها ..
هدف رائع من كامافينجا
تمريرات كامافينجا أيضًا شيء رائع، بري-أسيست هدف ريال مدريد إمبارح مثال
والأسيست ده مثال رائع لتمريراته
والأسيست ده مثال رائع لتمريراته
أسيست كامافينجا الرائع بكل هدوء في دوري الأبطال..
لاعب الوسط اللي عنده حلول فردية وبيقدر يراوغ واحد ضد واحد سواء للخروج من الضغط في مناطقه أو بناء اللعب بشكل عام ، أو استغلال مهارته لصناعة اللعب في تلت ملعب الخصم ، بيوفّر الكتير وبيكون ورقة رابحة وحيطة يستند عليها زملاءه ومدربه ..
كامافينجا من النوع ده، لاعب رائع في المرواغات
كامافينجا من النوع ده، لاعب رائع في المرواغات
مجهود دفاعي رائع، تمريراته ممتازة، مهارات فردية رائعة .. لاعب رائع سابق لسنّه بمراحل..
عمومًا كامافينجا أنا بشوف انه خليط بين ريندوندو وإيدجر ديفيز ، هو مش أحسن منهم ولا زيهم وممكن ميوصلش لمرحلتهم في يوم من الأيام ، لكن أنا بتكلم عن تشابهه معهم في خصائص كتير .. سواء خصائص بدنية ودفاعية عن ديفيز ، أو خصائص فنية بالكرة وسرعة مثل ريندوندو .. جوهرة جديدة في الملاعب..
Some of fernando redondo.. كامافينجا الأبيض
كامافينجا ضد باريس وهو 16 سنة ..
كامافينجا لما نزل غيّر اللقاء ضد باريس مع ريال مدريد في دوري الأبطال الموسم الحالي .. 18 سنة
لو وصلت لهنا ممكن تقرأ باقي الثريدات اللي كتبتها في الـ Moment دي.. وشكرًا 👼❤️
جاري تحميل الاقتراحات...