@momen_AF بشكل عام الإسلاميين بحكم أنهم أبناء القطاع الحديث المتعلم، فالمخيال الاتشكلت جواو أفكارهم -اللي كانت بشكل كبير ردود أفعال- كان مخيال المثقفين الحديثين واللي كانت تصوراتهم عن العالم والتغيير بتدور حول قصة الثقافة والحرية والانفتاح والفكر وكده، من زمن مفكري النهضة الأفغاني ومحمد

@momen_AF عبده كانوا أقرب لي صدى إسلامي لي تنظيرات فلاسفة النهضة الأوروبيين ناس روسو وفولتير واللي حاولوا يصوروا التحولات الحصلت في الحضارة الغربية كتحولات ثقافية وفكرية أدت لي تجاوز الكنيسة والاستبداد (واللي في رأيي كلام فارغ، القصة اقتصاد سياسي بالأساس والباقي هتوش).
والاتجاه ده مهيمن

@momen_AF على نمط تفكير الإسلاميين لحدي أسي، وبقا ياخد تنويعات جديدة مع إسلام السوق مثلا.
بعدين حتى تصورهم للشريعة حصل ليو خلل شديد، في لقاء في تأسيس مع أسامة غاوجي ومصطفى عبدالظاهر كان ناقشوا جزو من كلامك ده، قصة أنه الشريعة كتمظهر في التاريخ الإسلامي انطوت على بنية اقتصادية واجتماعية

@momen_AF حاملة ليها، مثلا كيف كانت مؤسسة الوقف قوية وكانت بتعمل على تحييد العلم الشرعي والنشاط بتاع المجتمع من تأثيرات السلطة السياسية، وعليه كيف حافظت على قيمه ما بس كمُثُل ذهنية -زي في خطابات الإسلاميين- لكن كمثل فاعلة في الواطة على شكل مشاريع وكده.

@momen_AF عموما الحديث ذو شجون والله، لمن نتقابل ذكرني نتونس فيو.
لكن مؤخرًا كنت بفكر كتير عديل في أشكال مقاربات الإسلاميين للواقع وبحاول أقارنها بأدوار مشابهة في التاريخ الإسلامي، خاصة وسط المؤسسة الشرعية والعلماء، فبس كنت طلعت بخلاصات كتيرة لكن ما ناقشتها كتير لسة