رسالة من جَدّ إلى عياله وأحفاده
موجب خطي السلام عليكم والنشده عن حالكم جعل حالكم دايم زينه والله الله ياعيالي بطاعة ربكم ثم والديكم وأهلكم وقضيان لزومهم وخدمتهم وتعلموا منهم المراجل والعلوم الغانمة الزينة تراها هي رأس المال
ودي أسولف عليكم بعلومي في الغربة من طلعت منكم لين وصلت
موجب خطي السلام عليكم والنشده عن حالكم جعل حالكم دايم زينه والله الله ياعيالي بطاعة ربكم ثم والديكم وأهلكم وقضيان لزومهم وخدمتهم وتعلموا منهم المراجل والعلوم الغانمة الزينة تراها هي رأس المال
ودي أسولف عليكم بعلومي في الغربة من طلعت منكم لين وصلت
يوم انقطع عنا المطر والسيل كمّن سنه الله لايعاقبنا بسبب ذنوبنا كملت القلبان وقلت الزرايع وثمرة النخيل وانعدم العشب من العطش الله لايبلانا لحقنا القلّ في دُوبتنا والمعيشه والجوع وهزل الدبش من الجوع وقل العلف صار مالنا إلا نتغرّب نترزق الله لأهلنا وفي يوم من الأيام عزمت على المطراش
ودعت أهلي وخت ماتيسر من زهاب تميرة وشوي طحين وبقشة لفيت فيها هديماتي وشميغي وتوكلت على الله خاويت بعض الجماميل الي حادرين بعد يترزقون الله ويوم طلعت من دروازة الديرة التفت عليها وقلت مع السلامه يا أهلي وجماعتي وديرتي الي حبهم ساطي في قلبي ودمعت عيني وقلت مع السلامه يالتمر والقدوع
والعود الأزرق واللحم
على دواهة منول يوم الخير قبل سنين الدهر الي جلّتنا من ديارنا ومشينا على رجلينا ونقيل ثمن نسري ثمن نمرح ثمن نسرح ونشوف خلق ربنا للكون جبال ورميل وسهول وشعبان وسبحان الخالق عجايب وفي الليل نشوف السماء والنجوم تلالا نفرح اذا لقينا مارد قليب أوحسو أودحل نقيم عليه
على دواهة منول يوم الخير قبل سنين الدهر الي جلّتنا من ديارنا ومشينا على رجلينا ونقيل ثمن نسري ثمن نمرح ثمن نسرح ونشوف خلق ربنا للكون جبال ورميل وسهول وشعبان وسبحان الخالق عجايب وفي الليل نشوف السماء والنجوم تلالا نفرح اذا لقينا مارد قليب أوحسو أودحل نقيم عليه
يوم نعين من الله خير نشرب وتشرب الرحايل ونروي منه صملاننا وقربنا ثمن نمشي وعلى هاالسوات الين وصلنا عقب عشرين يوم وننصا بعض الجماعه إلي سابقينا في هاالديره تالفين العافيه من المشي والسهر والغثا والجوع والتعوب رجلينا تصب دم من طول المشي حافين واطيح عندهم يومين نايم مدري وين أنا فيه
ويحطون لي كرمه طبيخ وش زينه يسمونه رز وينادون بعض الجماعه جزاهم الله خير وأعين من الله خير وتفتح عيوني وانشط وثالث يوم رزقني ربي معزب حبيب ونشبت عنده اشتغل كل يوم بريالين نعمه مع الجازه ونشبع تمر وترد علي حالي وأعين من الله خير ويزيد كروتي عقب أشهر صار يعطيني ثلاثة أريل كل يوم
وصرت اروح لأهلي مقيضيات ولقيت في هالديره نخيل حانة رانة وعيوش وماء يجري يسمونه نهر داوي يمشي ليل ونهار وعيشة راهية ونعمن متنخطله من كل رنق بس إلى جاء الليل كثرت علي الهواجيس بأهلي والديره وأحلم بهم دايم ويازين الوطن وياحلوه ولوجفاك ماتعرف حقه وغلاه إلا اذا تغربت عنه ياشين الغربة
ويازين صفة شيابنا في المجابيب والسوق والعاير وحميّان وسوالفهم وسرحة غنهم وتهضيلها وسوانيهم وصبة غروبها وياملح كل شيئ فيها ويوم الله رزقهم السيل ونسند لديرتنا عجلين فرحين يوم ارجعت الديره وربحت من روحتي زود علوم رجال ومعرفة ديار وفوايد في الحياة وعرفت أشياء مانعرفها وماكانت عندنا
الثمره إن السفر ومخالط الناس فيه مصلحه اشكروا الله ياعيالي على هالنعم التي ماتحصى الله مايحوجكم مثلنا
والله يتعوبن تعبناها إنها تشيّب بالرأس ولاتسرفون في الترف وتبذير النعم واحرصوا ربّوّا أخوانكم وعيالكم على الديّن والعلوم الغانمه ودورة العيشة وفعل السبب كدوا عافيتكم وترزقوا الله
والله يتعوبن تعبناها إنها تشيّب بالرأس ولاتسرفون في الترف وتبذير النعم واحرصوا ربّوّا أخوانكم وعيالكم على الديّن والعلوم الغانمه ودورة العيشة وفعل السبب كدوا عافيتكم وترزقوا الله
وخلوكم سنعين وشقرديه ونشاما وقروم وأهل مراجل وعلوم غانمه
واتركوا عنكم الفساله والخبال والعجز ومصاحب النذلين الفسلين
صيروا نشاما وأهل طاعة لله وفزعة ومرجله ونوماس وعلوم رجال وخدمة بلدكم الله يحفظه ومعازيبه ويوفقهم للخير
وأنتم سالمين وغانمين والسلام
سلموا لي على الكبير والصغير كلكم
واتركوا عنكم الفساله والخبال والعجز ومصاحب النذلين الفسلين
صيروا نشاما وأهل طاعة لله وفزعة ومرجله ونوماس وعلوم رجال وخدمة بلدكم الله يحفظه ومعازيبه ويوفقهم للخير
وأنتم سالمين وغانمين والسلام
سلموا لي على الكبير والصغير كلكم
جاري تحميل الاقتراحات...