التضخم الأمريكي حتى اللحظة وصل ٨.٥ و الإجراءات القاسية اللي هيتبعها الفيدرالي في السياسة النقدية القادمة ، ربما تخفض ارقام التضخم لوقت قليل، لكن مش هتقضي علي التضخم ، لان التضخم الحالي تضخم سلعي ، بمعني ارتفاع أسعار السلع بسبب نقصها مش بسبب توافر فلوس كتيرة في السوق كما هو معتاد
لذلك حل مشكلة التضخم مش في سياسة نقدية عنيفة ، تلم ما تم طبعه و تداوله من دولار في السوق ، لكن لازم تبقي بزيادة الإنتاج لتخفيض أسعار السلع ، و طبعا مصنع العالم ( الصين ) عندها اغلاق بسبب كورونا ( مشيها كورونا) الأمر اللي تسبب في قلة الإنتاج عالميا و طبعا تعطل سلاسل التوريد
اللي بتمثل النسبة الأكبر في ارتفاع الأسعار عالميا ، لان حتي لو المعروض من السلع كافي لخفض سعرها الا أن غلاء أسعار الشحن و تعطل حركة سلاسل التوريد ، بيتسبب في رفع الأسعار ، طبعا حجة كورونا اللى بتستخدمها الصين دلوقتي لها اكثر من سبب ، منها الضغط على الاقتصاد العالمي
منها عدم الدخول في صدام عالمي بسبب العقوبات الاقتصادية علي روسيا و الصين افضل لها انها تاخد الغاز و النفط الروسي بأسعار قليلة إلا أن ده هيدخلها في صدام مباشر مع الغرب اللي بالأساس الاقتصاد الصيني قائم عليه و ميقدرش بشكل أو بآخر يخرج براه أو يقف ضده و الا الصين تكون أعلنت
الحرب علي الغرب و تبعات ده عليها كارثية أضعاف أضعاف اللي بيحصل مع روسيا ، و ده له أسباب أهمها أن النمو الاقتصادي الصيني و توحشها الاقتصاد ما كان ليحدث إلا بسبب اتفاقية التجارة الدولية و الدخول تحت الاقتصاد العالمي اللي بيدار من الغرب ، لذلك الصين قررت تلعب لعبة كورونا تاني
لتفادي الصدام مع الغرب و كذلك الضغط علي الاقتصاد العالمي، لحد ما رؤية الحرب مع روسيا تظهر بشكل اوضح من كدة و كذلك آثارها ، طبعا دي خطوة انتحارية من الصين أنها تعمل كدة و تأثر علي شعبها و تسبب في موجات فقر و جوع ، إلا أن دي طبيعة النظام الشمولية الديكتاتورية ،
نرجع تاني لفكرة ازاي امريكا هتسيطر علي التضخم الحالي و هنا ارجع اقول السيطرة مؤقتة لحين تجاوز انتخابات التجديد النصفي للكونجرس، ثم تعود ارقام التضخم اكبر أو ربما أقل بنسبة بسيطة ، لكن لن تنتهي ابدا ، هنا امريكا بتضغط علي العالم كله برفع أسعار الفائدة على الدولار
و بتدمر اقتصاديات كتيرة جدا ، و أولها الأسواق الناشئة زي تركيا و مصر و البرازيل الخ ، و منها اقتصاد منطقة اليورو و الاقتصاد الآسيوي .. الخ ، و الهدف إعادة هيكلة النظام المالي و الاقتصاد العالمي مرة أخري بما يضمن لها انفراد تام بالقرار الاقتصاد و تباعا له السياسي العالمي
اللعبة خطرة و نهايتها هتقلب علي الكل بما فيهم امريكا ذاتها ، لكنها لعبة طويلة شوية و طويلة دي مش ١٠ سنين يعني ، لان دي ربما أقل من سنتين بالكتير بس انا قولت طويلة علشان أوضح انها مش بكرة الصبح ،
عموما اللي بيحصل هو إعادة هيكلة النظام العالمي و انتاج واحد اشرس الف مرة من الحالى
عموما اللي بيحصل هو إعادة هيكلة النظام العالمي و انتاج واحد اشرس الف مرة من الحالى
جاري تحميل الاقتراحات...