ثورة المصريين البشموريين الأولى ❤
( وكانت كورة «مِصر» قد هلك أهلها من الظلم والخسائر والخراج ).. دا النص اللي ذكر في المخطوطه ٢٨٧ (تاريخ كنسي) والمحفوظة ف المكتبة الأهليه بباريس عن آخر فترة في عهد الامويين من بداية حكم الخليفة هشام بن عبد الملك وصولا للخليفة مروان بن محمد 👇
( وكانت كورة «مِصر» قد هلك أهلها من الظلم والخسائر والخراج ).. دا النص اللي ذكر في المخطوطه ٢٨٧ (تاريخ كنسي) والمحفوظة ف المكتبة الأهليه بباريس عن آخر فترة في عهد الامويين من بداية حكم الخليفة هشام بن عبد الملك وصولا للخليفة مروان بن محمد 👇
و دا لما ساد الظلم وزادت الضرايب والجزية وطلب الخراج ووحشية الجباة في التعامل مع المصريين للحد اللي مقدروش يستحملوه ..كانت الخلافه الأموية ف الفترة دي بتحتضر وهرب الخليفه مروان لمصر من بني العباس فأصطدم بثورة المصريين اللي ابتدت ف الصعيد ولكنه قدر ع اخمادها ف اول الأمر ..👇
الا ان بشمور كانت ليها رأي تاني .. و بشمور ( البراري ) وهي المنطقة الواقعة بين فرع دمياط والبرلس ف شمال دلتا مصر منطقة ثورات قديمة
وفيها اعتصم الاف المصريين سنة ١٧٢ م وثاروا ع الرومان وكادوا وقتها يسيطروا ع اسكندرية نفسها لولا تدخل الجيش الروماني للقضاء ع الثورة ..👇
وفيها اعتصم الاف المصريين سنة ١٧٢ م وثاروا ع الرومان وكادوا وقتها يسيطروا ع اسكندرية نفسها لولا تدخل الجيش الروماني للقضاء ع الثورة ..👇
والبشموريين هم مصريين أغلبهم مسيحيين من اللي اشتغلوا ف مهنة صناعة ورق البردي اللي كان اغلب العالم بيستخدمه ف الوقت دا لنقل وتسجيل علومه لما اشتد وضاق بيهم الحال من زيادة ضرايب وجزية ومعاملة وحشية قاموا بأول جزء من أهم وأعظم ملحمة وطنية بطولية في تاريخ بلادهم وهي 👇
ثورة البشموريين الأولى ٧٤٩ م بقيادة اتنين من عظماء التاريخ القبطي اللي مخدوش ولا هياخدوا اي نصيب من المعرفه بيهم حتي للعوام وهما يؤانس السمنودي ودا اللي كان بيقود الجيش القبطي المسلح المنظم واللي قدر يهزم جيش والي مصر الأموي حوثرة بن سهيل مرتين متتاليتين ف اماكن مختلفه ف الدلتا👇
والتاني هو الشاب المصري الشجاع مينا بن بقيرة( باكير بالقبطي) واللي اتخذ من حرب العصابات ضد جيوش الامويين السبيل والطريقه لهزيمتهم واللي يقال انه كان موظف دولة ف الأول لكنه لما شاف الاستبداد والظلم ضد أهله قادهم للثورة والامتناع عن دفع جزية وخراج وضرايب لمحتل غاشم ..👇
بطولات يؤانس جننت مروان واللي استمال احد الخونة لمعرفة مكانه وهاجمه وهو نايم وقتله غدر وضرب بالبوق اعلانا بالنصر ولما جنوده اتفاجئوا باللي حصل فضلوا يدافعوا عن أرضهم لأخر نفس جندي فيهم ..أما مينا فألحق بيهم خساير مهوله وكان بيعرف يهاجمهم امتى ويختفي هو ومناصريه امتى خصوصا ان 👇
العرب مكنوش بيعرفوا يحاربوا في طبيعة الأرض الوحلة ومستنقعات الدلتا.. وهنا مكانش قدام الخليفه الا انه يسجن البطريرك خائيل ويتفنن ف تعذيبه دا غير انه نزل اسكندريه وقتل منها مئات الناس واستولى ع املاكهم لاثارة الرعب وعلشان يثير غضب الناس ع البشموريين بما إنهم السبب ..أجبر مروان 👇
البابا انه يكتب لمينا بن بقيرة علشان يثنيه عن افعاله واللي كانت سبب في اللي وصل ليه كل أهل مصر الا ان مينا لما شاف الرساله زادت من حماسته ومهتمش لكتابات البابا وفضل ف حربه ضد الأمويين اللي انتهت الحرب بينهم بموت مينا المصري الشجاع ف نهاية المطاف في معركة من المعارك و بدخول 👇
العباسيين مصر والقضاء ع اخر خلفاء بني أمية خصوصا ان البشموريين ومسلمي مصر من العرب والقبط كانوا سبب مباشر ف انهاء الحكم الأموي في مصر لما ساعدوهم في مقابل اتفاق بمقتضاه تخفيف الضرايب والجزيه عن المصريين عموما واللي نفذه العباسيين ف اول حكمهم وبعد كدا رجعت الامور أسوأ مما كانت 👇
عليه واللي كانت الشراره لقيام الجزء التاني من ثورة البشامرة وهي الثورة التانيه والأكبر ودي ليها ثريد خاص علشان تبقى ثورات البشموريين هي أطول سلسلة ثورات مصرية إمتدت لقرابة القرن من الزمن 💪❤ . 👇
المراجع :
١_هوامش الفتح العربي لمصر _ د سناء المصري .
٢_ ثورات المصريين _ د عبد العزيز جمال الدين .
٣_سلسلة مقالات بجريدة المصري اليوم لنيافة الانبا ارميا الأسقف العام ورئيس المركز الثقافي القبطي .
١_هوامش الفتح العربي لمصر _ د سناء المصري .
٢_ ثورات المصريين _ د عبد العزيز جمال الدين .
٣_سلسلة مقالات بجريدة المصري اليوم لنيافة الانبا ارميا الأسقف العام ورئيس المركز الثقافي القبطي .
جاري تحميل الاقتراحات...