تحجزين رحلة طيران في أمان الله ويكلفك الذهاب فقط إلى وجهه داخلية إلى جدة مايقارب الألف ريال، توصلين على وقتك يفاجئك موظف الشحن ويقولك عزيزتي مالك مقعد على هذه الرحلة 😂😂!! بس إنتي دافعه وحجزك مؤكد!!! ونفس الموظف ماساعدني أو تعب نفسه أني اطلع على نفس رحلتي... @Saudi_Airlines
ضيّع وقتي إلى ان طارت علي الرحلة وأنا واقفه أستناه يلاقي مقعدي الي أنا دافعه حقه على رحلة الساعة ٨ مساء، بعدها قال بحطك على رحلة الساعة ١٠ تأخير ساعتين،بعد أخذ ورد حطني على رحلة الساعة ٩:٣٠ على أساس مايضيع علي باقي اليوم واتفاجئ أن الرحلة الي طلعتها اقلعت الساعة10 @Saudi_Airlines
تحسبون أنتهت المسخرة 😂؟ لا للأسف الآن راح تبدأ المسخرة الحقيقية، وصلت لمطار جدة حوالي الساعة ١٢، رحت استلم شنطتي من سير العفش ويمشي الوقت ساعتين كاملة انتظر الشنطة وادور عليها في السيور الثانية، استوعبت ان فيه شيء مو تمام قاعد يصير أنا ومعاي كم شخص.... @Saudi_Airlines @ksagaca
بعد البحث والتحري يبلغوني الموظفين الي شايفينا واقفين ساعتين واكثر نستنى شنط غير موجودة من الأساس، أن الشنط حقتنا تايهه وماهي موجودة على نفس رحلتنا ولازالت عالقة في الدمام!! دون إعطائنا أي تفاصيل متى راح توصل على أي رحلة أو أي وقت! @Saudi_Airlines @ksagaca
كل الي عملوه معنا موظفين خدمة عملاء الأمتعة رفعوا لنا بلاغ!! وعطونا أرقام مافيه أي شخص يرد عليها سواءً رقم الخطوط نفسه أو رقم خدمة علاقات الضيوف!! استهتار لا يوصف اليوم اتصلت وانلطعت على الخط اكثر من نصف ساعة يوم رد الموظف قال بحولك على المسؤول وقفل بوجهي 😂 @Saudi_Airlines
قضيت يوم الخميس كامل في المطار مابين انتظار ٣ رحلات عشان اوصل الى وجهتي وبعدها كملت الإنتظار الى الفجر في البحث عن شنطتي المفقودة الي لا املك عنها أي معلومة حتى الآن لم يتواصل معاي أي موظف ولم يتم الرد من قبل أي جههة لها صلة بالموضوع! @Saudi_Airlines
لايوجد تعويض حتى الآن عن الرحلة الي وصلت على وقتها وبلغني الموظف بعدم وجود مقعد لي عليها ولا عن ساعتين الإنتظار ولا عن جلوسي يوم كامل بدون شنطة وبدون أغراضي الشخصية وحتى أدويتي الموجودة بداخلها عادي جداً أنه العيد قريب وانا شنطتي الي فيها كل متعلقاتي الشخصية ضايعه @Saudi_Airlines
أسعار رحلات داخلية فلكية روحه ورجعه تكلف حول ٢٠٠٠ ريال على خدمات سيئة جداً، مُخجل جداً ويضايق أني ألجأ إلى منصة تويتر عشان أقدر أتواصل مع مشغل الطيران الرسمي في السعودية وأخذ حقي، يا إما أن تكون خدماتكم على قدر أسعاركم المرتفعة أو أن تتخفض أسعاركم حتى تصل إلى مستوى خدماتكم الآن.
للأسف أني الآن جدياً بدأت التفكير في الحجز على أي شركة طيران خليجية أخرى عن طريق دولة البحرين بحكم قربها من المنطقة الشرقية مكان سكني، للوصول إلى أي وجهة داخلية داخل بلدي أسعار مقاربة أو حتى افضل وخدمات أرقى 😊.
عندي تكملة طريفة للسالفة، بعد ماركبنا طيارة الساعة ١٠، الكابتن قعد يعتذر لنا عن رحلة الساعة ٨ ويقولنا عادي صرتوا مسافرين في آخر الليل في أيام فضيلة ان شاء الله دعائكم يكون مقبول اكثر 😂😂😂؟ أنا من يوم الخميس أدور أداة ربط أربط فيها السالفتين ببعض ولا لقيت 🤣!!
جاري تحميل الاقتراحات...