بالنسبة لي دي واحدة من أفضل المباريات اللي شوفتها لجوارديولا في كاريره كله كمدرب، مش بس مع مانشستر سيتي،
وبشوف إنه كان game مثالي منه بكل معاني الكلمة كمدرب متحكم في مراحل اللعب واللي بيحصل في الملعب عمومًا،
ثريد دسم وغني عن بيب، آنشيلوتي، جيم سيتي-مدريد...
وبشوف إنه كان game مثالي منه بكل معاني الكلمة كمدرب متحكم في مراحل اللعب واللي بيحصل في الملعب عمومًا،
ثريد دسم وغني عن بيب، آنشيلوتي، جيم سيتي-مدريد...
ليه بوصف الماتش ده بـ"المثالي" من جوارديولا؟ لأن مفيش حاجة هو حب يعملها من قبل الماتش ما يبدأ في ريال مدريد ولم تحدث، وعلى كافة الأصعدة، وكلامي هنا مش بس عن التفوق بل فرض أسلوبه اللي كان نازل يطبقه في كل مراحل اللعب،
يعني جوارديولا كان نازل وعارف إن آنشيلوتي هيلعب بكروس مش بكامافينجا في غياب كاسيميرو، وكان عارف إن آنشيلوتي هيرفع دفاعه 10 متر للأمام علشان كروس يكون على يمينه وشماله وخلفه تغطية مباشرة وسريعة ويقدر يكون in field بنفسه، يعني يعمّق خطواته في الملعب أكتر جهة السيتي وينظم اللعب،
ده عكس اللي مودريتش هيعمله بالأريحية اللي كروس أعطاها له دي من وجهة نظر آنشيلوتي، وهي إنه يكون عنده أريحية إنه يطوّر اللعب مش ينظمه، يكون out field ويستغل ريال مدريد إمكانيات مودريتش أكتر فرديًا ضد دفاع السيتي،
جوارديولا نزل بتشكيلة معتادة، لكن التعامل مع مراحل اللعب منه كان مش معتاد، لأنه لعب بكيفين دي بروين كلاعب ball carrier وقت تدرج الكورة، بيحمل الكورة بنفسه لمناطق بعيده عن نصف ملعبه وزملاؤه يكونوا زوايا تمرير، مش كلاعب بيمرر وبعد كده يدخل بين الخطوط علشان يصنع فوضى في تمركز الخصم،
ده كان هدفه هو هدم الفكرة اللي كانت عند آنشيلوتي، إنه يبدأ يسحب أكبر عدد من لاعبي ريال مدريد ناحيته، تحديدًا ميليتاو وكارفخال، ويوسّع المربع الكبير اللي فيه كروس لوحده، علشان يجبر فالفيردي يتدخل، وبالتالي ريال مدريد يخسر لاعب في نصف ملعب السيتي إجبارًا،
وقتها بيرجع بيب لأسلوبه المعتاد بعد ما يدخل دي بروين من اليسار للعمق، وهو توسيع الملعب الإعتيادي من محرز وفودين واللي بيفيد في التفوق النوعي والعددي على كروس وفالفيردي والدفاع، علشان أكبر عدد بقى يدخل في المساحة العمودية في zone 14 في عمق دفاع مدريد، بإتنين و 3 لاعبين من السيتي،
وعلشان كده التحولات الهجومية كانت سريعة للسيتي، وبحِدة أكبر، وقطع الكورة كان أسهل والسيتي بيرتد كتير، وبالتالي تم التفوق النوعي ككواليتي أفراد للسيتي أفضل ضد دفاع ضعيف، تفوق عددي بخلق وضعية 4 أو 5 من السيتي ضد 3 من مدريد.
عايز أقول نقطة أخيرة هنا قبل ما أدخل في زاوية تانية، وهي عن برناردو وفودين، برناردو تحديدًا، في موسم 2019، موسم هيمنة بيب جوارديولا مع السيتي على الدوري الانجليزي، تحديدًا بعد مباراة ويست هام في الدور الأول اللي فاز فيها السيتي بخماسية نظيفة،
خرج جوناثان ويلسون في التليجراف وكتب مقال واضح وصريح عن أفضلية برناردو عن البقية وقتها، قال فيه نصًا.. "He's Pep Guardiola-driven chess"، بمعنى.. "قطعة الشطرنج التي يحركها جوارديولا"، علشان يخرج بعدها بفترة مايكل آرتيتا مساعد جوارديولا وقتها وقال إن دي بروين كان لاعب مؤثر جدًا،
بل وصفه بإنه أهم لاعب في السيتي في الموسم ده مناصفةً مع سيلفا، علشان يخرج بيب ويقول، برناردو ليس له مثيل، أختلف مع آرتيتا.
الحقيقة، تكنيك برناردو في الكورة حاليًا هو تكنيك مش بس مش مكرر، لا هو خاص به، يعني بيب دائما بيحب يكون موجود واحد من برناردو وجاندوجان في الملعب مع كيفين،
الحقيقة، تكنيك برناردو في الكورة حاليًا هو تكنيك مش بس مش مكرر، لا هو خاص به، يعني بيب دائما بيحب يكون موجود واحد من برناردو وجاندوجان في الملعب مع كيفين،
وكان شايف إن برناردو كان هو الأقرب خلافة دافيد سيلفا مش فودين؛ لأن برناردو وجاندوجان -وبرناردو أكتر وبكواليتي أكبر- عندهم صفة la pausa، القدرة إنك تغير ريتمك وتقف ثانية أو إتنين قبل ما تاخد قرار، القدرة على "التدفق" مع أدوار بعيدة كل البُعد عن وصفها بالمركز،
لأن برناردو بيلعب كل حاجة في كل مراحل اللعب، إمتى يخترق وإمتى يستلم ويسلم وبعد كده يدخل بين الخطوط ويحرك مدافع معاه من مركزه، بيب بيشوف دي نقطة مهمة في تركيبة وسط ملعبه، وعلشان كده فودين سريع ومبهر كلاعب ball carrying بيحمل الكورة لمسافات بعيدة في التحول، بالتالي الإختلاف مطلوب.
أما فودين لاعب غريب، فتحة جسمه في الجزء السفلي تحت صدره غريبة، تحس إن رجليه شبه "البرجل"، بيقدر يحرك جسمه بشكل مرن وسهل وده بيتيحله التصرف بشكل أدق من غيره كتير، بالتالي بيقدر يستغل سرعته في أخذ القرار المناسب قبل الإستلام وفي التمرير في زوايا صعبة وتكاد تكون مستحيلة في الملعب،
عمومًا هو خرج من طور الموهبة الإنجليزية مع جوارديولا، وكان محظوظ في ده، لأنه نال مدرب عرف يجعله شخص واعي بالكورة ومن غيرها أكتر، فاهم الجيم رايح وجاي فين ومنين، بيقرأ اللعب صح، مش مجرد سرعة ومقصات على الكورنر مع ظهير الخصم، وعلشان كده كمان هو عنده نسبة من التدفق في أدوار كتير.
كل ده جميل، لكن الأجمل، هو مستوى دفاع مان سيتي اللي وصله مع جوارديولا، تحديدا آخر موسمين مش في الماتش، دي نقطة بيب مظلوم فيها ومش كتير بيتكلم عنها، بل ونقطة تفوق فيها بيب السيتي على بيب برشلونة بكل وضوح، لأن دفاع مان سيتي مش بس أصبح أكتر صلابة وأكتر هدوء وأفضل من السنوات السابقة،
لكنه كمان أصبح واعي أكتر بكل مرحلة دفاعية، وكل موقف دفاعي بيحكم اللاعبين بالتعرض لمواجهات متنوعة، مش مواجهات كتير وخلاص، دفاع السيتي من موسمين بيعلى ووصل للذورة في الموسم ده؛ إنه ازاي يكون مميز في القرار، إمتى المدافع يختار يدافع عن "كورته" بتدخل قوي ويشتت، أو يـbuild up بسرعة،
وإمتى المدافع يختار يدافع عن "مساحته"، بإنه يمنع مفهوم التسرع من عقله في الموقف ده ويتمركز، يميّل وضعية جسمه أكتر ناحية المهاجم، وإما مدافع يتدخل معاه أو هو يقطع، وإمتى يدافع "ضد لاعب"، إنه يخرج من مركزه ويبدأ يستبق تحرك المهاجم وقراره ويقفل عليه قبل ما ينفذه،
واللي بالمناسبة بشوف زينتشينكو كان ممتاز فيها مثلًا في لقطة هدف بنزيما الأول،
والأهم إن كل ده هي مهام تراكمية على عدد من اللاعبين مش لاعب واحد بس، حسب منظومة كلها بتساعد بعض، الموضوع مش فردي أبدًا، ده بيدل على إن المدرب اللي له الفضل في المستوى ده قبل الأفراد.
والأهم إن كل ده هي مهام تراكمية على عدد من اللاعبين مش لاعب واحد بس، حسب منظومة كلها بتساعد بعض، الموضوع مش فردي أبدًا، ده بيدل على إن المدرب اللي له الفضل في المستوى ده قبل الأفراد.
بعضٌ من الإنتقاد!
الحقيقة، ضياع الفرص اللي حصل في ماتش النهارده ده لو كان حصل مع أي مدرب وأي فريق في العالم هطلع أقول إنه سوء توفيق، لكن مع بيب تحديدًا مش هقول كده، مفيش مشكلة إن كان فيه نسبة من عدم التوفيق فعلًا، لكن جودة خط هجومه السيئة مقارنة بباقي خطوطه هو السبب فيها،
الحقيقة، ضياع الفرص اللي حصل في ماتش النهارده ده لو كان حصل مع أي مدرب وأي فريق في العالم هطلع أقول إنه سوء توفيق، لكن مع بيب تحديدًا مش هقول كده، مفيش مشكلة إن كان فيه نسبة من عدم التوفيق فعلًا، لكن جودة خط هجومه السيئة مقارنة بباقي خطوطه هو السبب فيها،
عمومًا بيب مش شخص متحكم دائمًا، وشخص بيسمح بالإرتجالية عادي جدًا وده عكس ما ناس كتير معتقدين، لأن مفيش مدرب لفريق كبير بيتيح الفرصة لجناحاته للكَم ده من المواجهات الفردية مع ظهيري الخصم، لكنه إتصرف في فلوسه غلط، وغلط جدًا وبرفاهية غير معهودة قبله ولا هتكون موجوده بعده،
مفيش حاجة إسمها أتعاقد مع لاعب بـ100 مليون علشان أسلوب لعبه عاجبني، بيب قال كده نصًا، ولا إن اللاعب ده هيفيد في صناعة الفرص أكتر لأن آليات صناعة الفرص في السيتي هائلة فعلًا، فمعرفش ايه الجديد اللي أبو 100 مليون هيقدمه هنا، كان أفضل يصرف على جناح هداف أكتر مكان سترلينج أو محرز،
ليه؟ لأن الناس مستغربين إن الإتنين بيضيعوا الماتش ده، لكن الحقيقة، إن الإتنين بيضيعوا في كل ماتش، بل إن سترلينج مثلًا كان سبب في إن بيب يخرج من الأبطال مع السيتي في أوقات حرجة علشان بيضيع فرص أصلًا،
حتى التعاقد مع فيران توريس كان غير مفهوم رغم الفترة الجيدة اللي قدمها مع بيب،
حتى التعاقد مع فيران توريس كان غير مفهوم رغم الفترة الجيدة اللي قدمها مع بيب،
لأن جودة الإنهاء معاه لم يتم النظر لها أصلًا، ودي المعضلة بقى، إن الناس بتشوف إن جوارديولا محتاج مهاجم بيهدّف بإستمرار، لكنهم مش شايفين المشكلة الأكبر، إن باقي خط الهجوم إنتاجيته أقل، وفي رأيي تحسين النقطة دي أهم بكتير من التعاقد مع مهاجم، ليه؟
لأن جوارديولا لو تعاقد مع مهاجم فمش هيكون فيه مساحة تصرف لكل اللاعبين اللي بتلاقيهم مرة واحدة وبشكل مفاجيء في box الخصم إما كـrunners أو لاعبين دخلوا المنطقة دي بعد تمركزهم بين خطوط الخصم وقت تدرج الكورة، كل ده مش هيحصل مع وجود شخص هو بس اللي هيكون مسؤول عن المربع ده!
من زاوية آنشيلوتي، شخصيًا مفيش مشكلة بيني وبينه في مدرسته وأسلوبه، لكني عندي مشكلة مع تصرفه معاه حاليًا، علشان نوسّع دائرة الكلام أكتر، إتجاه آنشيلوتي عمومًا من زمان هو إتجاه البساطة، إتجاه سير أليكس فيرجسون وبعده آنشيلوتي ومورينيو،
وإتجاه إتشرّس بعد كده وتم إقتباسه في الهوية الإيطالية والكاتيناتشو الدفاعي في إيطاليا، وإتجاه زين الدين زيدان حديثًا، تعالى بقى أسألك سؤال، ايه أكتر حاجة لاحظتها في الأسماء المذكورة؟
تعالى أجاوب أنا، إن أغلبهم أو كلهم بإستثناء السير دربوا مدريد بمختلف مدارسهم، ريال مدريد هو أكتر فريق بسيط في العالم، وفي كل حقبة زمنية في تاريخه إختار الإتجاه ده تحديدًا، وبالمناسبة نقطة قوة من بيريز إنه حافظ على الإتجاه ده في ظل هيمنة جوارديولا وده شيء تاني هنروحله بعدين،
معظم الناس كانوا بيستغربوا وبيقولوا زيدان ضعيف تكتيكيًا، ده مش موضع خلافنا لكنه بيندرج تحت الإندراج ده؛ ظهيرين فاتحين الخط، مدافع بيلعب برجله كويس ومدافع تاني إستباقي في التدخل على مهاجمي الخصم، محور in field بينظم اللعب ومحور out field بيوزعه،
وإرتكاز قوي بدنيًا، جناحين، واحد فاتح الخط والتاني inverse حر بيدخل في العمق، مهاجم سفاح وصانع لعب مهاري رؤيته خرافية للملعب،
الموضوع بسيط مش كده؟ تمام، وهو ده المطلوب إثباته، هو ده ريال مدريد وهو ده يونايتد فيرجسون، إتجاه مش بيتطلب بناء ثوري وأفكار معقدة، حتى مش بيتطلب مشروع تفصيلي، نجوم في الإسكواد واللي بيخرج أو يكبر بيكون بديله شاب جاهز ومميز،
الفكرة بقى فين؟ إن آنشيلوتي وزيدان ومورينيو وقبلهم فيرجسون، كانوا بيتدخلوا في تعديل بعض مراحل اللعب في المباراة، أصلًا التعديل على مراحل اللعب هنا ده موضوع صعب جدًا، وعلشان كده بشوف إن الـ3 دوري أبطال أوروبا لزيدان هو إنجاز فعلًا محتاج إني أقف عنده في مقال قادم، لكنه مش موضوعنا،
لكن النسخة دي من آنشيلوتي، مش بتدخل في أي حاجة، غير مثلًا شوطين بس خلال موسم كامل، شوط إشبيلية في مباراة مدريد معاها من أيام، والشوط الثاني ضد باريس في الإياب، لكن غير كده هو "عاجز" تمامًا عن التدخل،
صحيح إمكانيات مدريد هشّة والفريق فيه نقاط ضعف كبيرة، لكن صحيح كمان إنه إسكواد مش سيء بالشكل اللي إحنا شايفينه ده علشان يظهر بالإنهزامية دي تحت الضغط مثلًا أو في تدرج الكورة أو في عوامل بسيطة زي التمركز والتغطية، ده بيدل على إن المدرب مش بيشتغل،
ده مثلًا بيوضح كَم الشكل الخارق اللي بيبدو عليه دائمًا بنزيما ومودريتش وكورتوا، أو الرجوع في النتيجة المستمر من وجهة نظر الناس في تسميته بـ"شخصية البطل"، وده كلام غير صحيح، لأن مفيش حاجة إسمها شخصية بطل،
لكن فيه مخزون مواقف مر به اللاعبين دول أكتر من غيرهم طيلة السنوات الماضية، تحديدًا في دوري الأبطال، وده بيجعلهم أكتر خبرة من غيرهم، وأكتر تحكم في أنفسهم تحت الضغوط،
يعني بنزيما بعد الماتش قال إن مدريد دخل وهو ذهنيًا خائف من السيتي، لكن بعد أول 20 دقيقة تقدر تشوف الثبات والقوة الفنية اللي عند مودريتش مثلًا، بعد ما آنشيلوتي قال لكروس يرجع خطوتين ومودريتش هو اللي ينظم اللعب ويدرجه من تحت،
لما ده حصل شكل مدريد إتغير تمامًا بسبب مودريتش لوحده، واللي الكل أصبح بيتحرك بناءً على تحركاته هو، بل إن فيه هجمتين كاملين هو اللي قاد فيهم تدرج الكورة من عند كورتوا لبنزيما، وده موضوع خارق فعلًا.
الحقيقة، بيب صنع شخصية للاعبيه بشكل مميز، عدم إنهيار تحت الضغط عكس الماضي، كل خطوة مانشستر سيتي إتقدم فيها كانت بسببه، وعلشان كده فعلًا هو اللي صنع الفريق ده، ويستحق كريديت تحية من كل طوائف مشجعي اللعبة، المتخصص منهم أو اللي منظوره للكورة أقل.
إنتهى الثريد! ❤️
شكرًا لوقتكم! 🙌
إنتهى الثريد! ❤️
شكرًا لوقتكم! 🙌
جاري تحميل الاقتراحات...