رتبها

صاحب اللمسة البرازيلية، والفكر الأسباني، والجرينتا الايطالية.. اللاعب الذي كسر كلوب وإدارة ليفربول القواعد لأجل التعاقد معه..
لاعب خط الوسط المتكامل كما يقول الكتاب، وأكثر..
🌟| ثريد عن الرائع تياجو ألكانتارا.

تياجو هو أكثر لاعب ممكن يخدعك من خلال نظرتك الأولى له، لاعب مهاري، حريف وصاحب لمسة عينك تحب تشوفها، للوهلة الأولى هتفتكر إن تياجو ده صانع لعب تقليدي مثلًا، أو لاعب كسول وصاحب مجهود بدني قليل، او لاعب مميزاته والكرة معاه فقط.
لكن دي أكتر فكرة خاطئة ممكن تاخدها في حياتك عن لاعب

التعاقد مع تياجو هو إمتداد لنهج كلوب في بروسيا، لان كلوب لم يكن من البداية مدرب صاحب خط وسط بدني، ولكن كان خط وسط ليفربول السابق ماهو الا محاولة للتألقم على سرعة اللعب في انجلترا وضعف موارد النادي المالية..
خلينا من الكلام ده دلوقتي..

تياجو من وقت خروجه من برشلونة راح فريقين، بايرن2013 ليفربول2020.. والفريقين فرق أبطال، وأصعب حاجة تعملها لفريق أوريدي بطل هو انك تضيف عليه لاعب، لأسباب كتير، منها ان اسلوب اللعب مثلا ممكن يتأثر، وازاي هتضيف لاعب وانت فعلا الأفضل؟
بس تياجو مختلف، يقدر يكون إضافة في كل الفرق..

تياجو ألكانتارا هو تعريف لاعب الوسط المتكامل كما يقول الكتاب، اللاعب الذكي والمهاري، وصاحب المجهود البدني والتمركز والالتزام الدفاعي بشكل يفوق الوصف..
تياجو حرفيًا هو الـ All around midfielder.
احصائيات تياجو دي احصائيات لاعب 6 و 8 و 10 .. مش لاعب واحد بس..

تياجو أكثر لاعب مناسب لكل طرق اللعب المطلوبة حاليًا، لو بتقدم جيم دفاعي؟ تياجو هيطلع بأكبر عدد استخلاص للكرات بسهولة، لو بتقدم جيم هجومي؟ بسهولة يكون أكثر لاعب استحوذ على الكرة وقدم تمريرات صحيحة بغض النظر عن ان اغلب التمريرات لتياجو بتكون بينيه و ريسكي!

ليه All around midfielder؟
تياجو مخادع، هتتفرج عليه هتحب الكرة في رجله، هتشوف احصائياته هتحس انك بتقرأ عن كانتي..
تياجو في موسم 2020 مع ليفربول كان عنده تدخلات على الكرة خلال الـ 90 دقيقة بمعدل 4.3.. ده نفس رقم كانتي موسم ليستر التاريخي
مع فارق أسلوب الفريقين طبعا..

أوبتا من كام سنة طلعت لتياجو احصائية انه صاحب اعلى معدل استخلاص كرات في موسم واحد بمعدل 4.9 خلال المباراة الواحدة، أعلى من اي لاعب اخر في الدوريات الخمس الكبرى.. اعلى رقم أنا قرأته عمومًا..
ده تياجو اللي الناس بتقول عنه لاعب كسول وحريف ومميزاته والكرة في رجله بس.

الناس بتقيس اللاعب الحريف اللي زي تياجو بالاهداف والسيستات ، لكن تياجو هو اللاعب اللي بيخليك توصل للمرمى وبيدي فرصة للأهداف او الاسيستات انها تتعمل اصلا
زي كده مثلا..

خروج تياجو من الضغط بالسلاسة والسرعة اللي بيعملها دي، شيء بيوفر كتير على المدرب وعلى زملاؤه في الفريق، لاعب بسهولة ينقلك من موضع انك مضغوط عليك لفرصة للتسجيل لفريقك، الفريق ممكن يحاول يبني اللعب في وقت طويل عشان يخرج من الضغط ويصنع فرصة واحدة ـ تياجو بيعملها خلال 3 ثواني

اللاعب الحريف حاليا في الكرة شيء مش متوفر اوي، ولو توفر بيكون لاعب حريف وتخصصه الثلث الاخير من الملعب فقط ، لكن تياجو شيء مختلف ، تياجو لاعب دفاعي متكامل (ارضي وكرات عالية وهقول دلوقتي ازاي) ، ولاعب Creator بشكل مبهر

تياجو (مع ليفربول) حاليا، عنده معدل فوز بالكرات الهوائية بنسبة 60% تقريبًا .. زميله في الملعب الأطول منه بـ 14 سنتيمتر فابينهو ، معدل فوزه بالاتحامات الهوائية 49% .

لو قعدنا من هنا لبكرة نتكلم عن مميزات تياجو الدفاعية أعتقد هنحتاج مجلدات، الأمر بس محتاج الناس تتفرج على تياجو .. مميزاته الدفاعية كافية تجعل منه لاعب من النخبة في العالم في مركز الـ 6 ..

نيجي بقا عن الشيء اللي تياجو فعلا خارق فيه ، الشيء اللي تياجو جمع فيه بين اللاعب الاسباني واللاعب البرازيلي .. الشيء اللي هو تقريبا الأفضل فيه في العالم.. الذكاء في التعامل مع الضغط والخروج منه بكل بساطة.
حركة تياجو الشهيرة
“Thiago signature move”

التمويه بالجسم اللي بيعمله تياجو وبيخرج بيه من ضغط لاعب واتنين واحيانا تلاته .. بيبعت اللاعيبة لمكان ويبدأ هو يبص للملعب وهو ناقص اتنين او تلاتة من لاعبي الخصم
الغريب انه كل مرة بيعملها وكل مرة بتنجح وكل مرة بيبان الأمر سهل جدًا..

تياجو على عكس لاعبي ليفربول اللي بيضغطوا طول الوقت عشان يكسروا هجمات الخصم ويقفلوا التمريرات ، تياجو بيتعامل بشكل مختلف واذكى
تياجو بيتعامل شبه انييستا في الحالات دي ، بيقفل زوايا التمرير بذكاء وبعدها يبدأ ضغطه على الخصم

وعلى عكس انييستا شوية في الموضوع ده، تياجو مش بيقفل زوايا التمرير بس، تياجو لاعب "غتت" في الضغط، لو راوغته ده لو عرفت يعني، هيفضل وراك، عامل زي فيدال وكانتي في الغتاتة على الخصم.. لو انت لاعب وسط تياجو هيبقى كابوسك لو حاولت تراوغة.

تياجو Scanner رائع، قبل ما يستلم سواء تحت ضغط او لا، بيكون شايف كل زملايه في الملعب وعارف هيلعب لمين، بس هايلعب ازاي دي حتة اضافية من عنده..
تياجو اغلب الوقت وضعية جسمه في ناحية وبيخدع الخصم بوضعية تمرير معينة، وبنسبة 90% مش بيعملها وبيمرر تمريرة بينيه تقربك من المرمى بسهولة

تمريرات تياجو البينية شيء مُذهل، الملعب كله بيكون تركيزه في مكان وتياجو بيوهمهم انه مركز معاهم بس بيلعب حاجة تانية خالص.

تعامل تياجو على فك التكتلات بالطريقة شيء مُبهر، ونادرًا لما اشوفه بيفشل.
أسيست تياجو هنا مثلا رائع..

شيء بسيط اضافي : تياجو أنجح لاعب في ليفربول في استقبال الكرات العالية، كنترول تياجو على الكرة شيء مذهل ، اي كرة يقدر يستلمها تحت ضغط مثلا او كرة عالية او كرة صعبة ، مع انه اقصر لاعبي ليفربول اصلا.
ترويض تياجو للكرة فتنة..

أخر 3 مباريات لتياجو خرج بدقة تمرير وصلت لـ 96،98،96%
ضد مانشستر وايفرتون وفياريال نص نهائي الأبطال
مرتين منهم هم نجم اللقاء
طبعا النسب دي لا تعني شيء، كروس ممكن يعملها عادي وكلنا عارفين كروس بيلعب ازاي
لكن تياجو اكتر لاعب بيلعب كرات طويلة صحيحة، 9/8 مثلا في المباراة الاخيرة

تمريرات تياجو الاغلب فيها تمريرات بينينه وريسكي وكسر للخطوط.. فـ النسب دي شيء اعجازي.
تخيل ان لاعب اغلب تمريراته فيها مخاطرة او تمريرات طويلة وبيطلع بنسبة تقريبا نجاح تام بدون فشل ؟ ده لو الملعب فاضي صعب يعمل كده
احيانا ممكن يعمل تمريرة ريسكي وهو مش باصص

تياجو ممكن يخرجك من الضغط ويعمل تمريره تحط فريقك في موقف 3 على 2 مثلا وتنتهى بهدف تياجو مش اسيستر فيه ولا عمل البري اسيست ، تياجو ممكن يقفلك زوايا التمرير في كرة كانت هتكون انفراد والاحصائيات مش هتسجّل له التصرف العبقري اللي عمله..

تياجو لاعب تحب تتفرج عليه، ولاعب المدرب يحب وجوده في الفريق لأنه مرن وملائم لكل شيء ولكل أسلوب لعب دفاعي كان أو هجومي، لكن للأسف الاصابات اخدت كتيرمن تياجو وحرمتنا من لاعب كان ولازال يقدر يسجّل اسمه بين أعظم لاعيبة الوسط..

بالمناسبة تياجو في بعض فترات مسيرته لعب كـ 10 وكان بيقدر يسجّل ويصنع عادي، لاعب امكانياته الفنية بس كفيلة تخليه يلعب في كل مراكز الوسط
بخلاف انه بدأ في برشلونة وكان بيلعب جناح، لاعب وسط متكامل أكثر من المتوقع والله..

Here are 3 minutes 35 seconds of one of the most technically gifted footballers on the planet, courtesy of
@Bundesliga_EN
.
Thiago Alcântara just being Thiago Alcântara. 🌟 #LFC

Progressive Actions vs. Defensive Actions for Premier League midfielders so far this season:
شوف بعينك تياجو فين مقارنة بباقي لاعب الوسط في الدوري الإنجليزي .. لاعب تقريبًا بيعمل "كل حاجة" بشكل صحيح.

تمريرة تياجو البينية في نهائي الأبطال ضد باريس، توفير للوقت والجهد لنقل الفريق ببساطة وسهولة على الأرض للثلث الهجومي.
بالمناسبة في رأيي الشخصي تياجو كان أفضل لاعب في نهائي الأبطال 2020 ضد PSG