رتبها

سلسلة تغريدات راح تساعدك على تجنب أسعار تذاكر الطيران المرتفعة نقاط كثير تقدر تستغلها لإقتناص أرخص الأسعار وتستفيد مثل م استفدت انا منها طوال السنوات الماضية كل النصائح والمواقع اللي بذكرها مهمة جدا ضروري تحفظها عندك لانك راح تحتاج لها وبتشوف قد إيش توفر عليك ميزانية رحلتك الجاية

- أحجز قبل موعد السفر بثلاث شهور على الأقل
- لايكون موعد رحلتك نهاية الاسبوع غالي
- اذا لقيت سعر زين احجزه مباشرة لاتتردد
- حاول يكون حجزك قابل للتعديل والإلغاء
- يوم الثلاثاء بالعادة هو أرخص أيام الأسبوع
- كل ماصارت تواريخ سفرك مرنة كل مازادت فرص حصولك على تذاكر طيران أرخص

- سجل بمواقع المقارنة ترسل لك تنبيه في حال وجود سعر أرخص على الرحلات اللي اخترتها
- اشترك بقوائم التنبيهات الموجودة في مواقع الطيران يرسلون لك لو عندهم عروض مخفضة
- سجل في برامج المكافات والأميال بتقلل عليك قيمة التذكرة
- حدد احتياجك من الأمتعة والوجبات لأنها تفرق بالسعر النهائي

المنطق بعد يقول انك تختار اوقات سفر بعيده كليا عن المواسم والزحمة طبيعي جدا تزيد فيها أسعار الطيران واذا انت مجبور حط في بالك كل ماحجزت بدري كل ماصار السعر أقل على سبيل المثال ماتجي قبل دخول العشر الأواخر من رمضان بكم يوم تبحث عن نفس السعر اللي سبق وحصلت عليه في شهور أخرى

فيه شغلة تقدر تكتبها في قوقل ومن خلالها راح تعرف أي فترة من الشهور راح تكون فترة موسم والاسعار مرتفعة فيها بكل تأكيد اكتب
when is the low season in
بعدين حط اسم الوجهة اللي بتسافر وبيطلع لك جواب مختصر يبيّن لك متى ممكن تكون تذاكر السفر والفنادق أيضا اقل سعر شوف الصور

وهذي طريقة جربتها الفترة الأخيرة واستفدت منها كثير تساعدك بإختصار على إيجاد أرخص رحلة من مدينتك لأي وجهة حول العالم
ادخل على
google.com
حط مدينتك
لاتحدد تاريخ ولاوجهة معينة
افتح الخريطة اللي تحت
راح تشوف ارخص الرحلات لدول مختلفة
اختر الوجهة اللي تبيها بتلقى تفاصيلها

google.com/travel/flights

✈ Google Flights

Departing Thu, May 18. Find the best flights fast, track prices, and book with confidence.

فيه بعد طريقة استخدمها بشكل مستمر واعتمد عليها اعتماد كبير على Skyscanner
تختار مدينتك
تخليها Everywhere لاتحدد وجهة
بيعطيك أرخص الدول
بعدها يعطيك أرخص وجهاتها
ثم يحدد لك الأيام الأرخص لكل وجهة
اختر الوقت المناسب لك واحجز تذاكرك
• رابط الموقع
skyscanner.net

skyscanner.net

Compare Cheap Flights & Book Airline Tickets to Everywhere | Skyscanner

Compare cheap flight prices from all major airlines and travel agents, and find the cheapest tickets...

استخدم المتصفح الخفي اثناء البحث عن أسعار الطيران لان المواقع تعرف وش جالس تبحث عنه وتحفط بحثك واذا رجعت مرة ثانية تكتشف ان السعر اختلف بسبب تكرار بحثك على نفس الوجهة وعلشان تتجنب المشكلة هذي استخدم على سبيل المثال متصفح كروم وفعل خيار المتصفح الخفي New incognito Tab 🥸

هذي أشهر مواقع البحث ومقارنة أسعار الطيران استخدمها للبحث والأفضل دوما الحجز عن طريق المواقع الرسمية لشركات الطيران
Momondo
momondo.com
Kayak
en.kayak.sa
Expedia
expedia.com
Priceline
priceline.com
Skyscanner
skyscanner.net