ازيكم يا جماعه❤️
انا نعيمه صاحبه Trends Vanity عايزاكم تعرفو اني ما كان نفسي الموضوع يصل للمرحله دي وانا ما زوله بتحب المشاكل ولا عايزه اكتب تفاصيل خاصه زي دي في السوشال ميديا بس الكلام المجحف الاتكتب و اظهار نصف الحقيقه هو الاجبرني و ربنا عالم بالنوايا
انا نعيمه صاحبه Trends Vanity عايزاكم تعرفو اني ما كان نفسي الموضوع يصل للمرحله دي وانا ما زوله بتحب المشاكل ولا عايزه اكتب تفاصيل خاصه زي دي في السوشال ميديا بس الكلام المجحف الاتكتب و اظهار نصف الحقيقه هو الاجبرني و ربنا عالم بالنوايا
مبدئياً التواصل بيني و بين ملاذ كان في حساباتنا الشخصيه، راسلتني اكتر من مره و ابدت رغبتها في المشاركه في البازار و دي حاجه فرحتني شديد جداً و اتعاملت معاها بكل حسن نيه و عملت ليها استثنائات كتيره بدون الخوض في التفاصيل و هي عارفه الحاجه دي
نحنا عندنا شرط واحد في البازار و هو ان مافي زولين يقدمو نفس المنتج و الحاجه دي نحنا قررناها لاننا لقينا الموضوع دا بيسبب حساسيات و مشاحنات بين المشاركين و بناء على تجربتنا بيعمل مشاكل كبيره الا في حالة انه بقى بالتراضي بين الشخصين
كمان عارفين ان الرزق بيد ربنا لكن ما من المنطقي اننا نخت زولين بيعملو نفس الشي في نفس المكان لان المنطق بيقول ان الناس هتشتري من الارخص و التاني بضاعته هتبور و نحنا حقيقي ما نفسنا نخلق جو منافسه سلبي و بنحب دايماً الاجواء في بازارتنا تكون ايجابيه و داعمه للكل
انا وافقت لي ملاذ على المشاركه في البازار لأني ما كنت عارفه ان العروكه و الدلكه هم نفس المنتج و بعد عرفت الحاجه دي عشان ما اظلمها جيت سألتها و هي اكدت لي انهم نفس الشي و قالت لي بالحرف انها من الاول كانت خايفه يحصل كدا و دا لأنها عارفه دعاء مشاركه بالدلكه
في الوقت دا انا اقترحت على ملاذ اني اسأل دعاء لانها مسجله قبلها و لو وافقت على تشابه المنتجات فا انا ما عندي مشكله طالما الموضوع هيكون بالتراضي، و حابه اذكر نقطه مهمه هي ان دعاء ما الوحيده الاتخدت قرار زي دا و اوريكم امثله لي ناس وافقت يكون في زول بيشبهها في البازار و ناس رفضت
1- في محل معروف كان حابي يشارك بي عطور سودانيه و الح علينا شديد فا قلنا ليهم اننا هنسأل ماما حليمه المشاركه اولريدي معانا و هي رفضت ودا من حقها و المحل اتقبل الموضوع بكل صدر رحب
2- نهضه كانت عايزه تشارك بي دلكه في بازار و لما عرفت انه دعاء نفس المنتج شاركت معانا بي حاجه تانيه
2- نهضه كانت عايزه تشارك بي دلكه في بازار و لما عرفت انه دعاء نفس المنتج شاركت معانا بي حاجه تانيه
2- لمياء هاشم كانت عايزه تشارك معانا بي تصاميمها و برضو قلنا ليها اننا هنسأل سندس لانها مسبقاً مسجله معانا بي ثياب و لو وافقت و بقى الموضوع بالتراضي ما عندنا مشكله و سندس وافقت
و الامثله كتيره ما هيكفي ليها الثريد
طيب ليه انا بخلي القرار دا في يد صاحب المتجر الشارك اول؟
و الامثله كتيره ما هيكفي ليها الثريد
طيب ليه انا بخلي القرار دا في يد صاحب المتجر الشارك اول؟
ببساطه لان الموضوع ما ديكتاتوريه و كوني منظمه بازار دا ما بيديني الحق اتخذ قرار زي دا و اخد من زول مسجل معاي حاجه اساسيه انا وعدته بيها و هي التميز عشان ادخل زول تاني مهما كان و اخلاقي ما بتسمح لي اعمل الحاجه دي لو هو ما وافق عليها بنفسه و بقت بالتراضي
نرجع لي ملاذ، بعد طرحت الموضوع على دعاء زيها و زي ناس كتيره اتطرحت عليها الفكره ما اتقبلتها و دا من حقها، بلغت ملاذ بالحاجه دي و اعتذرت ليها و حاولت اطيب خاطرها بكل الطرق و اديتها اقتراحين عشان احل ليها المشكله وهم:
1- اقترحت عليها انها تشارك بي منتجاتها التانيه و تعتبر البازار انطلاقه و فرصه ليهم عشان يتعرفو و وعدتها اني بالرغم من اني موقفه الريفيوز في الستوري حقت المتجر الا اني هأخصص يوم كامل للإعلان ليها هي بس عشان اعوضها وعشان انا عارفه ظرفها و ما عملت الحاجه دي لي زول غيرها
2- الاقتراح التاني كان انها لو ما عايزه ابداً تشارك في بازار الا بالعروكه فا انا بعرف ناس كتيره عاملين بازارات و تسجيلهم فاتح ممكن اكلمهم ليها معاهم و ذكرت علا بالأسم لانها كانت عامله بازار قبلنا في نفس المكان
يعني انا يا جماعه اديت ملاذ الخيار في المشاركه او عدمها و فهمتها اني بجد عايزاها تكون معانا و حتى لو اختارت انها تمشي بازار تاني انا برضو هأعمل ليها الحاجات الوعدتها بيها و ربنا بيشهد اني حاولت اراضيها وفهمتها انه حتى لو شاركت بي منتجاتها الجديده هتستفيد و هتلقى قبول عالي عليها
ملاذ رفضت اقتراح انها تمشي بازار تاني و اصرت على انها تكون معانا و اختارت بكامل ارادتها انها تشارك بي المنتجات الجديده و اتفقنا على تفاصيل كتيره زي انها تعرض ريفيوهات قديمه لي منتجاتها و غيره…
لحد هنا انا عملت كل البقدر عليه عشان ارضيها و ما كان في مقدوري اقدم اكتر من كدا.
لحد هنا انا عملت كل البقدر عليه عشان ارضيها و ما كان في مقدوري اقدم اكتر من كدا.
الحمدلله البازار بدأ و حقق نجاح ضخم و كل المشاركين و من ضمنهم ملاذ حققو مبيعات هائله في زمن قياسي و ما كان في طاوله بتقعد فاضيه اكتر من دقيقتين و دا كله توفيق من رب العالمين لأنه عارف نيتنا و قدر شنو نحنا تعبنا في البازار دا عشان نفيد الناس قبل ما نستفيد
أتفاجأت بعدها بي ستوري من صديقه ملاذ بتتكلم فيها عننا و رسلت لي ملاذ عشان افهم الحاصل و قالت هي ما عارفه بالحاجه دي و صحبتها اتصرفت براها و حاولت تلم المشكله بس صحبتها ما رضت و انا في الاول كنت عاذراها لانها ما كانت عارفه كل التفاصيل
بديت اوضح ليها التفاصيل الفوق و اني ما اجبرت ملاذ تشارك و اديتها خيارات تانيه و هي اختارت الحاجه دي بنفسها و استفادت منها بحمدالله بس كانت متعصبه برأيها جداً و لقيت اني بكرر في نفس الكلام و هي ما عايزه تفهمني و مواصله هي و غيرها في الكتابه عن دعاء في السوشال ميديا
بعدها ملاذ بنفسها كتبت الثريد القدامكم و دا الاضطراني اوضح الحصل بالضبط عشان الناس تعرف الحقيقه كامله و تعرف اننا حاولنا نرضي ملاذ بكل الطرق بالرغم من انه ما عندنا اي مصلحه شخصيه في الحاجه دي لكن للاسف هي ما اتعاملت مع الموضوع بشكل احترافي زي باقي الناس عكس ما كننا متوقعين منها
شكراً لكل الناس الرسلت لينا عشان تفهم الحصل شنو قبل ما تحكم، و اخيراً نحنا ما اجبرنا ملاذ على شي، ملاذ اختارتنا بكامل ارادتها و اتبسطت جداً في بازارنا و بالرغم من كدا اصرت على انها تحكي مشكله شائعه بتتحل دائماً و اتحلت فعلاً بصوره وديه لأسباب نحنا ما قادرين نفهمها حتى الان
في النهايه ما عندي شي اقوله غير ان ربنا سبحانه و تعالي عارف نيتي شنو و عارف هدفي الاساسي من البازار و لو ما كدا ما كان وفقني للحاجه دي و قدرنا انا و التيم ننجز بازار كل السودان بيتكلم عن نجاحه و ضخامته و دي نعمه بحمده عليها جداً و بعتذر لو اخدت من زمنكم كتير ❤️
جاري تحميل الاقتراحات...