الملك لما إضطر يبيع كل امراءه و مساعديه فى المزاد 🤔
حصل إزاى دا وإمتى 😱😱
الكلام دا حصل فى عهد الملك الصالح نجم الدين أيوب اللى إشترى مجموعة كبيرة من المماليك و عينهم أمراء على محافظات مصر المختلفة و بقوا أصحاب نفوذ و جاه
و زاد بطشهم بالمصريين و أذاهم و الناس ضجت بيهم و بظلمهم

فى الوقت دا كان قاضى مصر هو الشيخ عز الدين بن عبد السلام واللى كان مشهور بقول الحق
الشيخ عبد السلام قرر انه يبحث أمر المماليك فقهيا و خرج بفتوى ليها العجب
الشيخ قال ان كل المماليك اللى السلطان اشتراهم دول إشتراهم من بيت المال
يعنى من فلوس الشعب
و بالتالى هما المفروض خدم للشعب

لإن حكم الرق مازال سارى عليهم
ولازم أصحاب المال هما اللى يعتقوهم عشان يبقوا أحرار و بعد كده يمسكوا مناصب عليا زى ما الملك عاوز
الفتوى دى طبعا قلبت الدنيا و المماليك غضبوا غضب شديد لدرجة انهم كانوا هيقتلوه لولا انهم خافوا من المصريين

طب ايه الحل يا عم الشيخ 🤔
الحل إنهم ينزلوا فى المزاد و يتباعو
وهو دا اللى حصل فعلا عملوا مجلس كبير حضره كل رجال الدولة و على رأسهم الملك الصالح
و قاضى القضاة ينادى على المماليك واحد واحد و يبيعهم بالغالى
ماهم أمراء بقى 😂

و الملك يشتريهم بأضعاف التمن اللى اشتراهم بيه قبل كده من أسواق النخاسه
الشيخ عز الدين بن عبد السلام اعتق المماليك أخد الفلوس دى و صرفها على المصريين
و المماليك عينهم اتكسرت قدام الشعب
مؤقتا 🥺
من كتاب هوامش المقريزى لصلاح عيسى ♥️