كيف سيُؤمن ماسك مبلغ صفقة الاستحواذ على تويتر👇👇👇
المبلغ المطلوب لاتمام صفقة الاستحواذ على تويتر هو (44) مليار دولار وماسك كل ثروته في صورة أسهم في شركة تسلا واسبيس أكس، فأزاي هيُؤمن مبلغ الاستحواذ؟!
بص يا سيدي في صفقات الاستحواذ الكبيرة تدبير الكاش اللازم لإتمام الصفقة بيكون يا إما عن طريق الكاش المتاح في حسابات البنوك، أو طريق الاستدانة (Debt)، أو اصدار أسهم جديدة أو (Equity Finance)،
وفي حالة إيلون ماسك، فمبلغ الاستحواذ واللي هيدفع كله كاش هيتم تدبيره عن الاستدانة و (Equity Finance) كالتالي:
تعهد من بنك مرجان ستالي ومجموعة بنوك تانية بمنح ماسك شرائح من القروض، أول شريحة عبارة عن 13 مليار دولار بضمان تويتر، ودي هتكون في أربع صور:
تعهد من بنك مرجان ستالي ومجموعة بنوك تانية بمنح ماسك شرائح من القروض، أول شريحة عبارة عن 13 مليار دولار بضمان تويتر، ودي هتكون في أربع صور:
الصورة الأولى مبلغ (6.5) مليار دولار كـــــ (Senior Secured Term Loan) وده نوع من القروض محدد بمدة ثابتة وبضمان أصول بيكون له الأولوية في السداد في حالة التعسر،
يعني لو حصل تعسر وبعنا الأصول البنك هياخد فلوسه قبل القروض اللي بدون بضمانات، وقبل حاملي الأسهم الممتازة، وقبل حاملي الأسهم العادية، وعشان كده أسمه (Senior Secured)،
والصورة الثانية مبلغ (500) مليون دولار كــــ (Senior Secured Revolving Facility) وهنا البنك هيفتح تسهيل ائتماني بـــــ (500) مليون يقدر ماسك يسحب منه ويسدد خلال مدة زمنية محددة،
يعني لو احتاج (300) مليون هيسحبهم ولما يسدهم البنك هيشوف قعدوا معاه قد ايه ويدفعوه فايدة على الــ (300) بس مش على الـــ (500) مليون وهكذا، كأنك بالضبط واخد قرض وكل شوية تقفله وتجدده بس ده بيكون خلال فترة زمنية محددة وله حد أقصى، وعشان كده أسمه (Revolving) يعني دوار.
والصورة الثالثة مبلغ (3) مليار دولار كـــــ (Senior Secured Bridge Loan) وده فكرته إن البنك بيسلفك لحد ما السيولة والتزاماتك المالية تتسحن، يعني مثلا أنت محتاج تمويل وسيولة حالاً فعرضت أصل عندك للبيع بس البيع هياخد وقت،
فتروح للبنك تطلب منه قرض يسدلك فجوة التمويل اللي عندك لحد ما تبيع الأصل، عشان كده أسمه (Bridge Loan).
أما بقي الصورة الرابعة فعبارة عن مبلغ (3) مليار دولار كـــــ (Senior Unsecured Bridge Loan).
أما بقي الصورة الرابعة فعبارة عن مبلغ (3) مليار دولار كـــــ (Senior Unsecured Bridge Loan).
الشريحة الثانية هتكون عبارة عن (12.5) مليار دولار كــــ (Margin Loans) وده نوع من الاستدانة بيسمحلك أنك تأخذ قروض بغرض الاستثمار والقرض ده بيكون بضمان أسهم، وهنا ماسك هيقترض المبلغ ده بضمان أسهم تسلا..
بس خد بالك مبلغ القرض بيتحدد بناءً على نسبة أسمها (Loan To Value Ratio - LVR) والنسبة دي بتساوي مبلغ القرض على قيمة الأسهم،
ولو قيمة الأسهم انخفضت معنى كده أن النسبة زادت عن الحد المسموح بيه، وهنا البنك بيعملك (Margin Call) ويقولك تعال سدد جزء من القرض أو هات أسهم إضافية عشان نضبط النسبة، وعشان كده اسمه (Margin Loans)..
أما بالنسبة للـجزء الـــ (Equity Finance) واللي هو عبارة عن (21) مليار دولار، إيلون ماسك تعهد أنه هيدبر المبلغ ده من ماله الخاص...
وبكده هو دبر (46.5) مليار دولار ….. انتظرونا في فيديو دسم عن القصة كاملة….
وبكده هو دبر (46.5) مليار دولار ….. انتظرونا في فيديو دسم عن القصة كاملة….
جاري تحميل الاقتراحات...