نظرا لكمية الناس اللي سألتني علي الدايرة دي في الشارع او ناس اعرفهم فحبيت اتكلم عن الدايرة البيضة دي و اللي في رايي واحد من افضل الاختراعات اللي ممكن تبقي متاحة لاي diabetic (١)
الدايرة دي عباره عن سينسور ، زي ما اي حد عدي قدام الكلية عارف ان قياس السكر بيبقي من خلال الدم ففكرة السنسور ده معتمدة علي قياسه في السائل اللي بين الخلايا و ده برضوا بيحتوي علي سكر موازي لكمية السكر في الدم بس عنده لاج عشر دقايق بمعني ان ده السكر في دمك بس من عشر دقايق(٢)
⁃طيب بيتم ازاي القياس ؟ من خلال جهاز جاي معاه معتمد علي تنقية ال NFC انك بتمشيه عليه زي بتاع السوبر ماركت كده و بيديك القراءة
⁃هل قياساته دقيقة ؟ اه و بتبقي فروقات بسيطه زي الفروقات بين اجهزة الدم و بعضها بس لا يمنع انك لازم تعايره انك تقيس بالدم كل كام يوم (٣)
⁃هل قياساته دقيقة ؟ اه و بتبقي فروقات بسيطه زي الفروقات بين اجهزة الدم و بعضها بس لا يمنع انك لازم تعايره انك تقيس بالدم كل كام يوم (٣)
⁃هل مؤلم ؟ لأ ، هو عباره عن ابره مصنوعه من ماده بوليمر فهي موجودة جواك طول الوقت و ممكن توجع لو نمت عليها او اتخبطت في كتفتك لان الابره هتدخل لجوا و ممكن تتعور لو ما اخدتش بالك لكن مش للدرجة و اكيد مش بالم انك تشك صوابعك اربع خمس مرات في اليوم (٤)
⁃هل هيتخلع بسهولة ؟ اللزق اللي فيه قوي جدا و بيثبت اوي بعد حوالي يومين و الجهاز مقاوم للمياة و العرق و مش هيتأثر بالشاور او اللبس او النوم ،و تقدر تحط عليه لزقات طبيه زياده لو قلقان زي ما انا كنت في الاول (٥)
هل ليه اثار سلبية علي الجلد ؟ في ناس جلدها حساس فبتتأثر لكن دي نسبة قليلة بس للحق بقالي يومين هموت و اهرش تحته
هل متاح علي التأمين الصحي ؟ للاسف لأ حتي الان
اقدر اجيبه من فين ؟ للاسف هو مش متاح غير في فروعهم الرئيسية في القاهرة و اسكندرية بس ممكن من خلال شركة شحن (٦)
هل متاح علي التأمين الصحي ؟ للاسف لأ حتي الان
اقدر اجيبه من فين ؟ للاسف هو مش متاح غير في فروعهم الرئيسية في القاهرة و اسكندرية بس ممكن من خلال شركة شحن (٦)
سعره ؟ السينسور ده من الاجهزة اللي لازم تتغير سعره في مقر الشركة ١٠٢٠ جنيه و مدته ١٤ يوم بعدها المفروض يتغير لكن بيتمد ل ١٤ يوم تانيين بطريقة معينه فتقدر تقول انه بيكلف الف جنيه في الشهر و في الف جنيه تمن ال reader و لكن دي هتدفعها مرة واحدة يعني و الجهاز مستمر معاك بعدها (٧)
بدائل اقتصادية ؟ للاسف ده هو البديل الاقتصادي اصلا و مش متاح في السوق غير هو و dexcom و اللي سعره بيوصل تلت اضعافه تقريبا (٨)
في النهاية هل هو worthy ؟صحيا؟ اه جدا لانه بيديك قياساتك في اي ثانيه بيريحك من الم الشك و بيوفرلك diagram لمستوي السكر في دمك طول اليوم و ممكن بقطعه بسيطه تتشتريها يبعت القياسات دي لتيلفونات لو ام عايزه تراقب ابنها او علشان ينبهك في حالة الهبوط (٩)
طيب ماديا ؟ بحسبة بسيطه ان متوسط اسعار شرايط القياس خارج التأمين حوالي الواحد باربعة جنيه و الشهر ٣٠ يوم هتقيس في اليوم تلت مرات لو انت ملتزم هتوفر حوالي نص المبلغ فالموضوع هيختلف من شخص للتاني كقيمه مقابل سعر و يظل الجهاز برضوا رفاهية قابلة للاستغناء عنها و إن كانت مريحة (١٠)
جاري تحميل الاقتراحات...