ابسط ما يحتاجه جمهور الأهلي من بيتسو موسيماني محليا "خاصة" هو الأمان والرضا و اعتقد بأن دي هتخفف من حالة الانقسام اللي حواليه.
ثريد جديد لطيف خفيف.. تابع ❤⬇️
ثريد جديد لطيف خفيف.. تابع ❤⬇️
الأمان إنك تبقي مطمن بأن الفريق مش هيستقبل أهداف إلا "استثناء"حيث إن القاعدة بأن الأهلي بيستقبل اهداف كل ماتش تقريبا، ف لو سألت اي مشجع هيقولك انا مستني الهدف اللي هيجي فينا في الدقيقة كام وكأنه يقين بأن الأهلي هيستقبل هدف
صحيح الأهلي اقوي خط دفاع ولكن 9 اهداف في 12 ماتش معدل مش لطيف و ف افريقيا استقبنا 7 اهداف في 8 ماتشات ف ده مؤشر مش جدع خاصة اننا عملنا سجل دفاعي من الاسوأ في تاريخنا لدرجة ان الفريق الوحيد الذي لم نستقبل منه اهداف هو سيراميكا !
محتاج استقرار في النتائج "محليا" محتاج سلاسل انتصارات طويلة الأهلي بيعمل 3 4 ماتشات وفجأة يطلع ماتش غريب نخسر او نتعادل نضيع نقط عبيطة في سباق الدوري زي المصري وفيوتشر
ف اطول سلسلة انتصارات موسيماني كانت 6 ماتشات والتعادل مع فيوتشر ثم 4 انتصارات وهزيمة عبيطة من المصري توقيت الهزيمة او التعثر بيكون مش ف مصلحة الفريق ف مثلا لو كان ال 10 انتصارات متتالية كان شكلها هيكون أفضل وتدي شعور بالثقة والامان ولكن فعلا التوقيتات صعبة.
محتاجين نحس بالشراهة التهديفية مع إن لو حد غريب مش متابع شاف معدل الأهداف هيستغرب ف الأهلي سجل 31 هدف في 12 ماتش واقوي خط هجوم في الدوري رغم ان الزمالك لعب 3 ماتشات زيادة ولكن فاعلية تحويل الفرص ل أهداف قليل اوي مقارنة بكمية الفرص المصنوعة.
رتوش بسيطة هتفرق مع موسيماني والفريق صحيح هتحتاج مجهود كبير ولكن هتفرق معاه اوي ومع الفرقة ف لما الفارق يكون 10 نقط لما اروح إفريقيا ارجع مطمن وملاقيش نفسي تحت ضغط اني عايز اكسب خاصة ان كل الفرق بقيت فاضيه للدوري.
حتي كمان هيكون معاك فرص للتجربة لاعب شاب ، لاعب مش بيشارك اديلو، اعمل الروتيشن الصحي للاعبين ، يكون عندي قابلية للخطأ حتي ك لاعب او كمدرب ولكن طالما الفرق بين النجاح والفشل شعره ف الغلطة ب فوره لأن كل حاجه هتبقي متكهربة.
انا بحب موس اوي ولكن هحبه الضعف لو حسيت بالراحة والرضا واعصابي متبقاش مشدودة كل ماتش.. ف يارب ميكي ينجح في الإعدادية ركز في المحلي واكسب الماتشين الجايين ❤😂
جاري تحميل الاقتراحات...