#قصة_وعبرة
قصة مؤلمة جداً خاصةً لأصحاب الحسابات اللي ينشرون محرمات ،اتمنى توصل وياخذون هالقصة عبرة لهم 💔💔:
قصة مؤلمة جداً خاصةً لأصحاب الحسابات اللي ينشرون محرمات ،اتمنى توصل وياخذون هالقصة عبرة لهم 💔💔:
السلام عليكم انا شاب ابلغ من العمر 21 سنه توفي صاحبي قبل كم شهر بحادث سياره الله يرحمه ويغفر له كان خلووووق جداً ومافيه احد ما يحبه والكل يشهد له بحسن اخلاقه وكرمه وشهامته والكل انفجع لفقدانه وما تقبل هاللي صار والحمدلله على كل حال،
بعد موته بكم اسبوع بدت تجيني كوابيس بنومي عن انه يتعذب بالنار ويحترق واللّٰه العظيم اني كنت افز من نومي مرتاع ومب مستوعب ليش قاعد يصير له كذا والله الكل يشهدله بأخلاقه وحسن تصرفاته صار يتردد علي فتره هالحلم وكأنه يحاول يستنجد فيني ووالله العظيم ان صراخه ماكان طبيعي ابداً
صراخ مرعب لأبعد حد يزورني وأتذكره حتى لما اكون لحالي، صرت دايماً اتصدق عنه وادعي له بوقت الأذان والإقامة لعل الله يخفف عنه العذاب ولكن مافيه فايده كان كل يوم يزيد ويطلع من اذنه وفمه وتحت اظافره صديد مستحيل انسى منظره،
كرهت النوم وهجرته خوفاً من ان يتكرر علي المنظر وانا ما اقدر اسوي شيء غير الدعاء والصدقة رحت لكم مفسر لكن ناكنت متأكد من صحة تفسيرهم او بالاصح ما ارتحت تماماً كنت اتمنى ان هالشيء يكون اضغاث احلام وانه مايتعذب بقبره او اياً كان بعدها بيومين رجع لي الحلم نفسه
كانوا شخصين أجسامهم كبيره يسحبونه لمكان بعيد فيه جمام وناس يتعذبون معاه وكانوا يصبون بأذنه زي الصديد أكرمكم الله ويطلع مع الاذن الثانيه وما اكتفوا بهذا القدر كانوا يجيبون سيخ حديد حار ويدخلونه بأذنه ويطلع مع اذنه الثانيه تحت صراخه الشنيع ويدينه أيضاً كانت ممسوخة وواضح عليها
علامات العذاب الشديدوالله على مااقول شهيد سألته يا فلان ليش يصير معك كذا ليش يعذبونك كذا وانت وانت كنت بار بوالدينك ومحافظ على صلاتك وش الذنب العظيم اللي استحق كل هذا التعذيب؟ تكلم أخيراً وقال لي الاغاني يافلان الاغاني !
من يوم ما انحطيت بقبري وانا اتعذب صار قبري حفره من حفر النار بسبب الاغاني والذنوب الجاريه اللي جتني منها ولا يوم ذقت الراحة والله ولاا يوم ذقت الرااحة يصبون القيح والصديد في اذني ويحرقون يديني ويعذبوني ليل نهار على ما فعلت !
هذا كل اللي اتذكره من كلامه بعدها سحبته الملائكه للتعذيب مره ثانيه والله على مااقول شهيد كان شكله مؤلم وصراخه مفجع ضل كابوس يقظة يراودني، فهمت ان سبب تعذيبه الاغاني لكني مافهمت كلامه "ذنوب جاريه؟" الموضوع صار يراودني اكثر من يوم ويلازم تفكيري
ووالله اني ماذقت الهنى ولا استمتعت فيه بهالكم يوم بعدها تذكرت انه كان عنده حساب في انستقرام كان قديم يمكن من 2014 وهو فاتحه وكان ينزل فيه مقاطع اغاني وشيلات رجعت ادور عن هالحساب وأخيراً لقيته بس جلست افكر كثير هذا سبب تعذيبه؟
شفت ان عدد اللايكات فيه كثير وعدد الفولورز يزيد ولا يعرفون بموته ! اوجعني قلبي كثير من منظر الفولورز والذنوب اللي تتسجل عليه وعرفت معنى كلمته ذنوب جاريه احترت وش اسوي لاني مااعرف الباسوورد ولا الايميل ولا اي شيء يخص الحساب مع كذا كنت كل ما اتذكر منظره وهو يتعذب
ارجع وادور اي طريقه اقدر اسكر الحساب فيها وماعرفت كيف اتصرف وهذا الشيء اللي خلى ضميري يأنبني جلست ٣ ايام وانا ماني عارف وشلون اسكر الحساب فهالثلاث ايام كنت اشوفه يتعذب بمنامي ووالله العظيم اني ماذقت النوم الهني ابد احسه يتعذب بسببي كنت اعرف سبب تعذيبه ومع كذا ماني قادر اسوي شيء
لما ربي دلني على الحل وحصلت هكر توقعته بيطلب مقابل عشان يهكر الحساب لكن بلغته بحاله صاحب الحساب وقال انه بيسكره لوجه الله وفعلا مامرت ٢٤ ساعة الا وهو مهكر الحساب وحاذف كل شيء فيه بنفس اليوم صليت لربي فيه وسألته بسجودي انه يوقف عنه العذاب برحمته وعفوه،
كان منظره مفجع جداً مارتحت الا لما سكرت الحساب، مستحيل اني انسى المنظر ووالله ان هالشيء كان كفيل بأني اترك الاغاني وحتى الشيلات للأبد واي ماكان يشغلونها فيه اتجنبه، والله العظيم اني اخذت درس ماني ماخذ مثله طوال عمري كله والحمدلله ان الله هداني عن الاغاني
صرت اي مناسبه فيها اغاني اصد عنها اي شيء فيه موسيقى مااحاول حتى اني اسمع له من هول ماشفت والله ولو اي واحد فيكم شاف اللي شفته كان كره طاري الاغاني وسيرتها وكل شيء يتعلق فيها كان ماعملت لآخرتك طول عمرك وعرفت ان الدنيا فانية
تمنيت اني اقدر اخلي اللي يسمعون الاغاني يشوفون اللي شفته والله منظر مفجع وهم يعذبونه تحت صراخ كان مرعب جداً جداً ماهو صراخ طبيعي صراخه يتردد في اذني لهاللحظة والله العظيم،
اتمنى كلامي هذا يكون درس لكل واخد يسمع الاغاني او على الاقل مدمنين الاغاني ما ابي يكون بذمتي او برقبتي شيء اني شفت هذا العذاب كله ولا انذرت احد، اللهم بلغت اللهم فاشهد ❤️، قد ايش فيه اشياء كثير مستهينين فيها مع ان عذابها شديد اللّٰه يتوب علينا يارب.
جاري تحميل الاقتراحات...