كيف ننجز حتي لو ما كان عندنا مزاج كويس عشان ننجز ؟؟
ثريد:
ثريد:
ح نتكلم خدعة بسيطه بتخليك تنجز بنسميها " قاعدة الخمس ثواني" ودي خدعة استخدموها ناس كتار منهم مؤلفة كتاب قاعدة الخمس ثواني Mel Robbins ودا بعد ما وصلت لانحدار شديد بعد نجاح سابق والخدعة البسيطة دي من الحاجات الساعدتها جدا في انها ترجع تنجز وتحقق نجاحات اكتر من الاول.
اسوء حاجة ممكن نمر بيها اننا نربط انجازنا بالحالة المزاجية البنمر بيها فلو عايز تنجز في حياتك حتحتاج تعمل حاجات مملة وصعبة ومرات فيها مخاطرة لانو مزاجك ما حيطاوعك تعمل الحاجات دي، دائما مشاعر الضيق والملل حا تكون مصاحباك
جاء في الاثر ان عمر بن عبدالعزيز ارسل الي الحسن البصري وقال : ( اذا وصلك كتابي هذا فأكتب لي موعظة واجز ). فرد عليك الحسن البصري : ( اما بعد.. اعص هواك ، والسلام ) ودا الحل اننا ما نخلي مصيرنا وحياتنا تحت رحمة مزاجنا.
مفروض ان نستخلص نقطتين مهمتين:
🟢الاولي ان المشاعر تتبع الفعل وليس العكس يعني ما تستني لمن مزاجك يتزبط حتي تقوم تنجز قوم وانجز ومزاجك حيتغير وبكون قبل كدا مر عليك يكون مزاجك ما تمام وكان مفروض عليك شغل او مذاكرة وبديت بالرغم من مزاجك المعكر دا ...
🟢الاولي ان المشاعر تتبع الفعل وليس العكس يعني ما تستني لمن مزاجك يتزبط حتي تقوم تنجز قوم وانجز ومزاجك حيتغير وبكون قبل كدا مر عليك يكون مزاجك ما تمام وكان مفروض عليك شغل او مذاكرة وبديت بالرغم من مزاجك المعكر دا ...
وبعد ما بديت مزاجك اتغير وبعد ما خلصت حسيت بالانجاز والرضي عن نفسك او كان في شغل معين مفروض تنجزو واجلتو وسوفتو بسبب خوفك من الشغل ولما بديت لقيت نفسك مدي الشغل أكبر من حجمو ومقلق اكتر من اللازم وانو الشغل ابسط من الحاجة الكنت خاتيها ليهو
🟢 النقطة التانية: قاعدة الخمس ثواني الفكره جات من انو المؤلفة مرت بظروف سيئة لدرجة بقت تدتتجاهل المنبه عشان تهرب من واقعها لحدي ما يوم الهمت بفكرة مؤقت الصاروخ وانو كيف بعد المؤقت بنطلق الصاروخ فقررت انو تاني يوم لما المنبه يدق حتصحي وتعد عد عكسي من ٥ ل ١ تقوم من سيرها وتنطلق
وفكرة العد العكسي هي خدعة للمخ عشان تمنع الافكار البتخليك متردد وتمنعك من القيام بأي فعل لانو كل ما اديت المخ فرصة لانو يتردد ويختلق اعذار في الاغلب المخ حينجح انو يخليك تتردد وتخلق اعذار لي روحك
في الختام طبقوا القاعدة دي على كل نشاط بتعملوهو. بما انك في تويتر حاليا وبتتنقل بين التويتات وغالبا مؤجل ليك كم تاسك تاني فدي أنسب فرصة تطبق فيها قاعدة الخمس ثواني. فكر في اي تاسك انت متجنبه بحجة المزاج، ممكن يكون دراسة مثلا، خت التلفون، عد تنازليا من ٥ ل ١ ، وابدا طوالي🔥
جاري تحميل الاقتراحات...