طيب بصو يا شباب عشان انتو فاكرين غالبا ان الاستاذ ايلون طلع من البوك بتاعه اللي فيه ٢٠٠ مليار ٤٥ اشترى بيهم تويتر زي اي حاجة، اولا طبعا لو عمل كدة ثروته مش هتساوي الرقم ثانيا المليارديرات حضراتكم مش بيدفعو حاجة تقريبا من جيبهم خالص عشان الصفقات اللي زي دي
ايلون عنده اكسس او يقدر يوصل لفلوس كتير جدا باستخدام سمعته بس، وهو بيبنيها بقاله كتير و باختصار هي دي اللي تساوي فلوس، ف مثلا فيه مستثمرين كتير معاهم مليارات بيدوروا يحطو فلوس معاه ازاي، ليه عشان عنده بورتفوليو كويس فيه شركات كسبانة و بتكسب بالتالي العين عليه
هو كمان من ناحية تانية بيشتغل مع ناس كتير جدا لتوفير مصادر تمويل لشركات زي سبيس اكس و زي تسلا و باع باي بال زمان لمستثمرين برضه بالتالي علاقاته كويسة جدا، ف يوم ما يقول انه هيشتري تويتر هيعمل ايه؟
اولا هو مش هيحط فلوس من جيبه هو هيعمل بزنس كيس واضحة هو ليه عايز يشتري تويتر و ايه العائد اللي ناوي يحققه من الصفقة دي و هيحققه ازاي و ف خلال اد ايه، بيروح لكام واحد من الناس المستثمرين و هيقولهم هو ناوي يعمل ايه، و طبعا هيوافقو عشان هو اولريدي اسم كبير
بالتالي هيلم ال٤٥ مليار دول زي السلامو عليكم لأنه ف الاخر ناوي يشتري بيهم اسهم شركة هتكسب بمجرد وضع اسمه عليها، يعني ايه؟ السهم رفع ٦٪ بمجرد ما الخبر طلع، ف اي حد حط دولار زاد ٦٪ اولريدي قبل ما يعمل حاجة، مع كل تطوير و كل خبر هيطلع عن تويتر بعد كدة، الرقم هيزيد
بالتالي من غير ما يعمل حاجة هو اولريدي خلق positive sentiment حوالين تويتر وده لوحده هيخلي السهم يعلى، طب هو ناوي يتوسع ف ايه بالظبط ف تويتر؟ ده موضوع محتاجاه ثريد لوحده، بس فيه مناطق كتير جدا مفروض تتحسن، تويتر بمستواه التقني الحالي ينتمي ل٢٠٠٥ اكتر من دلوقتي
غير ان تقديم التوسعات والخواص الجديدة عالبلاتفورم بالذات ف الاعلان متأخرة جدا و مش مناسبة خالص لليومين دول، هو ناوي يعمل ايه و يركز على ايه؟ لسه شوية على مانعرف وهنقضيها تسقيف الكام يوم دول
جاري تحميل الاقتراحات...