كيف ممكن نقدّر المال ونحافظ عليه وعلى استمراريته بحياتنا بدون ما نتعرض لضيق مالي او احتياج .. هالخطوات توني ابدا اطبقها وشفت كثير مجربينها ومتاكدة انها بتشكل فارق مره كبير بوضعكم المادي لو طبقتوها ، الخطوات عملية وتطبيقية وتحتاج جدية مو حبة سحرية وأكواد 😀💵💵💵
١/ نجيب ورق وقلم ونكتب فيها قائمة بالأمور الاساسية اللي لازم ندفعها مثل الفواتير حقت مثلا الكهرباء والماء او الجوال او اي فاتورة ضرورية جداً ، ايضا الادوية او المواعيد ( المهمة )
وجنب كل فاتورة نكتب سعرها عشان نعرف كم راح ندفع بالضبط
مثلا : الجوال ٧٠٠
موعد الاسنان ٢٠٠ الخ ..
وجنب كل فاتورة نكتب سعرها عشان نعرف كم راح ندفع بالضبط
مثلا : الجوال ٧٠٠
موعد الاسنان ٢٠٠ الخ ..
٢/ حاولو توسعون مصدر دخلكم ب اي طريقة ممكنة ، حتى لو تبيعون أمور ماعاد تستخدمونه بالمواقع اللي تعيد بيعها .. ابتكروا طرق بسيطة ترفع دخلكم حتى لو ١٠٪ ، صدقوني فيه افكار كثيرة وماتكلف ولو بحثتوا راح تلقون الهامات تساعدكم ونيتكم الصادقة بتسخرلكم الطريق🫀
٣/ راح تشترون مقاضي وتبدون تاكلون من اكل البيت وتجهزون وجباتكم عشان ماتضطرون تاكلون برا ، هالشي يوفر عليكم بشكل ماتتخيلونه خصوصا ان نص فلوسنا تطير عالمطاعم🍔 مايهم نوع الاكل صحي او غير صحي المهم انكم ماتشترون من برا ومتى ماجعتوا اكلكم مجهز من قبل 👌🏼 صدقوني اكثر خطوة بتفرق.
٤/ لا تشترون اي شي ترند وتطيرون فيه لان اغلبها ما تكونون فعلياً محتاجينها كل الموضوع حماس ، اذا شي عجبكم مره اصبرو عالاقل ٣ اشهر بعدين اشتروه عشان تتاكدون صدق ان خاطركم فيه مو بس شعور لحظي وتضييع فلوس ، خاصة ان الشخص احيانا يغطي فراغ مشاعري بالصرف على اشياء لحظيه تبهجه 🙏🏼
٥/ الملابس اكثر شي ندفع عليها بعد الاكل خصوصا شي ان🤭ضروري نفهم ذوقنا باللبس وبناءًا عليه نشتري فقط مرتين بالسنة " صيف و شتاء " ونتاكد ان القطعه راح نكررها ومختارينها بقناعه وتكون يومية او مريحة ومثلا قطعتين للمناسبات وخلاص ، لو تفتحون دولابكم بتلقون قطع كثير ماستخدمتوها للاسف.
٦/ قلصوا عدد الاشتراكات اللي مالها داعي مثل اشتراكات الانترنت او منصات المسلسلات والافلام واكتفوا بمنصة وحدة فعلياً مهتمين لها ، اي برامج او اشتراكات ما تستخدم بكثرة الغوها ، حتى فواتير الجوال اختارو باقة سعرها مناسب لا تدفعون على مميزات انتو ماتستخدمونها ولا تهمكم.
٧/ بعد ماتسوون الخطوة رقم ١ واللي هي كتابة قائمة الضروريات اللي لازم تُسدد حطوا على جمب فراغ عشان تكتبون فيه ايش الاشياء الزايدة اللي اضطريتوا انكم تدفعونها وماكانت بالحسبان ، ممكن اضطريتوا تشترون شاحن جديد مثلا ، اكتبو سعره عشان تعرفون اخر الشهر كم انفقتوا.
٨/ الادخار مُفضل مع هالخطوات وراح ينفعكم ، يخليكم توفرون بالحاضر وتبنون للمستقبل .. المبلغ مو مهم كل شخص وحسب اللي يشوفه مناسب وماياثر على ميزانيته ، تبون ١٠٪ او اكثر انتو مخيرين وهالمبلغ بيكبر وراح تستثمرونه باذن الله✨
جربوها كأول شهر مع اول راتب قادم وشوفو بعد شهر ايش النتائج اللي صارت معاكم وكم وفرتوا وكيف صرتوا تعرفون الشي اللي فعلا تحتاجونه واللي كنتو تشترونه من باب الملل وصرف الفلوس ..
مافيه شي ينظم الافكار والمخطط مثل الكتابة ضروري تسجلون اللي كتبته وتقسمون احتياجاتكم🤍✨
مافيه شي ينظم الافكار والمخطط مثل الكتابة ضروري تسجلون اللي كتبته وتقسمون احتياجاتكم🤍✨
جاري تحميل الاقتراحات...