دايما بنسمع انو عشان تنجح في تحقيق النجاح لازم يكون عندك "حافز" يدفعك لي قدام عشان تصل لي هدفك، ولما تجي تلاحظ للنقطه دي بتلاقي الأغلب إن لم يكن الكل فور انقطاع الحافز بيقيف ويستسلم، وفي نظري المشكله في الأصل في حتة "التحفيز للنجاح"
ودي من خرافات التنمية البشرية المنتشرة... +

النجاح ما محتاج تحفيز، النجاح انضباط واتساق ذاتي.
عشان تصل لي مرادك لازم تكون الرغبة دي نابعه من داخلك، ما من محفز خارجي بينعدم تأثيرو تاني يوم.. ك رجل يجب عليك تعتمد على الانضباط والغرض مش التحفيز والدغدغه المعنويه، لو عايز تبقى "زول" وعندك مكانتك وثقلك في المجتمع، عليك انك.. +

تتحرك وتعمل بغض النظر عن نفسيتك، عواطفك السلبيه، بالدارجي كده تعفص على قلبك عديل وم تشتغل بيو، ما تخلي انتاجيتك وقيمتك مربوطه بحالتك النفسيه، انا مبسوط ومروق بنجز وبشتغل على نفسي ، قرفان والدنيا معكسه في وشي، امشي اضيع الزمن في فارغه لما مزاجي يرجع... +

عايز تبني عادات إيجابية في حياتك؟
عايز تسعى لحياه كريمه انت متمنيها؟
اتحمل المسئولية ودوس على عواطفك السلبية وم تفتش تحفيز خارجي، خليهو ينبع من داخلك عشان يبقى انضباط
وكده ان شاء الله ربنا سبحانه وتعالى م بيخذلك ويعينك بحوله وقوته...