إسم لايحتهم '"قادرين نخلي الازمة فرصة"، والمكتوب بينقرأ من عنوانه.
هني لائحة من 15 لائحة نازلين بكل لبنان حاملين مشروع واحد لمجتمع واحد #قادرين
@PetraSamaha @MaisRania

ما بيحملو ورقة بس بدهم يحكوا عن مشروعهم لان هني تعبانين عليه وعم يشتغلو في من 2016، وعالاكيد ما في بحديثهم غرائز وطائفية وتحريض، وفئوية وسخافة. عندهم المقدرة للمناقشة، من دون قيود.

اعضاء اللائحة بدائرة البقاع الاولى، من زحلة لكل لبنان هني:
عن المقعدين الكاثوليكيين:
بيترا سماحة، من زحلة، مهندسة معمارية، عم تتخصص دكتوراه بالتنظيم المدني.
رامي ابو عيد، من زحلة، مهندس يحمل دكتوراه بالطاقة.
عن المقعد السني: رانيا الميس، من مكسة، طبيبة سكري وغدد.

وعن المقعد الماروني: غسان حميمص، من تربل، طبيب دماغ وداء الصرع عند الاطفال بمستشفى الروم.
جميعهم خريجين الجامعة اللبنانية، وبمجهودهم الشخصي وصلو لانجازاتهم المهنية.
اذا كنتو محتارين شو بدكم تعملو بصوتكم، وبدكم تقترعو لارساء كرامة المجتمع ودولة فيها طمأنينة، اعطوهم فرصة لهالشباب،

أقله استمعوا الهم، ادعوهم لنقاش وهني بيلبوا. انتو بتستفيدو لو ما اقتنعتو بس اقله لح يكون خطاب بيحترم عقلكم وحسكم النقدي، وما بيقزمكم لغرائزكم ولا للانا المضخمة، والوعود المنافقة يلي عم نسمعها بهالمهرجانات الانتخابية