كيف كان أول عمل #تطوعي_محاسبي لي كان مع جمعية خيرية؟
في البداية كيف حصلت على هذا #العمل_التطوعي؟ حصلت عليه عن طريق المنصة الوطنية للعمل التطوعي nvg.gov.sa والشيء اللي حمسني إني اعتمد على @SaudiNVG في البحث عن أعمال تطوعية إنها منصة حكومية بمعنى إنها راح تكون ثقة وتحفظ حقي والتطوع يكون لجمعية خيرية وليس لجهة ربحية😬❤️
وبعد بحث عن فرصة #تطوعيه الحمدلله ووجدت ضالتي جمعية خيرية تبحث عن محاسب
تواصلوا معي وقالوا احنا نحتاج محاسب يكون معانا الصراحة بعد المكالمة أحلامي كانت وردية وتوقعت إن عندهم محاسب غيري ولكن اللي اتضح لي في المكالمة الثانيه إنه ماعندهم محاسب والجمعية الخيرية جديدة وتوها تأسست ومحتاجة محاسب يلملم الشتات والظاهر إنه هالمحاسبه بتكون أنا😅
لما عرفت الحقيقة إنه أنا المحاسب الوحيد الموجود في الجمعية الخيرية وإن ماعندهم أساس يعتمدون عليه بصراحة ترددت كثير وخفت وطلعت كل الأفكار السيئة في راسي ولكن اتخذت قرار إنه ماراح أوقف وراح أمسك حساباتهم🙏🏼
جاء وقت الجد وقلت لهم ارسلوا لي كل المستندات المحاسبية والفواتير عشان ابدا شغلي وارسلوها لي طبعًا وسألت عن البرنامج المحاسبي المستخدم وقالو ماعندهم واكتشفت إن اللي يشتغلون في الجمعية الخيرية بعيدين كل البعد عن المحاسبة ومايعرفون عنها إلا اسمها🥲
فكرت كثير وش الحل؟خطرت ببالي فكرة وهي إني اسوي لهم كل شيء على برنامج الإكسل قيود يومية،دفتر استاذ مساعد،ميزان مراجعة وحتى تحليل الايرادات والمصروفات الفكرة حلوة صح🥺بس التنفيذ ماكان سهل🥲أخذ مني وقت وجهد طويل ولكن الحمدلله انجزته وهذا الشخص هو اللي ساعدني🥲youtu.be
خلصت المرحلة الأولى وصار دفتراليومية جاهز على برنامج إكسل جاء اللحين وقت كتابة القيود اليومية وعشان أكتبها وأكون متأكدة إنها صح استعنت بكتبي الجامعية اللي كانت تتكلم عن #محاسبه_الجمعيات_الخيريه وماراح انسى المجتمع المحاسبي الرهيب اللي ماترددو في خدمتي الله يسعدهم🧡
جاء وقت الترحيل للأستاذ العام وبعدها اعداد ميزان المراجعة وكان الموضوع سهل ولله الحمد وهو عبارة بين الربط بين الصفحات قدرت انجزها بمساعدة هذا المقطع 😬 youtu.be
وفي الختام سويت تحليل الإيرادات والمصروفات وكان التحليل بمساعدة وحدة من المجتمع المحاسبي بصراحة ماعرف اسمها ولكن الله يسعدها مشت معاي خطوة بخطوة الين أنجزت التحليل 🥲
والحمدلله على التمام والكمال انتهت رحلة ممتعة مليانه تحديات في #العمل_التطوعي بنجاح وأنت وش كان أول عمل محاسبي لك؟ هل كان تطوعي؟ أو كانت وظيفة؟ هل تفكر تتطوع في #الجمعيات_الخيريه كمحاسب؟شاركني رايك وعلمني تجربتك😬😬😬
جاري تحميل الاقتراحات...