امبارح كنت بسمع بودكاست وواحد من الضيوف كان باحث في علوم البحار وقال إنه حاليًا بيدرس سمكة بتتواجد على عمق كبير جدًا لدرجة أنهم لما بيطلّعوها جسمها تقريبًا بيتلاشى علشان مش مهيأ للحياة في الظروف بتاعتنا..
فالراجل بيقول إنه أدرك فجأة أنه هو والحاجة اللي بيحبها (الأنواع الغريبة دي من السمك) لا يمكن يتواجدوا في مكان واحد وهما الاتنين أحياء، لو طلّعها هتموت (لأنها هتموت برضه في العمق اللي الإنسان يقدر يغطس له) ولو هو نزلها العمق ده برضه هيموت..
والإدراك ده خبط فيّا جامد الصراحة وإزاي أن فيه ناس التواجد معاهم في نفس المكان - سواء بتحبهم أو بتكرههم - بالضرورة يعني "موتك" أو "موتهم".
الحلقة أهي اللي حابب يسمعها.. موضوعها عن الظلام ومعانيه النفسية والدينية
open.spotify.com
open.spotify.com
جاري تحميل الاقتراحات...