رتبها

#ميكانيكيات_رمضانية 🧰
١٩ رمضان | 🌙
أنظمة الدفع بالسيارات 5 تقريبا:
1- دفع خلفي
2- دفع رباعي
3- دفع رباعي AWD على "اساس خلفي"
4- دفع امامي
5- دفع رباعي AWD "على اساس امامي"
وش المميزات والسلبيات ؟
كل نظام مرسوم ومحطوط جنبه الرقم ⬇️

نظام الدفع الخلفي تقريبا هو اشهر واقدم نظام على السيارات
والمقصود "بالدفع الخلفي"
الحركة تخرج من المحرك وإلى القير وإلى عمود الكردان
وبعدها العمود ممتد للكفرات الخلفية حتى يوصل لها الحركة
وبعدها الدفرنس الخلفي يوزع الحركة على الكفرين
مثل ماهو واضح بالصورة ⬇️

من المحرك للكفرات الخلفية:

وش يتميز فيه النظام:
-توزع الأوزان بالسيارة
-سهولة صيانته
"لأن القطع ماهي محشورة بمحل واحد"
-اكثر ثبات بسبب توزع الاوزان
سلبيات النظام:
-يضيع احصنه كثير "بسبب بعد المحرك عن الدفرس" كل ما زادت القطع والمسافة زاد ضياع الاحصنة
-قطع زيادة بالسيارة يعني وزن زيادة
-يصرف وقود

لكن لا يزال من افضل الانظمة على السيارات ولا زال يستخدم بكل الشركات تقريبا
وتحرص عليه الشركات الكبرى مثل مرسيدس بسبب الرساوة والراحة .. إلخ
وانصح اي واحد يشتري سيارة بحجم الاكسبلورر وما فوق
يحرص انها تكون دفع خلفي لأجل المميزات اللي ذكرتها وبتفرق معك بالراحة والتماسك ....

الدفع الرباعي هو بالضبط نفس نظام الدفع الخلفي
لكن بعد القير مباشره يركب محول الحركة
والمتعارف عليه بأسم "الدبل"
وبعد الدبل تروح الحركة لعمود الكردان والدفرنس الخلفي ...
فالسيارة تكون دفع خلفي كأساس لكن بمجرد ما تعشق الدبل ياخذ تقريبا نصف الحركة ويحولها للدفرنس الامامي

الفيديو هذا يوضح لك طريقة عمل الدبل
وطريقة التزييت اللي تحصل داخله
والجنزير المربوط بالتروس
وكيف ينقل الحركة من العمود الاساسي الخلفي للعمود حق الدبل
وايضا دنمو الدبل يوم تضغط الزر داخل السيارة هو يحرك عنك ويعشق لك .

فعندك يتحول النظام إلى 4x4
بمعنى الحركة الخارجة من المحرك مقسمة 50% للخلف
50% للأمام
ويستعمل للطرق الوعرة والبر إلخ ..

الدفع الرباعي AWD على اساس خلفي
هذا كأساس تقريبا نفس الدفع الرباعي
لكن محول الحركة يكون بشكل دائم وبنسب مختلفه موب مثل ال4x4
فمميزات النظام هذا:
ثبات اكثر
ويستعمل بشكل كبير بالسيارات الاوروبية
وسلبياته هي تقريبا نفس سلبيات الدفع الخلفي والرباعي اللي تكلمت عنها فوق

وهذا طريقة حركته ..

الدفع الامامي:
تخرج الحركة من المحرك إلى القير وبعدها مباشره عن طريق تروس وعكوس إلى الكفرات الامامية
"الكفرات الخلفية مفصولة تمام ولا يوصل لها اي شي ."

ولعل الفيديو هذا يوضح طريقة عمله بشكل اوضح

هذا النظام يتميز ب:
-اقل قطع
-ضياع الاحصنة يقل
-ما يصرف وقود
وسلبياته:
-التوازن سيئ لأن جميع القطع مرتكزه بالأمام
-رساوة اقل
-صيانة أصعبً
- الاستهلاك للهيئة الاماميه اعلى لأن الشغل والضغط كله قدام

الدفع الرباعي على اساس دفع امامي AWD
عبارة عن سياره دفع امامي
اضيف لها عمود كردان ودفرنس خلفي
ويكون عمل الكفرات الاربع بشكل دائم
لكن عمل الكفرات الاماميه اكثر من الخلفية

مميزات النظام ثبات اكثر من الدفع الامامي بسبب توزع الاوزان قليلا وحركة الكفرات الاربع
والنظام هذا يدخلك البر بشكل خفيف ويمشي الحال لكن ابدا ماهو مثل ال4x4 ولا بنسبة قريبه منه
وسلبياته يصرف وقود اكثر
وصيانته تزيد بسبب زيادة القطع
وزيادة الوزن بالطبع.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد